الموضوع: مشاكل فى بيجو 301 ورد فعل التوكيل

المشاركة الأصلية كتبت بواسطة Ahmed Amin

مشكلة المروحة دي كانت حصلت مرة مع عربية صاحب اللي كتب الموضوع,
ومهياش حاجة تجيب وش سلندر طبعاً,!!!
لا تعليق علي اللي يقول الكلام دا يعني,!! ههههههههههه
وطبعاً تبقي أنت دكتور عربيات في الحالة دي لو شايف إن الكلام دا مش منطقي.

لأن المروحة بتبرد الرادياتير بس والمية اللي بتعدي منه,,
واللي بيحافظ علي درجة حرارة الموتور هوا الترموستات,,
يعني لما الموتور يوصل لدرجة حرارة التشغيل الطبيعية الترموستات بيقفل الدورة
وحتي لو فضلت المروحة شغالة لا هتفيد ولا هضر الموتور.

فا مش عارف damasry قال الكلام دا علي أساس أيه
" يبقى المروحة شغالة اكتر من اللازم او اقل من اللازم فيها ضرر للموتور."
يعني يا راجل يا طيب إنت لسه قايل كلام حلو من شوية عن الترموستات,
وواضح إنك فاهم,, تقوم تختمها بالكلام دا, لا تعليق بصراحة.!

عمر المروحة ما تضر لو أشتغلت أكتر, سواء لوقت أطول أو بسرعة أعلي,,
لأنها أصلاً بتشتغل علي أقصي سرعة وهوا التكييف شغال حتي لو درجة حرارة العربية أقل من 90 وبيكون الترموستات مقفول, أيه رأيكم بقي ؟؟

لكن المروحة هتضر أه لو أشتغلت علي سرعة أقل, ودي مفهاش جدال.




صوت المروحة طبيعي وعادي ومش عالي,
وهوا نفس صوت مروحة ال 308 وال 307 وال C4 مفيش أي فرق ما بينهم,,!

الناس اللي شايفاه عالي هيا اللي طالعة من كوري وصيني أو ياباني لأن صوت مروحته أهدي,
لكن مروحة الأوروبي والفرنساوي تحديداً طول عمرها كدا,
ومش هتسمعها خالص إلا لو مشغل التكيف عشان بتشتغل علي أقصي سرعة,
علي عكس بعض العربيات الكوري بيكون فيها مروحتين فبيكون صوتهم أهدي.

والمروحة معظم الوقت هتلاقيها مطفية, وهتشتغل بس أول ما درجة الحرارة توصل 92, وهتفصل تاني لما توصل 88,
يعني مش هتحس بيها ولا هتسمعها زي ما الناس بتهول كدا, ولما تجرب أبقي أحكم بنفسك.

وشك براحتك ياريس عادي ولا يهمك,
ولما تستلم علي خير هتبقي أنت اللي تشوف الناس اللي بتشك بدالي.

اللى بيقول الكلام واحدة معاها العربية (او اسرة مثلا) وعندها مشكلة فى العربية والمشكلة دى بتحصل معايا والمشكلة دى التوكيل نفسه مش لاقى ليها حل والتوكيل نفسه اللى قايل ان فى ناس كتيرة حصلت معاهم المشكلة دى.
كونك تدخل تقولها على الفيس بوك سخافة ومش سخافة يبقى انا احمد ربنا كويس اوووى ان المنتدى هنا ليه قواعد بتطبق على اللى بيغلط وبيتوقف لان لو كلمة زى دى اتوجهت ليا شخصيا معرفش رد فعلى ها يكون ايه والحمد لله انك مقولتش كده فى المنتدى هنا.

وخد بالك عشان قوانين المنتدى بتطبق على الكل هنا.

كونك مش معاك العربية ده ميدكش الحق اصلا تغلط واحد معاه العربية وبيشتكى منها ومش كل واحد مطالب يقدم صورة من رخصة العربية عشان المباحث بتاعة بيجو تتأكد.

نيجى بقى لمشكلة التبريد والمروحة، بما انك انسان فاهم كويس فى العربيات الاوروبى والفرنساوى المفروض تكون عارف كويس اوى ان الموتور بيتضرر من الحرارة (الزائدة والقليلة) وضرره من الOverCooling كبير ومنه تآكل اجزاء الموتور الداخلية - ضعف البطارية وإجهاد الدينمو واللى بالتالى بيقلل من قوة الموتور - سرعة استهلاك المراوح - استهلاك بنزين اكتر.

يبقى لما اقول ان المروحة لما تشتغل على طول فيها ضرر على الموتور يبقى الكلام مظبوط ولكن المشكلة اللى فى العربية ان المراوح بتبتدى تشتغل اول ما تفتح كونتاكت الصبح وعلى السرعة التانية ومتفصلش الا بعد ربع او نص ساعة.

طبعا المشكلة مش بتحصل كل يوم الصبح ولا ليها ضرر سريع على الموتور ولكن الضرر موجود فى حالة استمرار حدوث المشكلة.

الاستاذة اللى فى الفيس بوك لو مش عارفة ومش فاهمة انت المفروض تقدر خوفها لما تسمع ان المرواح اللى شغالة على طول ممكن تجيب وش سلندر للعربية (تفهمها المشكلة والاهم انك انت نفسك تتفهم احساسها بما انها جايبة عربية جديدة ولقت فيها المشكلة دى والتوكيل مش عارف يحلها)
مش انك تتناولها انت واصدقائك بشيئ من السخرية او التهكم.

نصيحة اخوية بجد بلاش تسخر من امكانيات اى شخص او انه طالع من كورى او صينى او توك توك حتى او انه عمره ما ركب عربية قبل كده لأن عمر ما الدنيا بتتقاس كده ولا الواحد بيحكم على الناس بالطريقة دى ولما تصادف واحد متخوف من حاجة دورك كمنسق للقسم انك تشيل الخوف ده من عنده وتخليك حليم معاه للاخر .

وكلمة اخيرة بــــــلاش نبرة العنصرية دى فى التفريق بين التعامل بين مالكى الاوروبى والفرنساوى وبين باقى مالكى العربيات.

تقبل تحياتى