أوبل أسترا كوزمو أم رينو فلوانس؟؟

**abohend** · 28-01-2014 09:50 PM

المشاركة الأصلية كتبت بواسطة shifo

نفس الكلام .... الاوبل استرا مش ألمانى دى تقفيل بولندا

القصة فى العلامه التجارية الاصلية والا ايه رأيك فى المرسيدس اللى تتجمع فى مصر أو الصين ..مش مرسيدس برضه؟

مرسيدس طبعا
بس حبيت أوضح له المعلومة
و معلش برضه أكيد مرسيدس ألمانيا أحسن من مرسيدس مصر
و بيجو فرنسا أحسن من بيجو البرازيل
و أوبل ألمانيا (أو فوكسو) أحسن من أوبل بولندا

و هكذا

**برنس الليالي** · 28-01-2014 10:18 PM

هو مش في النهاية اللعب كله في التقفيل وبس ؟ ويا ترا المرسيدس لما تتقفل في مصر ( ما مدى الإختلافات وايه اللي بيحصل لو اتقفلت في مصر ) ؟

**mostafa afifi** · 28-01-2014 10:53 PM

انا ممكن اقدر افيد حضرتك شويه
بالنسبه للاسترا هي تكسب في الشكل من بره و من جوه و الثبات........تخسر في توكيلها و سحبها زي الفلوانس تقريبا و استهلاك البنزين و فتيس الاوبل مش معمر اوي و مش بتاع قرص و وزنها تقيل اوي هيعلي ثباتها و هيقلل سحبها شويه و العربيه ضيقه اوي من جوه
بالنسبه للفلوانس عربيه واسعه جدا و عائليه و فيها لمسه شبابي حلوه جدا ..انا شايف ان سحبها حلو جدا و ده فيديو عامله واحد في المنتدي و مش قارص و انا شايفه كويس
Fluence 2014 acceleration from 0-120 km/hr - YouTube
و بالنسبه للثبات الراجل بيقارنه بالمرسيدس يعني مش هتحس بفرق الثبات اوي و مش هتحس بتقص من غير esp انا معايا 406 من غيره و مش حاسس بنقص بصراحه ......و التابلوه انا شايفه حلو مش وحش بس تكيف احسن عشان يباني و فتيس معمر اكتر بردو عشان يباني و توكيل احسن ... وشكلها من قدام شيك جدا و فخمه بس شكل الفوانيس الخلفيه كلاسيك اوي بس مقدور عليه ...
صلي صلاه استخاره بردو
استخير الله و رينا يوفقك في اختيار عربيه مناسبه انشاءالله و اركب الاتنين و اللي تستريح فيهم اتكوكل علي الله و اشتريه

**medori** · 28-01-2014 11:40 PM

المشاركة الأصلية كتبت بواسطة mostafa afifi

انا ممكن اقدر افيد حضرتك شويه
بالنسبه للاسترا هي تكسب في الشكل من بره و من جوه و الثبات........تخسر في توكيلها و سحبها زي الفلوانس تقريبا و استهلاك البنزين و فتيس الاوبل مش معمر اوي و مش بتاع قرص و وزنها تقيل اوي هيعلي ثباتها و هيقلل سحبها شويه و العربيه ضيقه اوي من جوه
بالنسبه للفلوانس عربيه واسعه جدا و عائليه و فيها لمسه شبابي حلوه جدا ..انا شايف ان سحبها حلو جدا و ده فيديو عامله واحد في المنتدي و مش قارص و انا شايفه كويس
Fluence 2014 acceleration from 0-120 km/hr - YouTube
و بالنسبه للثبات الراجل بيقارنه بالمرسيدس يعني مش هتحس بفرق الثبات اوي و مش هتحس بتقص من غير esp انا معايا 406 من غيره و مش حاسس بنقص بصراحه ......و التابلوه انا شايفه حلو مش وحش بس تكيف احسن عشان يباني و فتيس معمر اكتر بردو عشان يباني و توكيل احسن ... وشكلها من قدام شيك جدا و فخمه بس شكل الفوانيس الخلفيه كلاسيك اوي بس مقدور عليه ...
صلي صلاه استخاره بردو
استخير الله و رينا يوفقك في اختيار عربيه مناسبه انشاءالله و اركب الاتنين و اللي تستريح فيهم اتكوكل علي الله و اشتريه

يا راجل يا طيب بقي الفلوينس سحبها زي الاسترا!!! لأ طبعا الاسترا بالنسبلها طلقة و تطلع منها in no time فعلا، اكبر عيب في الفلوينس فعلا ان سحبها وحش.

Sent from my MyTouch 4G Slide using Forum Runner

**mostafa magdy** · 28-01-2014 11:50 PM

مش بقنعك بالرينو .. لأنها معايا
لكن أنا كنت زيك و في نفس حيرتك بين الكوزمو بلس اللي ب 190 و كان عليها عرض ساعتها أخدها علي185
أو الفلوينس E3s اللي ب 178 ..
أنا الصراحه أخترت الفلوينس و مش ندمان
عشان موضوع الوسع زي ما قلت
الاوبشن متقارب بين الفئتين دول
كموتور .. أنا علي حسب ما فاكر الأسترا كانت أقوي و سحبها كان أحسن
الفلوينس معايا و مش متضايق من ثباتها بالعكس .. يعني كنت عامل تقرير عن سواقتي و انا رايح السخنه الحمد لله ملفات خطره جدا و خدتها علي 120 عادي جدا ..
ال Esp برده زي ما كنت فاكر يفيدك في السواقه علي الجليد و هو تصميمه الأساسي لكده ..
الفلوينس كمان عربيه جديده و شكلها جديد .. الأسترا كانت شكلها قدم و في السوق قبل الفيس ليفت بكتير ..

بالتوفيق و ايان كان أختيارك أنت في أمان العربيتين تحفه ..

**Hany Saad** · 29-01-2014 12:05 AM

المشاركة الأصلية كتبت بواسطة medori

يا راجل يا طيب بقي الفلوينس سحبها زي الاسترا!!! لأ طبعا الاسترا بالنسبلها طلقة و تطلع منها in no time فعلا، اكبر عيب في الفلوينس فعلا ان سحبها وحش.

Sent from my MyTouch 4G Slide using Forum Runner

باشا...حضرتك المعلومات دى عن تجربة الاتنين و لا بالسمع...على فكرة انا مش بشكك فى كلامك و لكن للإستفادة و خصوصا لى....
حسب المواصفات و ده فى الموقع الرسمى لكل سيارة
الفلوانس الفيس ليفت من 0-100 كم/ساعة فى ١١ ثانية
الأسترا من 0-100 كم/ساعة فى ١١.٩ ثانية

موتور الفلوانس الفيس ليفت عزمه ١٥٦ نيوتن متر عند ٤٠٠٠ لفة فى الدقيقة
موتور الأسترا عزمه ١٥٥ نيوتن متر عند ٤٠٠٠ لفة فى الدقيقة
و بالأحصنة الاتنين ١١٥ حصان
يبقى علمياً كل حاجة بتقول ان الفلوانس اسرع من الاسترا و ده بناء على كلام الصانع أو على الاقل زى بعض.. فمش عارف ازاى حضرتك بتقول ان الاسترا طلقة و تطلع من الفلوانس in no time و اكبر عيب فى الفلوانس ان سحبها وحش!!
انا فعلا بسأل للإستفادة و مش للتشكيك فى كلام حضرتك....
تقبل تحياتى

**برنس الليالي** · 29-01-2014 02:11 AM

سبحان الله نجيبلهم الفيديوهات بعربيات اسعارها جهنمية ويرجعو يقولو ان الـesp للجليد ومش بيبان اوي على الطرق العادية .. انا مش عارف اعمل فيكو ايه

**mostafa magdy** · 29-01-2014 03:45 AM

يا برنس الليالي أولا انا مشفتش منك فيديوهات :d
ثانيا انا لما سوقت الأسترا حسيت أنها متزنه و تقيله جدا .. بس هي عربيه اصلا تقيله في الوزن .. و بعدها ركبت الفلوينس لاقيت ثباتها مقبول .. راجع ردي اللي فوق و شوف أي أختلاف ..
باش مهندس هاني بقا .. أنا حسيت بصراحه أن الأسترا أسرع .. و كان ساعتها معايا الأوكتافيا لسه .. حست إنها فعلا سريعه عنها بكتير يعني جبت بيها 160 و 170 و العربيه ولا الهوا كاني ع 80 و كان ع الدائري يعني مش بعيد ..
العربيه أثبت و أسرع و أنا كتبت لأخونا اللي بيستفسر كده

**ahmedelfeky** · 29-01-2014 03:55 AM

ياخوانا من 0 ل 100 ايه و esp ايه بس انا راجل من طنطا كل مشواري سواء للقاهره او اسكندريه مابشوفش ال 120 دي غير نادرا شوف الدائري عامل ازاي ولا الطريق الزراعي بتاع اللي يروح مايرجعش طيب يا رب الواحد يمشي ع ال 100 بس من اوله لاخره وهم طلعتين اللي الواحد بيطلعهم كل سنه سواء الغردقه او شرم يعني تخيل اني مابشغلش الكروز كنترول ده غير مرتين في السنه في النهايه عشان مانخرجش عن موضوعنا العربيتين حلوين وانا كنت محتار بينهم بس الفلوانس كسبت بالنسبه ليا لاني مش بتاع بتاع جري وحوارت وده مايمنعش انها مش بتاعه الكلام ده والوسع واسعار قطع الغيار وعلوها عن الارض بالاضافه لتوكيلها سمعته كويسه ده غير انها من قبل الاسترا الجديده ومفيهاش مشاكل نهائيا خلص الكلام ومات وكانت حسبه سهله بالنسبه لي