رقم العضوية : 51638
تاريخ التسجيل : 31Oct2009
المشاركات : 1,153
النوع : ذكر
الاقامة : cairo
السيارة: Lanos
السيارة[2]: New Accent
دراجة بخارية: no
الحالة :
اللى يقولك لسه فى امل قوله امل ماتت من زمان و السنويه بتاعتها كانت الشهر اللى فات
للأسف احنا من سىء لأسوء و مفيش حتى بصيص نور
يارب خرجنا من دار البلا بلا بلا
رقم العضوية : 13051
تاريخ التسجيل : 16Jun2008
المشاركات : 10,009
النوع : ذكر
الاقامة : اسكندريه
السيارة: كروز هاى لاين 2013 بفضل الله
السيارة[2]: هوندا ثم مرسيدس ثم بيجو 504 ثم نوبيرا 2 ثم نيسان صنى
دراجة بخارية: no
الحالة :
رقم العضوية : 70100
تاريخ التسجيل : 09May2010
المشاركات : 4,215
النوع : ذكر
الاقامة : المحله الكبرى
السيارة: kia.carens
السيارة[2]: octavia fantazia
دراجة بخارية: ......................
الحالة :
هنقول ايه ولا ايه
بس هناك الناس بتحترم بعضها وبيحترموا قوانين بلادهم يعنى بشر رااااااااااااااااااقى بيحافظوا على بلدهم وعلى آدميتهم وبيعتبروا كل شىء عام ملكيه خاصه دافعين تمنها من الضرائب فبيحافظوا عليها
انا لما رجعت من المانيا قعدت اكتر من 3 اسابيع فى حاله صدمه مش عايز اتعامل مع حد حاسس ان كل الناس صوتها عالى جدا مش قادر اتعامل حتى مع الاضاءه فى بيتى مش عايز اكلم حد الكل تحس انه بيصرخ ومفيش نضافهكان لى اكتر من تجربه هناك هحكى واحده فيها قمه الاحترام فى التعامل
هناك سلسله محلات كويلا وكنت فى مدينه باد كانشتت ولهم هناك مكتب مش فرع بتروح للمكتب وبتاخد كتالوج كويلا مجانا (ثمنه فى مصر ايامها اكثر من 700 جنيه) وبختار انا هشترى ايه حتى لو هتشترى بمبلغ بسيط جدا وبيكتبوا الاسم وبيقول لك 72 ساعه بالكتير جدا من غير ماتدفع اى شىء وبعد 72 ساعه رحت لهم لقيت كل المطلوب موجود بعد ما اتفرج واعاين اخد طلبى وادفع ثمنه ولو مش عاجبنى اى حاجه بسيبها مش باخدها وابتسامه عريضه وتمنيات انهم يشفوك عندهم تانى
وحاجه تانيه لو مشترواتك من المانيا تجاوزت حد معين وانت مسافر فى المطار بتسلمه قسائم الشراء وهما بيخصموا الضرائب وبيدفعوها لك تانى وانت راجع لبلدك لانك زائر والضرائب دى لن تستفيد منها لانك غير مقيم بالبلد هقول ايه ولا ايه
بس انا عند رائيى ان احنا بينا وبينهم كتيييييييييير جدا بسبب اننا بنتعامل بهمجيه مع بعض وبفهلوه واعتداء على حقوق الغير ولا مبالااه حاجات كتير جدا جدا
رقم العضوية : 85346
تاريخ التسجيل : 09Jan2011
المشاركات : 1,249
النوع : ذكر
الاقامة : cairo
السيارة: Hyundai I10
السيارة[2]: Daewoo
دراجة بخارية: no
الحالة :
رقم العضوية : 10803
تاريخ التسجيل : 16May2008
المشاركات : 33
النوع : ذكر
الاقامة : مصر
السيارة: افيو
السيارة[2]: فيرنا
دراجة بخارية: honda
الحالة :
اولا سلام عليكم جميعا
عايز اكتب علي موقف معين حصلي وانا في كندا بس ظروف البلد و الوضع العام مخليني متردد
لكن اعتقد اني عايز احكيه واحكي وجهه نظري فيه
الموضوع يا حبايبنا اني كنت في بلد اسمها وينكلر
ووينكلر دي بلد تقريبا علي حدود كندا مع امريكا
يعني بينها وبين امريكا اقل من عشرين كيلو وبينها وبين وينيبج عاصمه الولايه اللي كنت فيها 130 كيلو
المهم كنت خلاص سايب البلد دي ومتوجه الي وينيبج
والطريق بياخد تقريبا ساعه ونص الي اقل من ساعتين
المهم كل الطريق تمام ولكن قبل وينيبج كده بحوالي تلاتين اربعين كيلو وجدت حادثه كبيره كانت لسه حاصله بمعني ان العفره والتراب كانوا لسه مغبرين الدنيا
الحادث هدي كانت عباره عن عربيتين نقل كبار دخلوا في بعض نتيجه ان سواق عربيه منهم انحرف شمال مره واحده بدون اشاره وكان جاي وراه عربيه نقل تانيه بسرعتها دخلت فيها واخدوا بعض واتقلبوا بره الطريق في النص بين الطريقين
والمنطقه بين الطريقين هناك مش حواجز اسمنتيه زي هنا لكنها عياره عن مساحه خضرا في حدود تلاتين متر تفصل بين الرايح والجاي
طبعا ركنت علي جنب مع كام عربيه اللي كانوا معديين ساعتها من الجانبين
وجرينا نلحق السواقين وبرغم ان الحادثه فظيعه بعني العربيتين اتقلبوا واتخرشموا لكن السواقين كانوا سلام تماما الا من خدوش بسيطه جدا نظرا لانهم كانوا لابسين حزام الامان وده اول شئ اخدت بالي منه
طبعا السواق الاول – اللي اتسبب في الحادثه – كان محشور جوه العربيه لكن حاولنا نفتح الباب بالعافيه وواحد جاب حاجه زي عتله كده وهيلا هوب لحد ما الباب اتفتح
طبعا مافيش حاجه اسمها نهجم نطلعه ونشده بره العربيه واحنا مش عارفين حالته لايكون مكسور ولا حاجه ..
اول كلام : انت سليم انت واعي تقدر تحرك اطرافك حاسس باي الم مع الحركه ؟؟ لاء ؟؟ طيب ياللا اطلع معانا وطلع ومشي معانا وقعدناه علي النجيله في الجنب
السواق بتاع العربيه التانيه طلع من الشباك لان العربيه كانت مقلوبه وطبعا بنفس الاسئله
لفت نظري حاجه تانيه وهي ان كان فيه اتنين مواطنين مكانوش مركزين مع السواقين لكنهم جابوا طفايات الحريق من عربياتهم وفضلوا يلفوا حوالين العربيات يتاكدوا ان مافيش حاجه مولعه او شراره
في نفس اللحظه اخدت بالي ان عربيه منهم كانت محمله حبوب – حاجه كده بين الحمص واللوبيا – ماتسالونيش ايه ده لاني مش عارف
والتانيه كانت محمله طين – وبردو محدش يسالني الطين ده ليه ورايح فين لاني مش عارف
طبع بعد ماخلوا في بعض واتقلبوا عالنجيله فالطين علي اللوبيا ملوا الطريق التاني مما يشكل خطر علي أي حد جاي
فاخدت بالي من ان فيه واحد ركن عربيته ومالوش دعوه خالص بالحادثه ولا نزل معانا يشوف فيه ايه لكنه ركن علي جنب ووقف زي عسكري المرور علي الطريق يشاور للعربيات الجايه يحذرها من الطريق عشان تهدي سرعتها
لاحظوا ان كل ده لاسعاف ولا مطافي ولا بوليس ولا لسه حد وصل
المهم انا رجعت للسواق الاولاني اللي اتسبب في الحادثه لان هو اللي كانت خدوشه كتير شويه وكان راجل كبير عجوز
المهم رحتله وكان حواليه شويه ناس منهم شابه صغيره – ماشاء الله عليها كانت زي القمر - كان معاها جوانتيات البلاستيك بتاعت الكشف والعمليات وكانت بتكشف علي الخدوش اللي في راسه ولما واحده ست سالتها جبتي الجوانتيات منين قالتلها متطوعه فالست قالتلها : اوه جود فور يو
طبعا انا مافهمتش متطوعه في الجيش يعني ولا ايه
الشابه دي قالتله انت مش حافظ أي رقم لاهلك نكلمه قاللها كل الارقام علي موبايلي
فقالتلي لو سمحت
قلتلها ايون تامري امر
قالتلي شوف الموبايل في العربيه
قلتلها وجب يا قمر
وفوريره علي العربيه المقلوبه .. وانا بجري لقيت شاب بيقوللي انا جاي معاك المهم دخلنا جوه جوه العربيه دورنا في الشنط لخد مالقيت المحفظه والموبايل وهو لقي المفاتيح وقاللي تمام كده ونزلنا
ادينا الحاجه للراجل وهي اخدت الموبايل قالتله تحب اكلم مين قاللها لورلا ولا لورينا مراتي
اللي غاظني في الموضوع ان الاموره ولا كاني موجود وقالت للشاب الحليوه اللي جاء معايا دي كل حاجه قاللها ايوه
والعربيه تمام وامنه تماما
قالتله كويس واضح ان عندك خبره قاللها كنت متطوع مطافي قالتله : اوووه جود فور يو
طيب وانا يا طنط اللي ضحيت بعمري وانا بجري ادور عالموبايل.. والشبشب اللي اتقطع من الازاز اللي في الارض وجوه المقطوره مافيش جود فور مي
خلاص هي بقت كده؟؟ ماشي
المهم وجهت كلامي للسواق : انت كويس يا عم الحاج .. اجيبلك مياه ولا حاجه؟؟ طيب قول الحمد لله
شويه والاسعاف كان وصل تلات عربيات واد خمس عربيات مطافي والشرطه وابتدوا يقوموا بواجبهم
تعليقي علي اللي حصل
برغم النظام البالغ في المرور والتزام الناس الا ان الخطا البشري وارد تماما والانتباه فعلا واجب
الواحد كان بيحسب ان الجدعنه ساعت الحوادث دي حكر علينا احنا العرب وان الاجانب بيخافوا علي حياتهم ومش بيتدخلوا في أي حادثه ولا بيساعدوا
لكن اللي لقيته العكس تماما بل انهم بيقسموا نفسهم لفرق تلقائي
موضوع بقي المتطوع والمتطوعه لما سالت صديق ليا مفيم هناك لما قابلته فهمت
الاموره دي كانت بتطوع في التمريض مثلا بدون اجر أي انها كانت بتكتسب كل الخبرات المتطلبه عشان لو حصل أي موقف تعرف تتصرف
والشاب متطوع مطافي نفس الموضوع بحيث ان لو حصل مواقف مشابهه يعرف يتصرف بل ويعاون فريق الانقاذ والمطافي عن علم وليس جدعنه
اللي بهرني ايه بقي بعد ماصديقي فهمني يعني ايه تطوع؟؟
ان الموضوع ده بدون اجر وانهم لما بيتطوعوا في شئ فانهم بيضحوا بجزء من وقتهم لفتره لا باس بها عشان الموضوع ده
طبعا لو قيسنا الموضوع ده علي مجتمعاتنا – خليها علي نفسي عشان محدش يزعل – انا هاروح اقل راحتي ليه وكمان مجانا ؟؟ عشان موقف ممكن يحصل وممكن لاء ؟؟
بس
ده اللي حصل ووجهه نظري
صحيح وانا باخد الصور للي حصل جاتلي واحده ست كبيره كده وبكل ادب قالتلي بعد اذنك انت تبع ايه
قلتلها تبع نفسي انا زائر هنا
قالتلي طيب من فضلك ممنوع التصوير الا للجهات المختصه
قلتلها انا معرفش بس انا حبيت اسجل النظام واللي حصل عشان اكتب عنه في بلدي
قالتلي طيب بس فعلا ممنوع لكن حاول تاخد صور مافيهاش وشوش الناس باينه
قلتلها تمام
وقامت مسلمه عليا بكل ادب ووجه بشوش وقالتلي
ويلكم تو كندا
رقم العضوية : 129815
تاريخ التسجيل : 29Sep2012
المشاركات : 3,491
النوع : ذكر
الاقامة : Earth
السيارة: Just one car
السيارة[2]: Renault Logan 2013 Auto
الحالة :
Freelancer Web Designer & E-marketer
( --- جــمــيــــع مــوضــوعـــاتـي --- )
رقم العضوية : 13051
تاريخ التسجيل : 16Jun2008
المشاركات : 10,009
النوع : ذكر
الاقامة : اسكندريه
السيارة: كروز هاى لاين 2013 بفضل الله
السيارة[2]: هوندا ثم مرسيدس ثم بيجو 504 ثم نوبيرا 2 ثم نيسان صنى
دراجة بخارية: no
الحالة :
رقم العضوية : 89201
تاريخ التسجيل : 21Feb2011
المشاركات : 1,850
النوع : ذكر
الاقامة : القاهره
السيارة: لما اجيب الاولانيه
السيارة[2]: معنديش
دراجة بخارية: مفيش
الحالة :
علي فكره الناس دي بتتعلم من دينا ومن تاريخنا ويطبقوا في بلدهم المصيبه فينا احنا بقي بنطحن في بعض ونرجع نقول هما متفوقيننا ليه
في مره احمد زويل كان في برنامج المهم كان بيحكي موقف ليه اول لما راح هناك استلم معمل فراح جايب قفل علشان يقفل الباب بيه فجاله واحد قالله انت بتعمل ايه قاله اصل دي عهده واخاف حاجه تضيع
قالله لا لا لا انب كسر واحنا نجيبلك غيره اه ياما
قال وانا عندي في الكلي مكنه التصوير الغلبانه من ساعت ما باظت محدش عبرها هههههههههه
لكي الله يامصر
انا مصمم علي بلوغ الهدف ...اما ان انجح واما ان انجح
رقم العضوية : 150584
تاريخ التسجيل : 25Oct2013
المشاركات : 633
النوع : ذكر
الاقامة : Alex
السيارة: Pssat
السيارة[2]: Hyundai santafy
الحالة :
رقم العضوية : 18212
تاريخ التسجيل : 07Sep2008
المشاركات : 503
النوع : انثى
الاقامة : Cairo
السيارة: Lugy is enough
السيارة[2]: Renault Logan 2010/FO
دراجة بخارية: none
الحالة :
كل كلمة كتبها صاحب الموضوع معه حق فيها . خلاص الواحد هيبكي. عايشين علي تاريخ الفراعنة و الحضارة و نتصرف كأننا لا نمنت لهم بصلة و لو رأونا الان لتبرءوا منا و سحبوا من الشعب الجنسية المصرية. رغم اني لم اسافر للخارج الا انني اعرف الكثير عن نظامهم من الاقارب و المعارف المقيمين في الدول المختلفة عربية و اجنبية. سر السلوك المنظام ليس فقط في الاخلاق و لكن احترام القوانين و تطبيقها علي الجمييييييييع بدءا من اكبر رأس في البلد الي الاصغر. قارنوا حال مترو الانفاق في مصر ايام الادارة الفرنسية و الان. كأننا في بلد أخر. كانت الغرامة الفورية علي اي اختراق لتعليمات المترو مثل ركوب الرجال عربة السيدات او غيره فلم يجرؤ احد علي اختراق القانون. و لا توجد مهنة السايس هذه الا في مصر و الان مهنة البلطجة. و لا اي احترام لادمية البشر في اي شيء. ارخص حاجة المواطن المصري. كفاية كل اللي حضراتكم ذكرتوه. لومصطفي كامل كان عايش ايامنا لتمني اي جنسية اخري. كان عندي امل بعد الثورة اننا نتغير و قرأت عن تجارب بعض الدول مثل ماليزيا و البرازيل و غيرهم و كان نفسي نعمل زي اي واحدة فيهم . اول حاجة اهتم بها حكام هذه الدول هي التعليم ثم الصحة ..... و كان لهم رؤية و خطة قصيرة و طويلة المدي. للاسف بعد الثورة و بعد ما قرأنا في الصحف عن تدوير القمامة و الاستفادة من قش الارز ..... و احلام كثيرة... لم يتحقق منها شئ و تحولت مصر الي وكر كبير للمجرمين و البلطجية و أصبحوا هم اصحاب السيادة في البلد بترويع الامنين و سرقتهم في وضح النهار.......و اعتقد الناس ان الثورة يعني فوضي و مات الثوار و ماتت الثورة و لو عاش الثوار لماتوا بحصرتهم. و طبعا امل ماتت معاهم لان الله لا يقيم دولة الظلم و لو كانت مسلمة و من يزرع شوكا لا يجني الا شوكا. للاسف شعب مصر لا يستحقها. الذهب فيها يتحول الي تراب و اهدار الموارد و المال العام و الخاص و حب المنظرة الكاذبة من اهم صفات السواد الاعظم من الشعب و القليل الذي يحاول الاصلاح يشعر بالغربة.تخيلوا لو شعب و قيادة اليابان مثلا بدلوا مع مصر بكل مواردنا الرهيبه من نيل يصلح للشرب و ارض زراعية و معادن و موقع ممتاز.......لكانت مصر اغني و اقوي دولة في العالم و لافتقرت اليابان واصبحت من دول العالم الثالث بجدارة. (وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاء وَالأَرْضِ وَلَكِن كَذَّبُواْ فَأَخَذْنَاهُم بِمَا كَانُواْ يَكْسِبُونَ) [الاعراف:96]
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ [14:42]
المفضلات