ملاك لانسر شارك 2014 واهلا بالجميع

**محمد سمير حسين** · 23-04-2015 12:30 PM

المشاركة الأصلية كتبت بواسطة د.هشام

انا كنت لسه عند سمير ريان النهاردة والحمد لله استلمت الشارك وبقيت شاركاوي رسمي.
بالنسبة للضمان هي الشركة اسمها تريبل ايه ايجيبت aaa، وبتدي ضمان ضد عيوب الصناعة. السنة ب1350 السنتين تزود 500 وفيه 3 سنين. انا عملت ضمان سنة أو 30000 وليهم فروع صيانة كتير.

الف مبروك وربنا يديك خيرها ويكفيك شرها

**drmaged** · 23-04-2015 04:04 PM

طيب ياجماعة مفيش حد عنده صورة الجنوط للاصلي بتاعتها وكمان الكاسيت لان في لعب كتير في للموضوع دة كمان لو حظ يفيدني ايه احسن اني اخد كماليات زي النيكل والاسبويلر وطارةملتي فنكش خليجي ولا اخد الجنوط والabs توكيل

**د.هشام** · 23-04-2015 04:22 PM

المشاركة الأصلية كتبت بواسطة محمد سمير حسين

تريبل ايه بالفعل ضمان معروف بس انا رأيي الشخصي ان هو بياخد منك مبلغ الضمان مقابل المخاطرة او الريسك اللي هو بياخده علي عاتقه وانا بصراحة شايف ان مالوش لازمة لان حضرتك شاري عربية ياباني وقليلة عيوب الصناعة باذن الله فوفر فلوسك افضل

علشان كده انا واخد ضمان سنة بس، علشان الراحة النفسية مش أكتر، برضه دي عربية مش موبايل ههههه

**د.هشام** · 23-04-2015 04:24 PM

المشاركة الأصلية كتبت بواسطة محمد سمير حسين

الف مبروك وربنا يديك خيرها ويكفيك شرها

الله يبارك فيك يا باشا

**د.هشام** · 23-04-2015 04:51 PM

المشاركة الأصلية كتبت بواسطة drmaged

طيب ياجماعة مفيش حد عنده صورة الجنوط للاصلي بتاعتها وكمان الكاسيت لان في لعب كتير في للموضوع دة كمان لو حظ يفيدني ايه احسن اني اخد كماليات زي النيكل والاسبويلر وطارةملتي فنكش خليجي ولا اخد الجنوط والabs توكيل

ممكن تلاقي خليجي فيها كل اللي انت كاتبه وأصلي كمان مش متركب هنا بنفس المبلغ اللي انت كنت كاتبه (142 ) بس الموضوع عايز شوية مجهود.
يعني مثلا سمير ريان من كام يوم كان عنده فئة خليجي ب145 فيها سبويلر، جنوت، 2 ايربج،abs, كاسيت عريض أصلي، مسند يد أمامي وخلفي، ومسند رأس خلفي، تبطين جلد للابواب، تابلوه لون أو لونين معاه أبانوس. بس مكانش فيها فوج أو مالتي فنكشن

**mosh11** · 23-04-2015 08:59 PM

المشاركة الأصلية كتبت بواسطة drmaged

طيب ياجماعة مفيش حد عنده صورة الجنوط للاصلي بتاعتها وكمان الكاسيت لان في لعب كتير في للموضوع دة كمان لو حظ يفيدني ايه احسن اني اخد كماليات زي النيكل والاسبويلر وطارةملتي فنكش خليجي ولا اخد الجنوط والabs توكيل

بص يا باشا الجنط الأصلي بيبقى المسامير بتاعتو بارزة لبرة اما اللي راكب المسامير بتبقى غاطسة لجوة.

أما الكاسيت الأصلي بتلاقي راكب في الفتحة اللي في النص و مبتلاقيهوش بارز لبرة بيبقى جاي على أد الفتحة بالظبط و اما تيجي تفتحو تلاقي علامة ميتسوبيشي و تحتيها Mitsubishi Motors Ltd
, و شوية كلام كدة مكتوب بالصغير تحت .

انت اول اما تشوف الكاسيت الصيني هتعرف علطول

**محمد سمير حسين** · 24-04-2015 10:56 AM

المشاركة الأصلية كتبت بواسطة د.هشام

علشان كده انا واخد ضمان سنة بس، علشان الراحة النفسية مش أكتر، برضه دي عربية مش موبايل ههههه

يبقي كده حضرتك فهمت انا عاوز اقولك ايه بالتوفيق باذن الله واحسن حاجة ان حضرتك ضخكت عليهم وخدت سنة واحدة بس مش اتنين ههههههههههههه

**د.هشام** · 24-04-2015 11:23 AM

المشاركة الأصلية كتبت بواسطة محمد سمير حسين

يبقي كده حضرتك فهمت انا عاوز اقولك ايه بالتوفيق باذن الله واحسن حاجة ان حضرتك ضخكت عليهم وخدت سنة واحدة بس مش اتنين ههههههههههههه

ربنا يكرمك، أهم ضمان طبعا هو أول سنةعلشان كده ب1350 وكل سنة زيادة ب500 جنيه بس زيادة.

**aiman5** · 25-04-2015 01:20 AM

الاخوة الأعضاء
اشتريت لانسر هاي لاين خليجي
شاشه دي في دي بس مش مركبين كابل ال usb
فكيت الكاسيت لقيت فيه مدخل لل usb بس عاوز الوصله من الكاسيت للتابلوه
برجاء لو حد عنده معلومه يفيدنا
وشكرا