الموضوع: ملاك لانسر شارك 2014 واهلا بالجميع

المشاركة الأصلية كتبت بواسطة aiman5

شكرا ياباشا على الشرح
عملتها والحمد لله اشتغلت
بس عندي استفسار هل بيشغل أفلام أو صور
وشكرا مره اخري

الف مبروك بس انا مش هقدر افيدك في موضوع الافلام لان الكاسيت بتاعي كاسيت الوكيل

المشاركة الأصلية كتبت بواسطة د.هشام

انا حاسس كدة أنك بتفك قنبلة مش بتوصل usb ههههه

الموضوع سهل جدا وانا شايف ان اصعب خطوة هو فك الكاسيت من جوة التابلوة غير كده تجهيز السلك سهل جدا لكن ممكن نسميها عملية جراحية بما ان حضرتك دكتور هههههه بالمناسبة تخصص حضرتك ايه

المشاركة الأصلية كتبت بواسطة محمد سمير حسين

الموضوع سهل جدا وانا شايف ان اصعب خطوة هو فك الكاسيت من جوة التابلوة غير كده تجهيز السلك سهل جدا لكن ممكن نسميها عملية جراحية بما ان حضرتك دكتور هههههه بالمناسبة تخصص حضرتك ايه

تسلم ايدك يا باشا، انا شخصيا كويس عليا قوي الراديو، الcd حتى مبشغلهوش، ييجي بس الإفراج الجمركي علشان أرخص العربية وأعرف اسوقها، موظف المبيعات قاللي من 7-10 ايام، يا مسهل.
انا استشاري قلب في معهد القلب

المشاركة الأصلية كتبت بواسطة د.هشام

تسلم ايدك يا باشا، انا شخصيا كويس عليا قوي الراديو، الcd حتى مبشغلهوش، ييجي بس الإفراج الجمركي علشان أرخص العربية وأعرف اسوقها، موظف المبيعات قاللي من 7-10 ايام، يا مسهل.
انا استشاري قلب في معهد القلب

تشرفنا بحضرتك يا دكتور هشام
بس نصيحة حاول تركب اليو اس بي اسهل والذ في التعامل جدا من الراديو يعني اللي حضرتك عاوزه هتحمله علي الفلاشة وتشغله والموضوع سهل جداومفيش اي نسبة خطورة ومش بيكلف اكتر من 10 جنيه تمن الكابل وفي محلات بتركبه ب150 جنيه في شارع دمشق وبالتوفيق باذن الله

المشاركة الأصلية كتبت بواسطة محمد سمير حسين

تشرفنا بحضرتك يا دكتور هشام
بس نصيحة حاول تركب اليو اس بي اسهل والذ في التعامل جدا من الراديو يعني اللي حضرتك عاوزه هتحمله علي الفلاشة وتشغله والموضوع سهل جداومفيش اي نسبة خطورة ومش بيكلف اكتر من 10 جنيه تمن الكابل وفي محلات بتركبه ب150 جنيه في شارع دمشق وبالتوفيق باذن الله

أن شاء الله يا باشا
الحمد لله رخصت العربية النهاردة وجبت فرش جلد من سير كار ب450 جنيه
والرخصة أتكلفت تقريبا 1600 جنيه

استفسار مهم
انا لما آجي أكبس بالموتور في الطلعة بسمع صوت زنة في الموتور بتقعد ثواني وبعدين بتروح.
هل الصوت ده طبيعي؟

المشاركة الأصلية كتبت بواسطة د.هشام

استفسار مهم
انا لما آجي أكبس بالموتور في الطلعة بسمع صوت زنة في الموتور بتقعد ثواني وبعدين بتروح.
هل الصوت ده طبيعي؟

سلام عليكم يا دكتور هشام معلش والله موضوع مالوش علاقة بالعربيات هو سؤال في تخصص حضرتك بخصوص بنتي الصغيرة (3.5 سنة ) وبالصدفة دلوقتي كنت عند دكتور الاطفال بتاعها كان عنده استشارة علشان اللوز كانت ملتهبة والحمد لله طمننا علي اللوز بس لاحظ ان ضربات القلب مش منتظمة وقالنا تعملو ايكو علي القلب وتجولي يوم الجمعة الجاية وانا من ساعة ما طلعت من عنده بقالي 3 ساعات بلف علي مركز اشعة وكلو بيقولي ده لازم حد متخصص في اشعة الاطفال المهم الحمد لله لاقيت مركز واداني ميعاد بكرة الساعة 4 المشكلة بقي ان دكتور الاطفال موضحليش اي حاجة وانا دلوقتي قلقان جدا وهفضل قلقان لحد بكرا لحد ما اعمل الاشعة فلو تقدر حضرتك تكلمني علي تليفوني(01220202173) افهم من حضرتك ايه ممكن يكون السبب في الموضوع ده ولو لا قدر الله في حاجة ايه ممكن تكون ابعاد المشكلة معلش طولت علي حضلرتك واكرر اعتذاري