النسبه دى فى التجمع عادى .... فعلا بيحسب المنافع و بيحمل كمان نسبة الارض اللى مبناش عليها
لازم يكتب الاجمالى اللى هتدفع عليه ... و برضه هتحتاج تخش الشقه لو موجوده و تقيس المساحات بنفسك لانه غالبا لما يقولك صافى 180 ده عباره عن مساحة الشقه من غير الحوائط لما تتقسم و تحط سمك الحوائط و تحسب مساحات الغرف هتلاقيها اقل ... ممكن تحسبها من الرسم بتاع الشقه (لو الشقه لسه هتتبنى) بس قوله انك عايز المخطط الانشائى مش المعمارى و اتاكد الابعاد على الورق من نص الحيطه ولا من اخرها (يعنى لو عندك غرفه عرضها 4 متر ... الاربعه متر دول لما تيجى تستلم هيكونو من المحاره للمحاره ولا من الطوب للطوب ولا من نص الحيطه لنص الحيطه) خلى بالك عشان بيلعبو جامد فى الحاجات دى .....
انهى منطقه فى التجمع و المتر عامل كام و نظام الدفع ايه؟
برضه لو العماره لسه هتتبنى اربط الدفعه الاخيره بالاستلام مش بتاريخ الاستلام و حط بند ان لو حصل تاخير هن مواعيد الاستلام يبقى الاقساط تقف و تبدأ تانى لما تستلم