سلام الله عليكم ورحمته وبركاته
طيب حضرتك ممكن تحس بالفرق الشاسع ده عشان بلد غربية
لكن لو ده موجود زي ماحضرتك حكيته كدة ويمكن أكتر في بلد عربي هتقول ايه؟
أنا شوفت ده بعيني وعشت فيه برضه لكن فيه فرق كبير إني عمري ماشوفت مصر وحشة
دايما أقول :ـ الشعب ده مظلوم ومطحون ومهدورة كرامته بسبب الحالة الإقتصادية
وللأسف مفيش أمــل إن الحالة دي تتصلح ومش يأس والله لكن ده واقع
لما الحالة الاقتصادية بتتصلح بتظبط كل شيء حتى سلوكيات الناس
لكن فيه فكرة سياسية مقدسة بلدنا عايشة عليها وهي إطحن الناس
وخليهم يدوروا في ساقية لقمة العيش وطلع عينيهم من المرض والهم والخوف تضمن الكرسي مدى الحياة
مع إنهم لو فكروا بعقل شوية ووفروا حياة كريمة للمواطن من صحة وعيش ومية ونضافة
وتعليم الناس في بلدنا بتحفظ الجميل وبتقدر اللي بيتعب عشانها لكن للأسف الطريقة
دي مكلفة ومتعبة والناس اللي بتمسك البلد مش بتبقى فاضية لينا
أي عدل في الدنيا يقول إن واحد ياخد آخر الشهر 20000 وواحد تاني 300 جنيه؟
أي عدل في الدنيا يخلي واحد عنده 3 سيارات وواحد تاني بتطلع عينه في المواصلات وبتهدر وقته وصحته وفلوسه !!!
أي عدل في الدنيا يقول إن واحد لما يتعب يتعالج في مستشفيات عالمية برة البلد
وواحد تاني مش عارف يضمن له تأمين صحي يوفر له العلاج المظبوط له ولأسرته؟
أنا شكلي سرحت شوية في الكلام لكن يمكن عشان الناس بتصعب عليا اوي اوي
لما بقارن بينها وبين اى حد بشوفه برة عايش ازاي
وعلشان كدة عمري ما بضايق لما برجع و أعيش وسط الناس دي لأني حاسة بقيمتهم واللي بيعانوه والله
ولما بسافر تاني ، هناك بقى نفسيتي فعلاً بتتعب رغم الرفاهية اللي بشوفها
لكِ اللـــــه يا مصر إنتِ وأهلك
سامحوني .ودمتم بحفظ الله
المفضلات