بالنسبة لى اخر تفويلة للعربية كالاتى:
من محطة امارات مصر اللى قبل بوابات الصحراوى لحد الزور مع علبة اوكتان بوستر اول مرة اجربها
المهم فولت لحد الزور ، والنهاردة رحت افول تانى من نفس البنزينة ولحد الزور برضه ، العربية خد 25 لتر بالظبط والمسافة 283 كيلو والمدة من يوم الاربع اللى فات لحد النهاردة
يعنى المعدل 8.83 لتر / 100 كيلو ، او 226 كم / صفيحة
الطرق اللى مشيت فيها : المحور لحد الصحراوى رايح جاي (كان رايق نسبيا في المرتين ماعدا الحتة اللى في الاول ) وطريق القناطر بتاع المنوفية رايح جاي ، السرعة عليه مش بتعدي 60 واحيانا 80 ومطبات كتيير جدااااا وفي اماكن زحمة وانتظار كتير يعنى في حتة في الطريق 6 كيلو بتتاخد في نص ساعة واحيانا كنت بقرص في الطلعة او على الغيار التانى بين المطبات
اما النهاردة فمشيت ع الدائري من محور صفط لحد الحرفيين ( الطريق كان واقف من عند محور 26 لحد بعد نزلة الزراعى ) ، لفيت كتير في الحرفيين وبعدين من الحرفيين طلعت اجرب على طريق الاسماعيلية وبعدين رجعت ع المطار ، ومنه الى دائري التجمع ، وبعدين طريق السويس اتجاه مصر الجديدة (واقف تماما نص ساعة بسبب حادثة ) بعدين صلاح سالم و كوبري اكتوبر (رايق) وجامعة الدول والبطل احمد عبد العزيز ومصدق
طبعا المعدل ده يعتبر كويس لان رغم الطرق الكتير اللى كانت زحمة والاستهلاك فيها كان زفت ، الا انه كان في حتت كتير سالكة وده اللى حسن الاستهلاك شوية بس لسة يعتبر مرتفع نسبيا :d
المفضلات