الموضوع: أيهما أفضل: Renault Fluence 2014 و لا Opel Astra Sedan 2013

المشاركة الأصلية كتبت بواسطة eggroup

أخوانى الأعزاء:

شكرا جزيلا لكم على هذه النصائح، و بصفتى ركيب رينو ميجان قديم من 2001 حتى 2008 و بعد قراءة أغلب النصائح الصادقة و المخلصة منكم جميعا

فقد قررت شراء الفلوانس الفئة e3 اليوم.

ذهبت الى معرض القرش فى مصر الجديدة و عاينتها على الطبيعه و لكن وجدت سعرها 177,000 علشان فيه overprice و لأنى أرفض مثل هذه الممارسات و لعدم حاجتى الفورية للسيارة فقد رفضت العرض.

ثم ذهبت الى معرض السبع بألماظه و حجزت عنده ال e3 بالسعر الرسمى 170,000 جنيه و سيخبرنى غدا بأقرب موعد للإستلام.

شكرا لكم جميعا و تقبلوا تحياتى و إحترامى.


د. ياسر التلمسانى

مبروك مقدما يا دكتور .... انا حجزت في توكيل رينو الغربيه واستلمت بعد 10 ايام بالسعر الرسمي لو تحب ممكن اكلمهم واعرف عندهم عربيات استلام فوري وتيجي تحجز هنا وعلي فكره كلهم ناس محترمين جدا .

المشاركة الأصلية كتبت بواسطة abo assal

مبروك مقدما يا دكتور .... انا حجزت في توكيل رينو الغربيه واستلمت بعد 10 ايام بالسعر الرسمي لو تحب ممكن اكلمهم واعرف عندهم عربيات استلام فوري وتيجي تحجز هنا وعلي فكره كلهم ناس محترمين جدا .

ربنا يخليك،،

أنا حجزت اللون الأسود بالسعر الرسمى و العربيه جاهزه للإستلام بس لسه إجراءات البنك.

المشاركة الأصلية كتبت بواسطة mostafa magdy

ألف ألف مبروك يا دكتور ربناي كرمك و يزيدك
أنا محتاج أكلمك ع الخاص لأكتر من سبب
بس ما شاء الله لو السعر كده تحفه أنا أخر مره 178
مش دي اللي فيها فتحه سقف و فول أوبشن و أوتوماتك طبعا ؟

لا يا دكتور،، دى بدون فتحة سقف او باركنج سنسور. الموديل ده ب 178000 رسمى فعلا.

تم تغيير الحجز الى الفئه e2 ب 155000 بعد ان درست الفروق و وجدت أننى لا أحتاجها فى سيارتى كما تم تغيير اللون الى الشامبين. و الحمد لله على كل حال.

أسعار بعض قطع الغيار:

برابريز أمامى = 2100ج

إكصدام أمامى = 2100ج

إكصدام خلفى = 1900ج

كبوت = 2100ج

فانوس أمامى = 1200ج

فانوس خلفى = 750ج + 550ج

تيل فرامل = 520ج

الفلوينس كماليات اكتر و توكيل افضل و اعتقد عفشه انعم
لكن الشكل و دي اذواق يميل للاسترا

المشاركة الأصلية كتبت بواسطة eggroup

فيما يخص المودلين المطلوب السؤال عنهم (فقط):

كماليات فى الأسترا مش موجوده فى الرينو:

1. 4 وسائد هواء (2 فقط فى الرينو)

2. Esp.

3. فرملة اليد تعمل بالكهرباء.

4. حساسات للركن الخلفى.

5. 7 سماعات (6 فى الرينو)


كماليات فى الرينو مش موجوده فى الأسترا:

1. تكييف أوتوماتيك + فتحات تكييف خلفية.

2. مصابيح led.

3. تصفيح أسفل السيارة.

4. سمارت كى.

5. حساس ضوء.

6. حساس مطر.

7. بلوتوث.

8. فوج لايت.

9. طى المرايات كهربائيا.

10. عدادات digital.

معلش يا افندم فيه تصحيح

الأسترا فيها
1. تكييف أوتوماتيك
3. تصفيح أسفل السيارة.

5. حساس ضوء.

6. حساس مطر.

8. فوج لايت.

9. طى المرايات كهربائيا.

إزاي مش فيها .. انا شايف الحاجات دي بنفسي لما كنت بتفرج عليها

وهرد رد تاني بخصوص المقارنه بس حبيت اقتبس من كلامك عشان الكماليات اللي حضرتك ذكرتها انها مش موجوده في الأسترا .. فهي موجوده بالفعل

ماعدا السمارت كي "ما اظنش انه فرق يستاهل" - البلوتوث "ممكن يتركب عادي ومجهزة لكده" - ال led وسهل جدا وفيه ناس ركبوه"

تحياتي