الموضوع: مشاكل فى بيجو 301 ورد فعل التوكيل

المشاركة الأصلية كتبت بواسطة ebrahim mayalo

الله ينور عليك يا محمد باشا
وبالمناسبة هي مالها المدام اللي علي الفيس بوك اللي عمالة تشتم في العربية علشان مش فاهم منها حاجة

حبيبي يا هيما .. هو انت اللي دشنت الهجوم بالليل هناك ؟

لا يا احمد بك امين .. دي مدام مخنوقه من مروحه عربيتهم ال 301 و العيله كلها داخله شمال في توكيل بيجو
مشكلتها زي موضوع قديم هنا مشكله في ال 301 و رد فعل التوكيل

علي 2000 كيلو نزلت تدور العربيه مروحه الموتور فضلت شغاله بصوت عالي. و حتي لما قفلت الكونتاكت فضلت شغاله حوالي ربع ساعه
انا مش بفهم في العربيات يا جماعه بس لما هي تقولي ان العيب ده ممكن يجيب وش سلندر .. يبقي انا دكتور في العربيات بصراحه هههههههه
و واحد تاني عنده مشكله انه ركب زينون في العربيه 301 و بيقول انه اشتراها من المعرض كده .. مش عارف انا معرض ايه اللي بيلعب في ضفيره الكهربا و توصيلات كهربه العربيه في عربيات زيروا ده ... المهم ان الفتيس بيعمل صوت و الموتور و العربيه بتترج و قربت تنفجر في الكومنت بتاعه .. وداها التوكيل مش عارفين يصلحوها من 10 ايام و بيتحسبن علي التوكيل هههه سبحان الله .. كويس ان التوكيل لسه بيصلحها اصلا و مقالش ليه انت بره الضمان

سبب نقل الكلام ... ان من تحقيقاتي توصلت انهم عيله داخله تشوه في العربيه مش داخلين يعملوا شبوره علشان حد يهتم بيهم و يكلمهم و يحل المشكله زي بعض الناس ما بتتخذ ده منهج لحل مشاكلها في شركات و توكيلات و كده

الحاجه التانيه هي بتقول العيب بيظهر كل 2000 كيلو ... هل في عيوب بتظهر بعدد الكيلوات ..؟ و كمان العيب يكون ان المروحه تلف و متفصلش ساعه الدواره الصبح ؟ ايه الرابط يعني

حاجه اخيره مش عارف افهمها .. مكتوب في موضوع المنتدي المروحه صوتها عالي ( اووووووي ) و نفس كلمه اووووي دي علي الفيس
و انا شخصيه شكاكه بصراحه :)


نرجو تعليق مفيد يا ا. احمد امين :)
بعد الرغي ده كله

ايوه يا فندم احنا في صفحه 11 دلوقتي و شوف كام موضوع اتكلمنا عليه تحت نفس العنوان
الموضوع الرئيس حامل العنوان قديم من شهر و اكتر.( مشكله في ال 301 و رد فعل التوكيل )


المروحه تجيب وش سلندر مش مظبوط اوي !! ده مش مظبوط خااالص

اما نقطه ان المروحه بتبرد الموتور بزياده حضرتك بتعتبر ده غلط علي الموتور و حرارته ؟
طيب في اوربا او لو في روسيا يعملوا ايه ؟ ما درجه الحراره بتكون قريبه من الصفر و المروحه بتشتغل :) علما بان مشكله المدام اللي انا بتكلم عنها دي ان مروحه موتور عربيتها فضلت شغاله بصوت عالي لمده ربع ساعه و فصلت و فضلت شغاله لما طفت الكونتاكت خلال فتره ال ربع ساعه

يبقي ازاي تجيب وش سلندر !!
و يا ريت لو في جديد بالنسبه لعربيه صديق حضرتك تبقي تبلغنا بيها .. نكون شاكرين مجهودك .


اخر جمله بما انها مشكله خاصه فانا مش حتكلم عنها :)
مرورك مقبول و تحياتي

لما حضرتك بدور البيجو 301 صوتها بيكون عالي و بعد كده بتهدي.

المروحه لو فضلت تدور علي السرعه العاليه مده 10 دقايق الصبح هي حتجيب هوا منين ؟ من الجو الطبيعي اللي حواليها لو فرضنا درجه الحراره الصبح 10 و المروحه فضلت شغاله الفتره دي حتنزل الحراره من 10 الي كام مثلا ؟ 7 او 5 c ؟ فده مش حيتسبب في مشكله لاننا جربنا في مصر تدوير العربيات الصبح في يومين البرد اللي عدوا و كانت الحراره بتوصل 3 و 4 c.

و الموتور بيسخن و المروحه بتلف .و المايه الخضرا بتلف دورتها من الريداتير للموتور و الخراطيم عاااادي جدا


اللي عايز اقوله ان المروحه لو فضلت شغاله في جو مصر ده فتره طويله مش مضره لان العربيه قابله.

للعمل و الشغل في جو ابرد من كده بكتير جدا.

و.غالبا عيبها حيكون في الثرموثتات مش بيدي امر.فصل المروحه او يمكن سوفت وير مخرف او مهنج .. او عيب فيوز الكهربا بتاع المروحه.

ده علي قد ما انا متخيل و اعرف.

جايز اكون غلط جايز اكون صح.

بس ده بناءا علي وصف صاحبه المشكله ليها.

لكن مش لدرجه انها تجيب وش سلندر و لا ان الموتور بتاع ال 301 بايظ زي ما صاحبه المشكله كانت بتقول.


حكايه ان الناس بتهاجم العربيه او بتشهر بيها .. فهي مش من العيله يعني علشان اهتم .. دي مجرد عربيه حديد و كاوتش :) بس الواحد لما يسمع حاجه يفكر فيها بعقله.

كل العربيات فيها مشاكل من اول الخنفسه موديل 1950 لحد فيراري 2014.

( مشكله الفيراري متنفعش تمشي في مطبات مصر ) :)

اخر جمله بما انها مشكله خاصه فانا مش حتكلم عنها :)
و تقبل رأي :)