الموضوع: البورصة .. خد فكرة واشتري بكرة

في اوبشن جديد دلوقتي وتم تطبيقه في شركات كتير اسمه short selling وده بيديك امكانية البيع قبل الشراء ..بمعنى انك تبيع اسهم لا تمتلكها بتستلفها من الشركة بسعر عالى ثم معاودة شرائها بسعر اقل وترجعها للشركة .. وهنا انت بتكسب الفرق ..
ولو ان في شبهات شرعية في هذا النظام بسبب انك بتبيع شيء لا تمتلكه وده لا يجوز شرعا ..

فعلاً فيه شبهه ... و أصحاب كتير لقيتهم بيتكلموا عن الموضوع ده .... بس فى الفوركس الموضوع مختلف حبتين ..... إنتا لما هتبيع الأول .. العملية مش بتتقفل لأنك لازم تختمها بشراء ...... يعنى سواء بيع أو شراء فى الأول لازم تقفل العملية.

لو المشكلة فى إنك تبيع حاجة مش ملكك ....فى الفوركس ... إنتا كأنك إتفقت مع واحد إنك هتبيعله حاجة بسعر كذا و تروح تدور على الحاجة دى بسعر أرخص و تشتريها و تاخد إنتا المكسب ....... يعنى هتفضل متدبس فى العملية لغاية ما تشترى الحاجة اللى هتبيعها ... و طبعاً مش هتقدر تزوغ لأنك بتدفع تأمين محترم عن كل عملية ... بالتالى مفيش نصب ممكن يحصل فى الموضوع.

هوضح بمثال صغير:
إنتا مثلاً لقيت سعر الدهب غالى ..... فدورت على حد تتفق معاه إنك تبيعهوله بالسعر ده ... لو لقيت ... إنتا بتفتح عملية بتبتدى ببيع لكن مش بتقبض ولا مليم من البيع ده ... بالعكس إنتا بيتخصم منك التأمين لغاية ما تشترى نفس الكمية اللى إتفقت إنك تبيعها ...... و ساعتها بتاخد الربح أو الخسارة.

يعنى فى الأول كان مجرد إتفاق على البيع بالسعر العالى ده بدون ما تاخد فلوس .... و بعد ما تشترى اللى هتبيعه و تقفل العملية بتاخد الربح أو بتشيل الخسارة و بيرجعلك التأمين.

و العكس صحيح برضه بالنسبة لو الشراء كان الأول.

المشاركة الأصلية كتبت بواسطة meza

يعنى فى الأول كان مجرد إتفاق على البيع بالسعر العالى ده بدون ما تاخد فلوس .... و بعد ما تشترى اللى هتبيعه و تقفل العملية بتاخد الربح أو بتشيل الخسارة و بيرجعلك التأمين.
و العكس صحيح برضه بالنسبة لو الشراء كان الأول.

الله ينور يا ميزا ..
عجبتني الفكرة جدا .. واول مرة اسمعها ..
بس صعب تطبق في البورصة ..

المشاركة الأصلية كتبت بواسطة AHMEDCAR

اتفضلى اللينك اهو
حد عايز يجى معايا كور الفوركس و البورصه

و يارب الموضوع يعجبك بس انا عايز اعرف هو حضرتك هاويه البورصه و شغاله فيها

ايه ده .. هو انت شغال في شركة سمسرة ..
اهلا وسهلا بيك ..
انا ازاي مشفتش التوبيك ده ..

انا مش شغالة فيها .. انا بستثمر بس مش اكتر ..
بس حبيت المجال جدا على الرغم انه بعيد عن مجالي تماما .. بس بقالي سنة ونص بدرسه وقريت فيه كتير ..
والله بفكر اخد شهادة cmt واروح اشتغل في شكرة سمسرة ..

يا جماعة في اي استفسار في اي حاجة تم شرحها لحد دلوقتي ؟؟
في حد تاه مني في النص ولا كله تمام ؟

عشان ان شاء الله الخطوة الجاية هوريكم شاشة التداول واشرحلكم كل خانة فيها بتعبر عن ايه .. عشان اللي يشوف شاشة تداول قدامه يبقى فاهم وعارف ايه اللي بيحصل ..والارقام دي بتعبر عن ايه ..

ها اكمل ؟؟