الموضوع: مشاكل فى بيجو 301 ورد فعل التوكيل

المشاركة الأصلية كتبت بواسطة egypt0

براحه علينا ياباشا انا لسه سنة اولى عربيات
على فكره انا فهمت رده بطريقة تانيه ان 285 بوجيهات
و200 فلتر بنزين
ومصنعية 85

وحضرتك لو راجعت الرد تانى هتلاقى ممكن يتفهم بالطريقة اللى انا فهمتها
على العموم انا كان استفسارى مش عشان اشوه العربيه او حاجه بالعكس انا بجمع كل المعلومات عليها لانى باذن الله ناوى احجزها قريب (اول عربية لسه هجيبها) وكان من احد اسباب اختيارى ليها ان اسعار قطع غيارها واما فكرت اسعارها غلت استفسرت اكتر عشان انا ناوى اجيبها بالتقسيط فمش هيبقى تقسيط واسعار قطع غيار عاليه كمان :)

يا هندسه اخوك بيتعلم و دي اول عربيه اشتريها ليا انا كمان
و انا كان ردي للتوضيح مش اكتر
لا قلت تشويه و لا قلت سنه اولي و ياباشا جمع معلومات براحتك انت حتدفع فلوس و لازم تبقي مطمن و مرتاح لاختيارك
وانا في العربيات مقدم علي حضانه :)
و بجمع معلومات من شهر 7 اللي فات و استقريت علي 301 و حجزتها
و عقبالك :)

المشاركة الأصلية كتبت بواسطة egypt0

انا فكرتك فكرت انى بشوه عشان انا لسه عضوية جديدة و فى الفتره الاخيرة ملاحظ فعلا ان فى عضويات جديدة داخله تشويه وبس للعربيه
حقك عليا :)
ربنا يتتملك على خير ان شاء الله وتستلم قريب ويباركلك فيها باذن واحد احد
على فكره انا معرفش يعنى ايه بوجيهات فانا حتى محصلتش حضانة عربيات :d
انا اخرى فى العربيات انى بعرف اسوق وبس غير كده متسالنيش على اى حاجه فى العربيات
اللى انا خايف منه حاجه واحده انى عقبال مااجى احجزها يكون سعرها زاد
لو زاد الف او 3 مقبولة انما مثلا مش يجوا يزودوها 10 او 15 يبقى ساعتها هدور بقى من جديد على عربية تانية مع ان للاسف ساعتها مفيش حاجه هتملى عينيا زى ال 301

فعلا مفيش عربيه في نفس الشريحه السعريه دي بتنافس ال 301 غير انك تطلع الي اللانسر و تستحمل شكلها او ترفع الميزانيه و تركب اوبل :)
البوجيهات بتقوم بدور تنظيم الاحتراق في الموتور بخلط البنزين و الهوا .. علي قد معلوماتي
اما موضوع الناس اللي بتشوه او بتسوق .. فده سهل كشفه بانك تجمع معلومات كفايه و تتاكد من كلامهم علشان يا اما تاخد بيه يا اما تهمله

. مشكور علي تصحيح المعلومه يا اكرم :)