الموضوع: ملاك لانسر شارك 2014 واهلا بالجميع

المشاركة الأصلية كتبت بواسطة dr.oun

معلش يا جماعه انا كنت معايا فلوانس و بفكر اشتري شارك
بس عندي سؤال هو فعلا شكل لانسر ٢٠١٦ هيتغير خصوصا اننا في شهر ٥ و خلاص الموديل الجديد هينزل كمان كام شهر
و انا سمعت فئات و ارقام لما زهقت بصراحه مين افضل حد اشتري منه و ابقي مطمن ان كل حاجه اصلي مفيش حاجه متركبه في العربيه

لانسر 2016 حتبقى نفس الشكل
أحسن مكان تشتري منه هو سمير ريان من حيث عدد العربيات المعروضة مع تنوع الكماليات بالنسبة للخليجي والمصداقية في التعامل، وخد بالك عنده شرق أوسط كمان، يعني مش كله خليجي، وبيقوللك ايه الأصلي وايه المتركب، وانت نفسك لفة بس هناك حتعرفها الحاجات دي لوحدك

السلام عليكم
ان شاء الله ناوي اشتري الشارك الهاي لاين من سمير الريان ؛ لما اتصلت بالمعرض قلي ان في 3 انواع هاي لاين واحدة ضمان توكيل دايموند ب 165 وواحدة ضمان هاي تريد ب 168 وواحدة شرق اوسطي بدون ضمان ب 169 والشرق اوسطي بتزيد الفامية والباكيتيات وتبطين الكبود وشوية حاجات تاني.
أنا كنت عايز اخد رأيكم انهي الافضل اخليني في توكيل دايموند عشان الضمان ولا اروح للشرق اوسطي والكماليات الزيادة بس من غير ضمان
أرجوا الإفادة من أصحاب الخبرة

خليك في المواصفات الخليجي/السعودي أحسن

الخليجي السعودي يعني ضمان هاي تريد يا د.هشام ؛ وليه حضرتك بتفضله ؟

المشاركة الأصلية كتبت بواسطة omars2010

الخليجي السعودي يعني ضمان هاي تريد يا د.هشام ؛ وليه حضرتك بتفضله ؟

المفترض أن مواصفاتها معمولة للدول الحارة، زي تكييف أقوى والكاوتشات اللي في العربية تستحمل حرارة أكتر، ودي العربيات اللي التوكيل بيجيبها، يعني عربيات التوكيل خليجي برضه

المشاركة الأصلية كتبت بواسطة د.هشام

لانسر 2016 حتبقى نفس الشكل
أحسن مكان تشتري منه هو سمير ريان من حيث عدد العربيات المعروضة مع تنوع الكماليات بالنسبة للخليجي والمصداقية في التعامل، وخد بالك عنده شرق أوسط كمان، يعني مش كله خليجي، وبيقوللك ايه الأصلي وايه المتركب، وانت نفسك لفة بس هناك حتعرفها الحاجات دي لوحدك

السلام عليكم د هشام وصباح الخير عليك هو حضرتك عرفت منين ان 2016 نفس الشكل

المشاركة الأصلية كتبت بواسطة محمد سمير حسين

السلام عليكم د هشام وصباح الخير عليك هو حضرتك عرفت منين ان 2016 نفس الشكل

ازيك يا باشا، أرجو انك تكون بخير
لسه قاري تقرير لسة نازل في 18/4 انه تم الإعلان الرسمي عن
X 2016 mitsubishi lancer evolution
وهي نسخة منتجة لليابان فقط وحينتجوا 1000 نسخة من العربية
العربية نفس شكل الشارك الحالية، الجديد في العربية موتور تربو بقوة 296 حصان، نظام تعليق مختلف، ديسكات فرامل اكبر، جنوت وكراسي مختلفة
أهم حاجة يا ريس هو نفس الشكل، مش مهم الحاجات التانية ههههه

السلام عليكم الحمدلله استلمت شارك توكيل الفئة التانية الحمدلله العربية ناشاء للله جميلة قوي بس في حاجات مفيش صرفة في انذار الحزام على طول شغال كمان فين وصلة الaux واعمل الusb ازاي ومحطات الراديو مش بيحفظها عندي مع العلم ان الكاسيت عريض بكرة .شكرا