الموضوع: حرام ولا حلال اللى بيحصل ده يا جماعه !!!!!

المشاركة الأصلية كتبت بواسطة Sameh

الرد فيه شئ من القسوة يا بشمهندس م ممدوح ، أنا مقدر ظروف البلد الظالمة وإن الشرطة محتاجة دايماً متهم تغلق بيه المحضر من غير ضمير ، إنما بحط نفسى مكان الإنسان اللى إتخبط ، وراه عيال ؟ ليه زوجة ؟ أم وأب ؟ يمكن لسة عايش ومحتاج مساعدة تنقذه ؟ يمكن تأخر المساعدة يخليه يعيش طول عمره بإعاقة أو أسوأ من كدة

من كام سنة والدتى خبطتها عربية ربع نقل أمام البيت من سواق مدمن ، ربنا ما يكتبها على حد أبداً ، المصاب فى اللحظة دى بيبقا محتاج أى مساعدة ومش مهم أبداً هو اللى غلطان ولا اللى خبطه اللى غلطان أو هتتسوى إزاى ، أعتقد لو وقفت لله بس ومديتله إيدك عشان ربنا ، ربنا مش هيظلمك فى حاجة مالكش ذنب فيها وإنت بتعمل خير عشانه

معاك حق فى كلامك بس ايه رأيك واحد معرفه شاف برده واحد مخبوط فى الشارع واللى خبطه جرى
اخده على المستشفى وعلموا المحضر المصاب قال ان هو ده اللى خبطنى :)
يا ابنى الشعب بقى كاره نفسه اساسا وما بيصدق يلاقى حد يطلع منه باى مصلحه

المشاركة الأصلية كتبت بواسطة MMamdouh

محدش حيقف يساعدك ولا يجيى معاك... مين فاضى يروح اقسام و يتاخد اقوالة و ممكن يطلب للشهادة فى المحكمة؟؟

MMamdouh

فعلا هى دى مشكلتنا
كلنا خايفين
كلنا مشغولين
كلنا مش عايزين ندخل فى مشاكل حتى لو هننصر الحق
ربنا يهدينا ويقوينا ويرحمنا

المشاركة الأصلية كتبت بواسطة MMamdouh

ان شاء الله خير يا نهى

ملابسات الحادث واضحة و صريحة و اخوكى مش غلطان... بس كدة كدة حيتحكم علية بغرامة و يمكن حبس مع ايقاف التنفيذ عشان يبقى فيه فرصة لاهل المتوفى يصرفوا قيمة التامين (التامين الاجبارى اللى الواحد بيدفعة فى المرور مع الترخيص هو اللى بيدفع التعويض لاهل المتوفى فى الحالات اللى زى كدة)


MMamdouh

يا رب يا ممدوح والله
ما هو اللى مضايقه اوى كمان انه من غير ما يكون ليه ذنب في حاجة و واحد ينط قدامه يلبسه قضيه و كمان يبقي مكتوب انه اتحكم عليه بحبس و ايقاف تنفيذ بجد حاجة تضايق جدااااااااا و خايف دة ياثر عليه مستقبلاً

ربنا يستر..