الموضوع: حل مشاكل النتعه في الفتيس+ ضعف عزم السيارة احيانا,, كل انواع البيجو

المشاركة الأصلية كتبت بواسطة م أحمد

سؤال للأعضاء المحترمين

هل هناك طريقة لمعرفة رقم الفالف الموجود بدون فك الفتيس ؟

أنا دورت كتير في الموضوع دا زمان, وموصلتش لمعلومة ممكن أتجيب منها كود الفالف وهوا راكب جو الفتيس,,
بس عرفت بعدها حركة أسهل تعرف بيها لو عندك الفالف الجديد ولا القديم.
أنك تروح لأي حد عنده السوفت وير بتاع بيجو سواء بيجو بلانيت أو دياج بوكس,
ويشوف لك أخر سوفت وير معمول للفتيس أمتي,
لو كان بعد 2006 أو 2007 يبقي أنت عندك البلوف الجديدة, ولو كان قبل 2005 يبقي أنت عندك البلوف القديمة,
لأن لو عندك البلف القديم وأتعمل أبديت للسوفت وير العربية هتطلع علي التالت كل مرة لحد ما تغيرهم,
ولو عندك البلوف جديد وسوفت وير قديم من غير أبديت, برضه العربية هتطلع علي التالت لحد ما تعمل أبديت للسوفت وير,

سهلة كدا ؟

المشاركة الأصلية كتبت بواسطة م أحمد

انا لما كنت شارى العربية صاحبها قالى انه غير الماستر فالف و فالفات تانية كمان بس بصراحة ما كنتش فاهم الكلام دا ساعتها ، و قالى اوعى حد يقولك الفتيس فيه مشكلة

الماستر فالف هوا اللي مسؤل عن ضغط الزيت العمومي, وفيه واحد تاني مسؤل عن ضغط الزيت الخاص بالقربة, وهما دول اللي بيتغيرو واللي كل واحد فيهم ب 450 جنيه.
ودا شكلهم ومكانهم,, رقم 18 و 19.


هما الأتنين اللي فوق لوحدهم دول.


هوا لو كان غيرهم زي ما بيقولك هيبقي غيرهم بالجديد وعمل أبديت للسوفت وير في الغالب.
وممكن تتأكد بالطريقة اللي قلت لك عليها عند أي مركز خدمة معتمد عشان السوفت وير بتاع الفتيس بيكون عندهم بس ومش عند أي ورشة عندها برنامج بيجو بس مش معتمدة.

المشاركة الأصلية كتبت بواسطة م أحمد

العربية مش بتعمل نتشة بين الاول و التانى نهائيا لا و انت طالع او نازل ، النتشة بين التانى و التالت فقط و بالاخص عند التهدئة ، وحتى هذه النتشة لا تظهر فى حالة السيارة محملة بالاشخاص و انا كابس بنزين و لكن برضه فى مشاكل فى ال r بتعمل دبة
هى 406 موديل 2005

دا سبب تاني يخليني أقولك أنك في الغالب عندك البلوف الجديدة لو مفيس أي نتشة,
ولو عندك نتشة ما بين التاني والتالت ودبة مع ال R دي ممكن تكون بسبب قاعدة الفتيس مش البلوف,
شوف حالتها كدا وأخر مرة غيرتها أمتي, لأنها لو متاكلة هتحس بدبة مع ال R وأحساس بنقلة التالت وساعات الرابع,
لو القاعدة وحشة غيرها.
ولو الدبة فضلت مستمرة بعدها, هتبقي محتاج تنضف الفالف بادي في صيانة تغير الزيت اللي جاية, وهتبدل مكان الفالفين اللي أحنا بنغيرهم دول.

المشاركة الأصلية كتبت بواسطة م أحمد

أنا شاكك أن لو خليط الهواء و كبس البنزين مش موزون ممكن يبين المشكلة ، ايدل ضعيف او تالف او بنزين به شوائب ، أصل أكيد العربية و هى جديدة فابريكة فى فرنسا ما عملتش الأخطاء دى و الا ما كانوش نزلوها ، بس ظهرت مع الاستعمال

رقم الاوكتان كما بكتالوج ال 406 (98-2003) الموصى به هو 95 و احنا شغالين على 92 و فى ناس شفتها داخلة تمون 80 لل 406

بإختصار أنا شاكك فى البنزين و الهوا اكتر من اى حاجة تانية و هما مشكورين نزلو فالفات كتوليف للفتيس و الموتور مع البنزين الرائع الموجود عندنا أو بعبارة تانية فتيس عفى مع موتور عزمه ضعيف = نقلات غيارات واضحة

الموضوع مالوش أي علاقة بالنزين ولا الخليط,
الفتيس عزمة أعلي من الموتور, وعشان متحسش فعلاً بالنقلات لازم تكون دايس وهيا بتنقل,,
وأعتقد أنك حسيت بدا, أنك لو خليتها تنقل وأنت مش دايس أوي هتحس بالنقلة,
أبقي أقري مشاركتي دي,
http://www.nilemotors.net/Nile/38710...post3875267061