أيهما أفضل: Renault Fluence 2014 و لا Opel Astra Sedan 2013

**Hany Saad** · 30-12-2013 11:24 PM

اسمحولى اقارن بين الاسترا و الفلوانس من وجهة نظرى الشخصية
الثبات فى صالح الاسترا و بفارق واضح علشان الجنط ال ١٧ و نظام التعليق و كمان ال esp
الركوبة الناعمة داخل البلد و مع المطبات فى صالح الفلوانس
الوسع الداخلى و الشنطة فى صالح الفلوانس
الأستمتاع بالقيادة و الفتيس فى صالح الاسترا
الاوبشن الاكتر فى صالح الفلوانس لنفس الفئة السعرية
شياكة التابلوه فى صالح الاسترا
جودة التوكيل و فهم السيارة فى صالح الفلوانس
شكل السيارة الخارجى فى صالح الاسترا
تكيف العربية مع بنزين ٩٢ فى صالح الفلوانس
نعومة الفتيس فى صالح الفلوانس

بالنسبة لى شخصيا فضلت الفلوانس للاتى:
سيارة اوسع
توكيل و صيانة و عربية معروفة من ٢٠١٠
عربية عائلية مريحة فى القيادة داخل البلد و ثبات معقول جدا على الطرق السريعة
اوبشنز بقيمة فلوسى اعلى بكتير
عربية اوسع و شنطة اكبر مع فتحة تحميل اكبر
مناسبة جدا مع بنزين ٩٢
فتيس ناعم دون اى احساس بالنقلات و لكنه غير رياضى او ممكن نقول ممل فى القيادة

و خسرت الاتى مع الاسترا:
شكل اكثر شراسة و هجومية و شبابية اكثر
تابلوه افخم
قيادة امتع و العربية يمكن مصحصحة اكتر و طبعا فرق الفتيس عن الفلوانس
ثبات اعلى من الفلوانس و خصوصا لهواة القيادة الرياضية

**abubakr1234** · 01-01-2014 01:43 PM

مع اني من الناحية العاطفية بميل للوبل بس اللي شفته في توكيل منصور يخليني اكسر ورا الاوبل زير وتخفى الاوبل لو وكيلها منصور

**برنس الليالي** · 05-01-2014 04:40 PM

انا بمجرد مشوف مقارنة بين عربيتين وحدة بـesc والتانية لأ بفضل اللي بـesc طبعاً كفاية انها حتخليك تجرى وترمح من غير الق

يعني انت تختار عربية طابع الماني بـesc ولا فرنساوي من غير ؟ يمكن الزينون والليدات اللي في الفلوينس بيغروك ولا ايه ؟ :))

خليك في الاسترا ثباتها رهيب وحجمها مش كبير اوي في الزحمة زي الفلوينس ... في امان لله

**Hany Saad** · 05-01-2014 05:31 PM

المشاركة الأصلية كتبت بواسطة برنس الليالي

انا بمجرد مشوف مقارنة بين عربيتين وحدة بـesc والتانية لأ بفضل اللي بـesc طبعاً كفاية انها حتخليك تجرى وترمح من غير الق

يعني انت تختار عربية طابع الماني بـesc ولا فرنساوي من غير ؟ يمكن الزينون والليدات اللي في الفلوينس بيغروك ولا ايه ؟ :))

خليك في الاسترا ثباتها رهيب وحجمها مش كبير اوي في الزحمة زي الفلوينس ... في امان لله

متفق معاك جدا فى ثبات الاسترا الرهيب و طبعا الزينون حلو فى الفلوانس لكن أكيد مش ال LED هو اللى فارق
أنا مش مغامر فى سواقتى يعنى لو بجرى ده لو حصل ببقى بحرص و فى الطوالى...لكن مش غرز ضيقة و كده
تقريبا كل سواقتى على صحراوى مصر اسكندرية و مش ببقى مستريح لو زودت عن ١٢٠ كم الا فيما ندر...بديها كروز كنترول و اريح شوية دماغى من مشاكل الطريق و شدته
فارق معايا قوى فى الفلوانس:
- الوسع الخلفى لأن دى عربية أسرة و فيه طفلين ورا و ساعات حماتى
- شنطة كبيرة علشان رحلات الصيف و الساحل
- العربية تكون مستريحة مع بنزين ٩٢
- استهلاك بنزين متدنى و خصوصا فى الايام اللى احنا هنشوفها قريب
- توكيل محترم و انا فاهمه كويس
- اعلى اوبشنز بالفلوس اللى بدفعها
- ثبات مرضى بالنسبة لنمط سواقتى

كل ده للأسف مش فى الاسترا فى مقابل فقط الثبات الرهيب مع ال ESP
- الاسترا مش حلوة مع بنزين ٩٢ و بترعش فى السلانسيه و التوكيل بيعلى الidle علشان يشيل الرعشة و ده طبعا بيأثر على أستهلاك البنزين....هى عايزة ٩٥ علشان تستريح
- توكيل منصور فى الضياع او فى احسن الاحوال لا يقارن مع رينو
- العربية ضيقة من ورا و ده مش هيناسبنى...ليه اللى قاعد ورا ميبقاش مستريح و خصوصا فى السفر
- الشنطة ضيقة بكتير عن الفلوانس و فتحة الدخول بتاعتها ضيقة جدا
- الثبات الرهيب ده بتاخد مقابلة جنط ١٧ و عفشة ناشفة داخل البلد على عكس الفلوانس عفشتها ملبن مع مطبات داخل البلد و عاليه و مش بتحك
- بالنسبة للفلوانس الهاى لاين الاسترا اللى بنفس التمن تفتقد الكثير و الكثير من الاوبشنز أهمها الزينون و الفرش الجلد و البلوتوث...مش عارف دول موجودين و لا لأ فى الاسترا لكن فى الفلوانس فيها ٦ ايرباج و فيه حساس ركن و فتحة سقف و نظام start /stop مع فتح و تدوير عن بعد و ٤ زجاج كهربا لمسة واحدة مع ٤ مكنات رفع و ٣ ستاير خلفية و مخرج تكييف خلفى و شوية دلع تانى كتير

لى شخصيا هناك أكثر من عامل فى صالح الفلوانس مقابل الثبات الرهيب للاسترا و طبعا فى النهاية اخترت الفلوانس
أشكرك يا كبير على النصيحة و الحوار البناء....فى أمان الله

**برنس الليالي** · 05-01-2014 06:37 PM

المشاركة الأصلية كتبت بواسطة Meggieboy

متفق معاك جدا فى ثبات الاسترا الرهيب و طبعا الزينون حلو فى الفلوانس لكن أكيد مش ال LED هو اللى فارق
أنا مش مغامر فى سواقتى يعنى لو بجرى ده لو حصل ببقى بحرص و فى الطوالى...لكن مش غرز ضيقة و كده
تقريبا كل سواقتى على صحراوى مصر اسكندرية و مش ببقى مستريح لو زودت عن ١٢٠ كم الا فيما ندر...بديها كروز كنترول و اريح شوية دماغى من مشاكل الطريق و شدته
فارق معايا قوى فى الفلوانس:
- الوسع الخلفى لأن دى عربية أسرة و فيه طفلين ورا و ساعات حماتى
- شنطة كبيرة علشان رحلات الصيف و الساحل
- العربية تكون مستريحة مع بنزين ٩٢
- استهلاك بنزين متدنى و خصوصا فى الايام اللى احنا هنشوفها قريب
- توكيل محترم و انا فاهمه كويس
- اعلى اوبشنز بالفلوس اللى بدفعها
- ثبات مرضى بالنسبة لنمط سواقتى

كل ده للأسف مش فى الاسترا فى مقابل فقط الثبات الرهيب مع ال ESP
- الاسترا مش حلوة مع بنزين ٩٢ و بترعش فى السلانسيه و التوكيل بيعلى الidle علشان يشيل الرعشة و ده طبعا بيأثر على أستهلاك البنزين....هى عايزة ٩٥ علشان تستريح
- توكيل منصور فى الضياع او فى احسن الاحوال لا يقارن مع رينو
- العربية ضيقة من ورا و ده مش هيناسبنى...ليه اللى قاعد ورا ميبقاش مستريح و خصوصا فى السفر
- الشنطة ضيقة بكتير عن الفلوانس و فتحة الدخول بتاعتها ضيقة جدا
- الثبات الرهيب ده بتاخد مقابلة جنط ١٧ و عفشة ناشفة داخل البلد على عكس الفلوانس عفشتها ملبن مع مطبات داخل البلد و عاليه و مش بتحك
- بالنسبة للفلوانس الهاى لاين الاسترا اللى بنفس التمن تفتقد الكثير و الكثير من الاوبشنز أهمها الزينون و الفرش الجلد و البلوتوث...مش عارف دول موجودين و لا لأ فى الاسترا لكن فى الفلوانس فيها ٦ ايرباج و فيه حساس ركن و فتحة سقف و نظام start /stop مع فتح و تدوير عن بعد و ٤ زجاج كهربا لمسة واحدة مع ٤ مكنات رفع و ٣ ستاير خلفية و مخرج تكييف خلفى و شوية دلع تانى كتير

لى شخصيا هناك أكثر من عامل فى صالح الفلوانس مقابل الثبات الرهيب للاسترا و طبعا فى النهاية اخترت الفلوانس
أشكرك يا كبير على النصيحة و الحوار البناء....فى أمان الله

الله ينور يا باشا والله .. على فكرة انا من اشد المعجبين بالفلوينس بجد وبعشق اللون الاسود عليها

وطبعاً اوبشنز الله ينور وصالون ملهوش حل بجد انا بس زي متقول كدا اخدت على نظام الثبات دا مع الـ320i عشان كدا تلاقيني بحنله :)

بس والله يا باشا اسبابك لإختيار الفلوينس اسباب مقنعة جداً ودا المطلوب بردو زي العفشة والوسع واستهلاك البنزين اشياء اساسية والتوكيل المقرف بتاع منصور

- إلا قولي عملت ايه في الحجز ؟ قريب إن شاء الله ولا ايه ؟ وثبت على اللون الاسود بردو ولا ايه الكلام ؟

خليك في اللونين دول لو لقتهم ...

ولا انت رسيت على ايه ؟ :) العربية دي بيريق عليها شوية الوان فظيعة بصراحة

**Hany Saad** · 05-01-2014 07:28 PM

المشاركة الأصلية كتبت بواسطة برنس الليالي

الله ينور يا باشا والله .. على فكرة انا من اشد المعجبين بالفلوينس بجد وبعشق اللون الاسود عليها

وطبعاً اوبشنز الله ينور وصالون ملهوش حل بجد انا بس زي متقول كدا اخدت على نظام الثبات دا مع الـ320i عشان كدا تلاقيني بحنله :)

بس والله يا باشا اسبابك لإختيار الفلوينس اسباب مقنعة جداً ودا المطلوب بردو زي العفشة والوسع واستهلاك البنزين اشياء اساسية والتوكيل المقرف بتاع منصور

- إلا قولي عملت ايه في الحجز ؟ قريب إن شاء الله ولا ايه ؟ وثبت على اللون الاسود بردو ولا ايه الكلام ؟

خليك في اللونين دول لو لقتهم ...

ولا انت رسيت على ايه ؟ :) العربية دي بيريق عليها شوية الوان فظيعة بصراحة

باشا الكبير....أحنا اللى بنستفاد منك و من خبرتك الكبيرة
المفروض الدفعة الجديدة وصلت ميناء الأسكندرية يوم ٣ يناير....يعنى أن شاء الله على نصف يناير بالكتير يسلموا الحاجزين
أنا كمان بعشق الأسود عليها و هو ده اللى أنا حاجزه و مش مدى أختيارات أخرى...أن شاء الله يكون جه الهاى لاين الأسود مع الدفعة دى لأنى مش هقدر أنتظر أكتر من كده..... هانت ربنا يسهل و استلم على خير على نصف الشهر أن شاء الله.....
أشكرك تانى على أهتمامك و مساعدتك ليا و تقبل تحياتى

**برنس الليالي** · 05-01-2014 08:06 PM

تستلم على خير إن شاء الله

مشاهدة نتائج الإستطلاع: أيهما أفضل للشراء؟

الموضوع: أيهما أفضل: Renault Fluence 2014 و لا Opel Astra Sedan 2013

LinkBack

أدوات الموضوع

عرض

-

-

-

المواضيع المتشابهه

Opel astra 2013 or Toyota corolla 2014 ? Yr help plz

civic 2013 or opel astra sedan hatgnnnennnn

عايز اعرف رأي الناس في ال Opel Astra sedan 2013

FORD FOCUS 2013 or Opel Astra Sedan 2013

Renault Fluence Vs Opel Vectra 2010

الكلمات الدلالية لهذا الموضوع

المفضلات

المفضلات

ضوابط المشاركة