الموضوع: أيهما أفضل: Renault Fluence 2014 و لا Opel Astra Sedan 2013

بص هو المقارنه فعلا محترمه و في عربيتين يستاهلوا
كنت بفكر في الرينو فيس ليفت و أقدمت علي شراءها فعلا الفئه اللي ب 178 و كان فيها فتحه سقف إضافه إلي الحاجات اللي أنت قلتها ... أنا شايفها مناسبه أكتر و خصوصا بعد التغييرات اللي حصلت وموتور نيسان و تكييف نيسان و الفتيس كمان ( انا بقيت مقتنع إنها الاحسن في فئتها ) و ال value for money
الاسترا أغلي 7 الالاف جنيه 185 ( معلش أنا بكلمك علي الفئتين اللي انا مذاكرهم كويس بس الكلام ينطبق علي العربيه نفسها لو عممته بقا ) و مكنش فيها فتحه سقف
و بالنسبه لل ESP العربيه الفلوينس تحفه في الثبات ... أي نعم لا تصل للألماني بس أحسن من الياباني بكتير

بنفس صافيه و بنصيحه مخلصه لو لسه مشتريتش و تقدر تحط 8 الالاف كمان الفئه ال E3 فلوينس تحفه جمله و تفصيلا و ربنا يوفقك
و دمت بخير

و عشان أكون منصف برده تابلوه الاسترا ... روعه تابلوه طياره
و سعر إعاده البيع ( لو هتفكر تفكير مصريين ) في الفلوينس أعتقد هيعلي بعد ما بقت نصها ياباني و إعتماديه
الناس اللي أشترت الفيس ليفت بيقولوا التكييف بقي كويس و أفضل من الاسترا ( التكييفات الياباني معروفه و ده أنا سمعته مشفتوش بنفسي )
و دمتم بخير

العربيتين محترمين جدا بس اميل للفلوانس
1- موتور يابانى بجنزير مش سير وتكيف يابانى
2- توكيل محترم
3- موجودة فى السوق من 2010 ومسمعناش عن مشاكل فيها ( بالموتور الرينو كمان )
4- اوسع من الاسترا
وبردة فى حاجات مش مهمه اوى زى العدادات الديجيتال وسعر اعادة البيع حيبقى احسن بعد التعديل اليابنى استهلاك البنزين بقى قليل جدا
وبالنسبه للثبات فانا شايف وعن تجربه انها عربيه ثابته جدا

أخوانى الأعزاء:

شكرا جزيلا لكم على هذه النصائح، و بصفتى ركيب رينو ميجان قديم من 2001 حتى 2008 و بعد قراءة أغلب النصائح الصادقة و المخلصة منكم جميعا

فقد قررت شراء الفلوانس الفئة E3 اليوم.

ذهبت الى معرض القرش فى مصر الجديدة و عاينتها على الطبيعه و لكن وجدت سعرها 177,000 علشان فيه overprice و لأنى أرفض مثل هذه الممارسات و لعدم حاجتى الفورية للسيارة فقد رفضت العرض.

ثم ذهبت الى معرض السبع بألماظه و حجزت عنده ال E3 بالسعر الرسمى 170,000 جنيه و سيخبرنى غدا بأقرب موعد للإستلام.

شكرا لكم جميعا و تقبلوا تحياتى و إحترامى.


د. ياسر التلمسانى

المشاركة الأصلية كتبت بواسطة batour

العربيتين محترمين جدا بس اميل للفلوانس
1- موتور يابانى بجنزير مش سير وتكيف يابانى
2- توكيل محترم
3- موجودة فى السوق من 2010 ومسمعناش عن مشاكل فيها ( بالموتور الرينو كمان )
4- اوسع من الاسترا
وبردة فى حاجات مش مهمه اوى زى العدادات الديجيتال وسعر اعادة البيع حيبقى احسن بعد التعديل اليابنى استهلاك البنزين بقى قليل جدا
وبالنسبه للثبات فانا شايف وعن تجربه انها عربيه ثابته جدا

100% صح!!

المشاركة الأصلية كتبت بواسطة mostafa magdy

سعر إعاده البيع ( لو هتفكر تفكير مصريين ) في الفلوينس أعتقد هيعلي بعد ما بقت نصها ياباني و إعتماديه
الناس اللي أشترت الفيس ليفت بيقولوا التكييف بقي كويس و أفضل من الاسترا ( التكييفات الياباني معروفه و ده أنا سمعته مشفتوش بنفسي )
و دمتم بخير

انا لا يشغل بالى مطلقا سعر إعادة البيع فأنا أعتبر ان السيارة تستهلك على فترة 10 سنوات مع الإستخدام الجيد و لا يهمنى بكم سأبيعها بعد 10 سنوات و لكن يهمنى (كم أستمتعت بها خلال هذه المده).

كل نصائحك كانت فى محلها عندى و ساعدتنى على الشراء.

شكرا لك و لهذا المنتدى الجميل.


د. ياسر التلمسانى