أيهما أفضل: Renault Fluence 2014 و لا Opel Astra Sedan 2013

**ALshahba** · 10-01-2014 01:57 PM

محدش ينكر ابدا الثبات بتاع الالماني ............ سواء كان ب esc او من غير
باختصار الشديد
السواقه العاديه..... الفلوانس
سواقه رياضيه ...... استرا

بالتوفيق

**M_SALLAM** · 10-01-2014 03:13 PM

طبعا فلوانس شكل و ابشنز و برستيج احسن من استرا و مبروك مقدما ..

**برنس الليالي** · 16-01-2014 08:48 PM

الفلوينس افضل في الوسع وعدد الاوبشنز وافضل جوا البلد
الاسترا افضل على الطرق السريعة لإحتوائها على الـesp ودا بيدي اختلاف شاسع في الثبات ولا تقارن بسيارة لا تمتلك هذا الابشن

**abou-yahia** · 16-01-2014 11:43 PM

ياجماعه

العفشه بتاعت الاسترا والتعليق الخلفي علي وجه التحديد غير طبيعي

وحتي من غير esp العربيه تحفه علي الطريق وفيه فروق بينها وبين الفلوينس خصوصا فيرالملفات ولمه العربيه
ومش معني كده ان. الفلوينس وحشه

**برنس الليالي** · 16-01-2014 11:50 PM

المشاركة الأصلية كتبت بواسطة abou-yahia

ياجماعه

العفشه بتاعت الاسترا والتعليق الخلفي علي وجه التحديد غير طبيعي

وحتي من غير esp العربيه تحفه علي الطريق وفيه فروق بينها وبين الفلوينس خصوصا فيرالملفات ولمه العربيه
ومش معني كده ان. الفلوينس وحشه

انا معاك في النقطة دي ودا مش كلامنا إحنا بس دا كلام بتوع برا بس هي الناس بتخاف من التوكيل

**Abdo Taha** · 17-01-2014 12:04 AM

هو من الاخر كده من رأي الاسترا مخصوصة لشاب و الفلوانس عائلية

الفلوانس عربية واسعة و ليها برستيج حلو و شكلها راقي بالذات ال facelift بس مش شبابي عكس الاسترا كمان ال cvt اداؤه بحسه مش رياضي خالص بتاع راحة كده
اما الاسترا طابلوه و عدادات رياضية شكلها شبابي جدا و شكلها الخارجي كمان بالذات في بعض الالوان زي الاحمر يعني عندنا في المقطم شاب معاه استرا سيدان لونها احمر مع استيكرز ريد بول الاصفر شكلها يجنن فعلا و من الاخر الفلوانس مش بتاعة روشنة عكس الاسترا و كمان ميزة مواتير الاوبل انها عصبية و عايزة تجريك و ده مجربه في الفيكترا الايزي ترونك دايما العربية عايزة تجري حتى لو انت هادي عليها الى حد ما برضه العربية بتبقى عايزة تجري فبما اني شاب فأنا هختار الاسترا مع اعجابي الشديد برضه بالفلونس اللي حققت معادلة صعبة جدا لأني شايفها best value of money في فئة دي و وفرت كماليات حلوة كتير و كمان توكيلها محترم كتيير عن توكيلات تانية زي عم منصور

**برنس الليالي** · 18-01-2014 06:43 AM

المشاركة الأصلية كتبت بواسطة egytamer

لية محدش اتكلم عن فرق اسعار قطع الغيار الي هيكون اكيد في صالح الفلونس عكس الاسترا الي اعتقد هتبقي غالية جدا كعادة منصور ؟

تقريباً في المعقول بردو يعني تقريباً فانوس الاسترا 2000 جنيه مقابل 1500 للفلوينس والله اعلم انا سمعت كدا

تقريباً في موضوع هنا فيه اسعار قطع الغيار كلها للاسترا 2013

الفلوينس موتور ناعم وكذلك الفتيس والعفشة ممتازة مع المطبات وغير متعبة بتاتاً وحتعجبه في الحتة دي وكذلك الوسع والرفاهية والاوبشنز في التوب لاين لا يعقل

- الاسترا حتتميز فقط في الـesp ودا بيمسك العربية في الملفات على اي سرعة ودا بيدي متعة بكل ما تحمله الكلمة والعربية اداء رياضي

احياناً الـesp بيكون سبيل او سبب لإنقاذ السواق من مواقف صعبة جداً زي ما بنسمع من الاعضاء وربنا الستار

في امان الله

**raedegypt** · 18-01-2014 08:19 AM

النترا - سيراتو احسن من الكلام دة كله . الفلوانس عاديه ولو عايز افضليه بين الاثنين دول الاوبل افضل

**Hany Saad** · 18-01-2014 10:37 AM

المشاركة الأصلية كتبت بواسطة raedegypt

النترا - سيراتو احسن من الكلام دة كله . الفلوانس عاديه ولو عايز افضليه بين الاثنين دول الاوبل افضل

بما أننا بنعمل مقارنات للإستفادة....يا ريت حضرتك توضحلنا ليه الهيونداى و السيراتو أحسن من الكلام ده كله؟
و ليه الفلوانس فى رأيك عادية؟

مشكور و تقبل تحياتى....

-

مشاهدة نتائج الإستطلاع: أيهما أفضل للشراء؟

الموضوع: أيهما أفضل: Renault Fluence 2014 و لا Opel Astra Sedan 2013

LinkBack

أدوات الموضوع

عرض

-

-

-

المواضيع المتشابهه

Opel astra 2013 or Toyota corolla 2014 ? Yr help plz

civic 2013 or opel astra sedan hatgnnnennnn

عايز اعرف رأي الناس في ال Opel Astra sedan 2013

FORD FOCUS 2013 or Opel Astra Sedan 2013

Renault Fluence Vs Opel Vectra 2010

الكلمات الدلالية لهذا الموضوع

المفضلات

المفضلات

ضوابط المشاركة