الموضوع: مشاكل فى بيجو 301 ورد فعل التوكيل

المشاركة الأصلية كتبت بواسطة Ahmed Amin

أنت عارف المروحة بتاخد كام فولت عشان تقول أستهلاك بنزين أكتر, وتقليل من قوة الموتور.!!! هوا أنت مشغل تكييف عشان تقول كدا.؟!
المروحة ممكن تشتغل طول مانت واقف في زحمة ودرجة الحرارة معدية 90,
والبنزين هيتحرق في الشوارع وانت واقف في الزحمة, وكمان المروحة بتاخد فولت قليل أوي من الدينامو لا يذكر,

يعني لا هتحمل علي الدينامو زي ما أنت بتقول كدا ولا هتستهلك بنزين أكتر, ولو أنت مشغل التكيف هتفضل شغالة طول الوقت بأعلي سرعة ومش هتشتكي برضه,,
ولا الموضوع ليه علاقة للبطارية لأن العربية وهيا دايرة بتاخد كهربتها من الدينامو, وزي ما قلت فولت المروحة حاجة تعبانة.



للأسف الكلام دا مش مظبوط زي ما بتقول وزي ما وضحت لك فوق,
ولا فيه أي ضرر علي الموتور,

وفي الغالب المشكلة كدا عندها هتكون في حساس الحرارة بياخد قراية غلط, أو مش بياخد قراية أصلاً فبيشغل المروحة علي أقصي سرعة عشان يبرد الموتور بما أنه مش قادر يقري حرارته,
وطبعا الترموستات هيقفل ومش هيخلي الموتور يحصله Overcooling زي مانت فكرت, لأنه شمع من جوا لو كنت عارف تصميمه
ومالوش توصيلات ولا حساس ولا كهرباء وبيقفل الدورة لوحده عن درجة حرارة 88 ومش هيضر الموتور,, <<<<

لكن العربية طول ما هيا مش قارية حرارة هتعمل اللي عليها بأنها تحاول تحافظ علي الموتور وتشغل المروحة بأقصي درجة لتبريدة لحد ما تقري حرارته مظبوطة, والترموستات هينظم الحرارة ويفتح لما يحتاج يبرد, ويقفل لما يكون مش محتاج يبرد, صح ولا أيه ؟

ودا بالمناسبة تشخيصي للمشكلة,,
فا لو كانت تعرفها أو متعرفهاش وحابب تساعدها ممكن تبعت لها كلامي دي وتاخد أنت الثواب.

المشاركة الأصلية كتبت بواسطة Ahmed Amin

وأنت عندك حق في الكلام دا وأنا متفق معاك فيه,
وأحنا عمرنا ما سخرنا من حد ولا أمكانيات حد وفعلاً الدنيا مش بتتقاس بكدا,,

وتعليقاً علي أني لو قابلت واحدة متخوف المفروض أني أطمنه دي برضه عندك حق فيها,
ولو راجعت كل مواضيعي هتلاقيني بعمل كدا وكل الناس اللي هنا تأكد لك كلامي دا,,

وأحب أقولك علي حاجة بس متفهمنيش غلط برضه, أنت مش بتعمل بالكلام دا,,
أنت ضايقت محمد فوق بردك اللي فات, لما قلت له,,
" بالنسبة بقى ان حضرتك شخصية شكاكة فدى مشكلة خاصة بحضرتك اكيد :)"
http://www.nilemotors.net/Nile/39378...post3875365930

ومحمد أضايق منك علي فكرة وزعل من ردك وحس أنك بتستهزء بيه,,
فا ياريت تبقي تراعي الموضوع دا, ولو لاقيته متخوف أو شاكك تبقي تطمنه بما أنك أقدم مني وبتنصحني بالموضوع دا وأنا شاكر فعلاً للنصيحة دي وبعمل بيها من غير ما تقول.



مفيش نبرة عنصرية ولا حاجة,,
بس لما تلاقي ناس تقولك كوري أحسن, ونيسان صني أحسن, ومش عارف أيه,,
وصوت المروحة وصوت الموتور وريحة العادم.!!!!!!!
فاحنا بنقول للناس دي تريح دماغها واللي عايز يشتري العربية وقلقان وبيستفسر أحنا كلنا هنا بنكون تحت أمرة,
لكن اللي بيدخل يقول أي كلام وهوا مش عايز يشتري العربية أو معاه عربية تانية وداخل يقول أن البيجو مش عاجباه,, دي بتبقي حاجة غريبة من غير ما أدي أمثلة علي المواقف دا بس يعني لا تعليق.

اللي عايز يشتري بيجو 301 ويكون زميل وأخ جديد معانا أهلاً وسهلاً بيه, واللي عايز يشتري أي ماركة تانية ربنا يوفقه في أختياره.


تقبل تحياتي أنت كمان,,
أنا رديت علي كلامك قبل كدا في موضوع مثبت السرعة, لأني كنت شايف أن تجربتك فيها غلط وكان كل همي إني أقولك وأعرفك الصح,,
وكان ممكن مردش عليك ولا أقعد أكتب لك كتير لمجرد أني أصحح لك معلومة غلطة عندك,

وحتي أنت سخرت مني وقلتي لي Same behavior وأتريقت وأنا حسيت أني غلطت أني بحاول أشرح لك وجهة نظري وأصلح لك معلومتك
لأن مفيش مثبت سرعة بيزود أستهلاك البنزين وإلا مكانوش عملوة وقالو أنو بيقلل وبيحافظ علي أستهلاك البنزين.

دلوقتي أنت شوفت در يوسف ركب المثبت
http://www.nilemotors.net/Nile/39881...post3875367190
ونبقي نشوف تجربته معاه بعد ما يجربه هيطلع زي ما أنا كنت قايلك, ولا زي مانت كنت مفكر,


ودلوقتي كمان رديت عليك في الموضوع المروحة,
وأديتك أمثلة علي مرواح كهربائية ومراوح كمان ميكانيكية بتشتغل طول الوقت زي بتاعت ال 504 وال 505 والعربيات دي شغالة من أخر السبعينات لحد يومنا هنا بكل كفائة,
ولا بتجيب وش سلندر ولا بتفوت,, طول ما الترموستات في مكانه وقافل الدورة,, وحتي العربيات اللي شايلاه بتشتغل وبتعيش عادي,
يعني الموضوع مش خطير زي مانت والمدام كبرتوه,,

وأنا فعلاً بتمني إن مشكلتها تتحل عشان تستريح وتتمتع بعربيتها,
ولو كنت تعرفها أبقي قولها أو أبعت لها التشخيص اللي أنا شخصته لأنه ممكن يكون حل لمشكلتها.

المشاركة الأصلية كتبت بواسطة Ahmed Amin

دا أخر رد ليا في الموضوع دا,, لأن الموضوع بدأ يخرج عن موضعيته بردك الأخير ليا,,

وأنا عملت اللي عليا بأني حاولت أشخص لها العيب,,
واللي يعرف يتواصل معاها يقولها تشخيصي لو damasry مش هيبعت لها وياخد هوا الثواب لأنك ممكن تشخيصي يكون فيه حل لمشكلتها او حتي يقربهم في الوتوكيل لحل المشكلة أكتر لو كانت لسه متحلتش.,

- وعملت اللي عليا معاك بأني حاولت أوضح لك الحاجات اللي فيها لبس عندك بخصوص مثبت السرعة لأني مبحبش أشوف حد فاهم حاجة غلط, ولأنه فعلاً بيوفر في الأستهلاك والأيام هتعرفك دا,
- وكمان بخصوص المروحة لأنها مش مضرة ولا عمرها هتعمل Overcooling للموتور زي مانت قلت ومتخيل طول ما الترموستات راكب,

ومش هكتب لك ردود تاني بما إني عرفت إن ردودي طويلة ومملة ومش بتعجبك,, وأنك بتاخدني علي قد عقلي وبتسخر مني لما بحاول أتناقش معاك وأوضح لك وجهة نظري زي ما عملت في ردك دا اللي ضايقني منك,


شكراً علي وقتك في قراية ردودي, وزوقك في الحوار,,
تحياتي ليك, ودمت بود.

طيب يا استاذ احمد انا فعلا معنديش الطاقة انى ارد على كل كلامك ده بس خلينى ارد بنقط محددة ويارب يكون اخر كلام يتقال فى الموضوع ده والمناوشات اللى بينا دى:

1- انا بتكلم بناء على امتلاك عربية ومش معنى ان فى 10 ولا عشرين ولا 50 معاهم العربية وكويسة يبقى الكلام ينطبق على كل الملاك الاخرين.

2- انا لا اعرف الاستاذة أية ولا عمرى سمعت عن مشكلتها الا لما الاستاذ محمد بيقولك على الناس "هناك" فاستنتجت انه يقصد الفيس بوك واستنتاجى طلع سليم.

3- زى ما فى مميزات فى العربية فى مشاكل فى العربية

4- المشاكل دى التوكيل مش قادر يحلها

5- المشاكل دى التوكيل نفسه اللى قال ان فى ناس كتيرة بتجيله تشتكى منها

6- المشاكل عبارة عن مروحة بتشتغل على السرعة التانية اول ما تفتح كونتاكت الصبح، تكييف بيطلع الهواء من فتحات الDemisting (ارجو التأكد انها ملهاش اى علاقة بخاصية Recycling الهواء) رجرجة فى الار بى ام (اتحلت ومظهرتش تانى)، انسداد فلتر البنزين كل شوية (على الرغم من التموين من المحطات الموصى بها فقط من التوكيل)

7- المشاكل دى ممكن لناس تكون مشاكل مش جوهرية وبالنسبة لناس تانية تقلقهم وتخليهم مش مبسوطين من العربية.

8- ردى اللى الاستاذ محمد زعل منه (اعتذره لو كان اتضايق منى) كان بناء على تحليله لكلمة اوووووى وانها موجودة بردو على الفيس بوك وبالمختصر انه شاكك ان المشكلتين لشخص واحد، وانت يا استاذ احمد بتقوله شك براحتك وكمان داخل فى الفيس بوك تقول فعلا مشوفتش اسخف من كده على الاستاذة اللى عندها مشكلة هناك.

9- لما التوكيل نفسه اللى يهمه مبيعاته لا رد عليها رد عنيف او شال تعليقاتها نيجى احنا بقى الملاك ونغلط!!

10- احب اوضح لحضرتك انى عارف استخدام المثبت ومميزاته واللى منها توفيره للبنزين ولما حصل معايا العكس ده اللى خلانى مستغرب، الموضوع مكنش محتمل ولا محتاج الشرح المستفيض عن كيفية عمل المثبت وضرورة تطابق ظروف التشغيل وووو

11- نفس الموضوع بخصوص التكييف واسهابك فى محاولة اقناعى ان العيب عيب استخدام او جهل بطريقة عمل التكييف وليس عيب بالسيارة (اللى التوكيل نفسه معترف بيه)

12- موضوع الحرارة والمراوح ووووو اسف مش ها اتكلم فيه تانى وكل واحد مقتنع بتفكيره وانا مش ها اجادلك فيه.

13- اما موضوع العنصرية فدى حاجة ترجع لادارة المنتدى ومتخصنيش بحاجة (انا قولتلك نصيحتى وبس) الا لو شوفت تحامل على عضو داخل فى القسم هنا.

14- ارجو انك متفتكرش من المناوشات السابقة فى الكلام انى زعلان منك او متحامل عليك ولو توافق انا احب اقابلك شخصيا فى القريب.

المشاركة الأصلية كتبت بواسطة mahmed0100

سيدى الفاضل يبدوا ان استيعابك لردودى غير كافي و لزم التوضيح..
ردى بكل إختصار على ما يخصني :

انا لم اشارك حضرتك اي صفات شخصيه تخصني و كان كلامى موجه لاستاذ احمد و هيما :)

تحملت جملك الغير مقبوله الاسلوب من اول رد ( هو حضرتك داخل ترد فى موضوع ومش واخد بالك انه نفس الموضوع القديم اللى بتقول عليه!!! )
احتراما لكلمه (ناشر صحفي ) .. لكن انا كنت مخطىء فى تحملك منذ اول رد و فعلا لكل قاعده شواذ

لمزيد من الردود الحامله توجيه كلمات لي او عنى فلن تكون ردود مقبوله بالنسبه لي .. و لن يكون مرورك مقبول .. و لا داعى لإعتذارك (اعتذره لو كان اتضايق منى) فهذا النوع البخس الرخيص من الاعتذارت لا يرقي ان يكون اعتذار مقبول :|

استيعابى ومخطئ فى تحملك وشواذ!!!
طيب يا استاذى العزيز احب اوضحلك ان اعتذارى ليك اللى مكنش بيحمل اى شيئ من السخرية وكنت فعلا اقصده.
باقى كلامك مش ها ارد عليه طالما صادر منك وانت شايل منى كده