الموضوع: أعلن ندمى الشديد على شراء المسماه 301

أصدقائى الأعزاء
فى الماضى اتفق الكثيرين ان هذه السيارة صفقة رابحة
وصديقى العزيز صاحب الموضوع طبعا كان الله فى عونه وربنا يعوضه خير ان شاء الله
ولاكن مثل هذا الموضوع وخاصتا بعد إنتشار السيارة وكثرة محبيها ممكن ان يكون بهذا الشكل صادم لهم ويكسر فرحتهم بسيارتهم
ولذلك حبيت انوه و أذكر الساده ملاك هذه السيارة انه بهذا المنتدى العريق مواضيع كثيرة أخرى مدحت كثيرا فى هذه السيارة
وانا كنت واحد من المعجبين بالسيارة ومازلت
فكل ما أرجوه من الساده الملاك الأستمتاع بسيارتهم ومش موضوع واحد يآثر فينا
ومحدش ينسى ان كل مشكلة ليها حل خاصتا فى أعتقادى الشخصى انها مشاكل بسيطة إن شاء الله وكل ماتحتاجة هو الضغط على التوكيل لإيجاد الحلول للمشاكل إن وجدت
ومننساش نشكر صاحب الموضوع على التنويه
وشكر خاص منى له لأقتنائه محبوبتى السبورتاج

المشاركة الأصلية كتبت بواسطة metal_slime

إزاى تقول كده عالبيجو 301 العربية الشعبية الأولى فى مصر ومعشوقة الجماهير ... دلوقتى تلاقى هجوم من ألتراس بيجو 301 بيشكك فى كلامك وبيرد عليك بأن ال 301 سيارة عابرة للقارات ومفيش زيها اتنين فى سعرها وفئتها وان محدش حصله مشاكل غيرك وأشياء من هذا القبيل ...
خلاصة القول ان ال 301 زيها زى اى عربية ماشية عالآرض عرضة لعيوب التقفيل او الصناعة ...البيجو 301 على عينى من فوق بس المبالغة فى التطبيل والتهليل لأى ماركة غلط ...هى حلوة فى فئتها ...انا عن نفسى لو معايا الفلوس دى ممكن اوى اشتريها او اشترى اختها الستروين إيليزيه بس هبقى عارف حدود امكانيتها وتقفيلها ومش هبقى عندى توقعات اكبر من الواقع .....نقطة ومن اول السطر ومتقارنهاش بعربيات تانية اعلى بكتير وتدوها أكبر من حجمها لمجرد ان شكلها حلو مثلا او ان اسمها بيجو ولنا فى البيجو باريس خير مثال...

يامؤمن
في ناس بتدخلها في مقارنات مع
السيراتو
الشارك
الكروز
كورولا الجديده
فلوانس
حاجه تجيب جنان
ممكن تكون عربيه معقوله ومقبوله لائنها اقتصاديه بسعر خيص
لكنها زيها زي اي عربيه
وتتقارن مع فئتها مش اكثر
وغلبت اقول ان المقارنه بتكون عربيه امام عربيه
مش اوروبي وكوري
اي واحد يقارن الاقيه بيقول اوروبي وكوري
اعرف علي طول انه مالوش في الشغلانه
حافظ كلمتين بيرددهم ومش فاهم