الموضوع: أعلن ندمى الشديد على شراء المسماه 301

متابع

متابع كل ما الواحد يقربلها خطوة يجي موضوع يخلية يرجع 100 خطوة

مش معني ان سيارتك كان فيها مشاكل تبقي السيارة بكل عام وحشة , يمكن صادف معاك بعض العيوب ولكن الغالبية العظمي من الي اشترو السيارة بيشكرو فيها ومعندهمش نفس المشكلة
ده مش معناه انك غلط , بس دي مشاكل فردية ولا ترتقي للتعميم والتحذير علي الناس

علي اي حال ربنا يعينك عليها ويستر طريقك وتقدر تعالج المشكل دي في اسرع وقت ممكن

تحياتي

السلام عليكم اعتقد يا باشا ان مشكلة حضرتك مشكلة فردية لا انا من ملاك السيارة اه لسه عامل بيها يدوبك 2000 كيلو بس مافيش عندى اللى انت بتقول عليه لان التكييف بتاعها جربته و ماشاء الله كويس و غير كده فى ناس صحابى عاملين بالعربية لحد دلوقتى 30 الف كيلو و بسم الله ما شاء الله مافيش مشكلة اعتقد مشكلة حضرتك فردية و ليها حل و ربنا يعينك و تقبل تحياتى

الضمان اتعمل عشان الحاجات اللى زى دى يا فندم , فى التوكيل و فى الضمان مسئولية التوكيل يحل ليك مشاكلك

انا معايا الـ C - Elysee و مفيش فيها اى من المشاكل اللى حضرتك عرضتها

باتمنى مشكلة حضرتك تتحل قريب ان شاء الله

فعلا اكيد شكوى حضرتك فردية زى ما الاعضاء قالو العربية معايا بسم الله ما شاء الله عكس ماحضرتك كاتب وهذا مجرد رأى وربنا يوفقك

المشاركة الأصلية كتبت بواسطة eggroup

نصيحتى للجميع ..

إياك تشترى عربيه جديده أول ما تنزل و تخللى نفسك حقل تجارب للجميع و تخسر فلوسك.

أنا إستفدت من التجربه دى لنفسى و كنت حاعمل نفس الغلطه و أنا باشترى عربيتى و أشترى الأوبل إنسجنيا .. لكن الحمد لله ربنا أنقذنى و جبت كيا سبورتاج .. عربيه متجربه و موجوده و أثبتت نفسها .. و معايا بقالها شهرين .. طبعا مش حاقدر أقارن ما بينها و بين ال 301 لأن فرق السعر حوالى 90000 جنيه و لكنى و أنا بأشتريها ندمت على تصديقى لمقولة الأوروبى أفضل من الكورى.

على فكره .. حتى الآن لم أرى عربية واحدة إنسنجنيا فى الشارع!!!!

معلش بس تعديل بسيط فرق كبييييييييييييييييييييييي يييييير جدا بين الانسينيا وبين اي عربيه كوري مع احترامي واضيف الانسينيا مش معروفه فمصر ودا مش معناه انها من وش القفص العربيه دي انا بركبها بره مصر من ٢٠١٠ وقبلها الاسترا وقبلها الاودي
فضلا ابعد متقارنش عربيات المانيه بكوري لان الفرق كبييييييييييييييييييييييي ييير جدا
انت فعلا ربنا انقذك

انا حضرتك من الناس الي استلمت في الدفعه الثانيه او الثالثه تقريبا...العربيه فعلا اول ماجبتها كن حاسس بيها بمشاكل في النتشه واستهالاك البنزين ويمكن في اول شهر روحت التوكيل 3 مرات وحاكيت علي المشاكل الي فيها والناس كانوا بيخادوا العربيه كل مره حوالي 4 ساعات يعملوا فحص كامل عليها وفيه مره من المرات طلبوا مني اني اسيب العربيه لكن انا رفضت بصراحه..
بالنسبه لمشكله التكيف الي انت بتقوله ده حصل معاي مره واحده بس وبعد كده متكررش نهائي والتكيبف بتاعها ماشي معاي زي الفل انا استخدمت التكيف في عز الحر في شهر 7 و8 وماحسيتش اني مخنوق او مضايق منه
خلاصه الموضوع ان العربيه فيها مشاكل اه فيها مشاكل بس مش مشاكل خطيره والتوكيل بيتعامل مع العربيه باحتراف واكبر دليل علي كده ان التوكيل حاليا بيتصل بالعملاء بيدعوهم لفحص علي العربيه وتغير السوفت وير

نصيحه ودي عربيت التوكيل وسيبهالم ومتستلمش العربيه الا لما تتاكد ان كل المشاكل انتهت