الموضوع: أوبل أسترا كوزمو أم رينو فلوانس؟؟

المشاركة الأصلية كتبت بواسطة shifo

بس تعرفوا...عند منصور الراجل قاللى تدفع 100 جنيه رسوم ترخيص وهبعت معاك مندوب يخلصلك الرخصة فى نص ساعة...رينو قاللى والله إحنا قفلنا القسم ده وبطلنا نتعامل مع المرور...منك ليهم علطول

توكيل رينو بعت فعلا معايا مندوب للمرور عمل كل حاجه مقابل 100 جم اكراميه

النهاردة قاللى إنهم بطلوا الموضوع ده...حتى لازم آخد الورق من عندهم أعتمده الأول فى مرور بين السرايات وبعدين أطلع على مرور أكتوبر اللى أنا تبعه....لكن منصور قاللى هنخلصلك كل حاجة وتطلع مع المندوب عالمرور علطول

المشاركة الأصلية كتبت بواسطة mohamed.afifi

الصورة دى ياجماعة فيها جدول الصيانات وأسعار قطع الغيار بتاعة الأسترا جبتها إمبارح من منصور....أنا مش فاهم يعنى هما عاوزين يجيبونى فى صيانات الـ 5000 دى كلها عشان بس يغيروا زيت وياخدوا 380 أو 297 جنيه مصنعية؟
يعنى ماينفعش نغير الزيت فى صيانات الـ 10000 ومضاعفاتها؟

بصراحة الاسعار دى تهريج، لما تروح ميعملوش اى حاجة غير انهم يشيكوا على العربية و اخرهم يربطوا عفشة و حضرتك تدفع 300 جنية و انت خارج على شغلانة متسواش 30 جنية يبقى دى سرقة علنى ، بس زى ما قلت لحضرتك من الاول اكبر عيب فى الاوبل منصور، حرامية و بغشومية كمان و مش فاهمين زى EIM فانت لو بتشترى الاسترا بتشريها عشان اعجابك بالعربية رغم ان توكيلها الزفت منصور دة.
انا نفسى يتسحب منة الاوبل و الفولفو بصراحة ، حرام اللى عملة فيهم دة، كفاية علية اللانوس

المشاركة الأصلية كتبت بواسطة mohamed.afifi

عشان أى حد يدخل هنا برضه يعرف...النهاردة سألت فى توكيل أوبل ورينو...الأسترا والفلونس الإثنين إرتفاعهم عن الأرض 17سم...والإثنين فيهم تصفيح للنصف الأمامى من الأسفل
نظام تعليق الأسترا وتس لينك و الفلونس تورشن بيم (والله مانا فاهم حاجة..بس هما شكلهم فاهمين :) )
بس الفلونس مكتوب فى البروشور بتاعها "نظام تعليق خدمة شاقة معدل للطرق غير الممهدة"
مش عارف حقيقى الكلام ده وللا كلام بيع وخلاص...
بس تعرفوا...عند منصور الراجل قاللى تدفع 100 جنيه رسوم ترخيص وهبعت معاك مندوب يخلصلك الرخصة فى نص ساعة...رينو قاللى والله إحنا قفلنا القسم ده وبطلنا نتعامل مع المرور...منك ليهم علطول

فرق نظام التعليق دة يا فندم هو اللى مخلى الاسترا ثابتة اكتر من الفلوينس و لو ان الكلام دة مس هتحسة غير و انت بتضرب غرز على سرعات عالية 160 و انت طالع او غير و انت واخد ملف واسع على 140-150. انما فى التعامل العادى العربيتين زى بعض.
خلينا نتكلم شوية كفنيين (فاروق جعفر style ) الواتس لينك بيبقى الcenter بتاع الrod اللى بيربط العجلتين اللى ورا ممكن يتحرك vertically عشان يcompensate تغيير الrod center نتيجة حركة العربية لما عجلة تنزل فى حفرة مثلا بينما العجلة التانية ماشية زى ما هى، بمعنى ان لو العربية ماشية عادى بيبقى الcenter of rod فى نص الaxe ودى الحالى الideal انما لما بينزل بحفرة او تاخد مطب بعجلة واحدة او تاخد غرزة او ملف على سرعة عالية العربية بتطوح وزنها لما تميل عكس الاتجاة اللى انت رايحة نتيجة الcentrifugal force فدة بيغير المكان بتاع الcenter، عشان كدة بقى الwatts link بيكون موجود فية vertical rod فى النص يسمح بحركة للrod تعوض الحركة بتاعت العربية عشان يفضل الcenter دة فى النص.
انا قريت الكلام اللى انا كاتبة فوق دة بعد ما كتبتة مفهمتش منة حاجة بس معرفتش اشرحة بطريقة احسن من كدة، فحاول حضرتك تعمل search على الواتس لينك.
بالتوفيق إن شاء الله فى الاختيار و ربنا يوفقك للأصلح

باشا انا زيك محتار بقالى فترة فى الزيرو وخصوصا مع الاسعار التهريج وظروف البلد الغريبة ولكن بتفرج وبزاكر العربيات علشان احدد عايز مقابل المبلغ اللى حدفعة ,,,ورايى الشخصى ليك الاوبل عاحبانى جدا تابلوها فاجرررررر وصالونها شيك جدا ووزنها تقيلة وصاججججج محمل وحط تحت كلمة صاج مئة خط ,,,,مع طولى مش نافعة لانى برجع كرسى السائق فى اى ماركة عربية للاخر اللى بقى قاعد وراءءء مظلوممممم لازم يكون طفل ,,,,,ثانيا واهم نتقطة وحطها فى دماغك العربية طلعت ونزلت اى ماركة فى الدنيا ولو جاية منيننن وتقفيل اىة توكيلللللللللللل ومعروف اعلاميا وفنيا توكيل منصور من اسواء توكيلات مصر,,,و,مثال بسيط شوف هو عامل اية فى عربيات شيفورلية عندة واسعار قطع الغيار التهريج وخصوصا الافيو الزفت عربية ملهاش لازمة فى حتة وكزلك قطع غيار الاوبل فى التوكيل وبرة التوكيل محدودة جدا,,,,فى المقابل شوف غبور عامل اية فى هيونداى ناجح جدا ومفر كل حاجة جوة وبرة التوكيل و الكيا نفس الطريقة كعربيات كورى,,,,وشووف الاوكتافيا التوكيل عامل ازاى و خدمة ما بعد البيع كسيارة اوروبى والرينو كزللك ..... ليك استبعد الاوبل ورايح دماغك وحط مكانها الكورولا 2014 الفئة التانية سيارة حلوة جدا توكيل محترم من يومة ووواسعةةةةةةة بحر وفيها اوبشن و تغيير تام فى التيوتا وتحط معاها الفلوانس افتكر المقارنة حتبقى صعبة واخيرا الحصان الرابح فى رايى نيو سيراتو ال sx اوبشن بالعبيط وشكل خطيير وتوكيل محترمممم لاقصى حاجة عن تجربة شخصية وشبابى
واللة الموفق والمستعان

المشاركة الأصلية كتبت بواسطة medori

يا راجل يا طيب بقي الفلوينس سحبها زي الاسترا!!! لأ طبعا الاسترا بالنسبلها طلقة و تطلع منها in no time فعلا، اكبر عيب في الفلوينس فعلا ان سحبها وحش.

Sent from my MyTouch 4G Slide using Forum Runner

حضرتك الفيديو عندك السحب كويس و العربيه لسا مافتحتش و ال cvt محتاج فتره عشان تتعود عليه و التلين .....انا اول ما جبت القشقاي كان سحبها وحش و بعد 3 الاف كيلو و ما اتعودت عليها السحب بقا ممتاز و رائع جدا ..ده غير ان فتيس القشقاي معمر جدا عن الاسترا حتو لو كل سواقتك قرص جامد و موفر اكتر في البنزين. و حتي لو الاسترا سحبها احسن شويه. قليل دائم خير من كثير منقطع

الأبعدا كله تقريبا أشتكي منها اول ما جاب العربيه بس بتظبط بعد كده متقلقش