الموضوع: أعلن ندمى الشديد على شراء المسماه 301

المشاركة الأصلية كتبت بواسطة medori

كالعادة، الموضوع الاساسى محدش اتكلم فية ولا ناقش المشاكل او ازاى نحلها، و الموضوع قلب خناقات ما بين العربيات و كل واحد فى نفسة كلمة من ناحية ال301 شايلها من زمان جاى يطلعها هنا :c_laugh[1]:. مفروض يغيروا عنوان الموضوع و يبقى قول اللى فى نفسك زى فودافون ولا اتصالات مش عارف!!! انا شفت مشاركات فى الموضوع دة لناس عمرهم ما شاركوا فى منتدى البيجو خالص ولا حاولوا يفيدوا الناس فية بأى كلمة بس لما لقوا الموضوع جاى على مزاجهم بقوا active معانا و الحمد لله، احب اقولهم كلهم منورين منتدى البيجو.

اما بقى لملاك ال301، انا مشفتش حد من ملاكها قال دى احسن عربية فى الدنيا و لا قارناها بالاوكتافيا و لا اى فئة تانية اعلى منها، كل مقارنتها بتبقى مع فئتها السعرية الاقتصادية مع الريو و الصنى. افتكر انى شفت موضوع واحد بس عن مقارنة ليها مع الفلوينس كسر زيرو و اول ناس قالوا لصاحب الموضوع هات الفلوينس كان ملاك ال301.

عامة الموضوع مليان مهاترات ملهاش معنى و لا لازمة، صاحب الموضوع يشكر على الfeedback عن العربية وإن كنت انا شايف انة محاولش يأخد اى تصرف ايجابى و اكتفى انة حكم على العربية انها اسوأ عربية فى الدنيا، عامة دة رأية و تجربتة مع العربية و هو حر فية و هو مطلبش مساعدة من الأعضاء عشان نديهالة.

مرة تانية بقول لكل الأعضاء منورين قسم البيجو و ياريت تفيدونا بخبرتكم الجامدة دى فى باقى المواضيع فى القسم و شكرا.

نقطه هنا بقى ومن أول السطر.

ليه صاحب الموضوع مجبش سيره رد فعل التوكيل؟ وارد ان أي عربيه يبقى فيها مشكله ولو فرديه بس المهم رد فعل التوكيل وتجاوبه مع المشكله هل اهتم وحلها وهل كان الحل مرضي للعميل ولا لاء؟ ولا أصلا التوكيل محلش المشكله من الاساس لعدم خبره أو لعدم اهتمام؟

ده اللي محتاجين من صاحب الموضوع يفيدنا فيه لأنه كان بدل ما يروح يجيب تيل من شارع دمشق والعربيه لسه عامله 14 ألف كيلو كان يروح التوكيل ويغير تيل وطنابير في الضمان لأننا بنتكلم في بتاع 2500 جنيه ويمكن أكتر.

المشاركة الأصلية كتبت بواسطة zangry

هذه المشاركة حقي :c_laugh[1]: وشكرا ياباشا انها نالت اعجابك



محمد بيه هاني الف مبروك علي المنصب الجديد
انا كان قصدي الفلوانس فئة الـ188 بس كلت الـ8 تلاف دول :d

هو القياس مش بالأمان بس طبعا لكن الايرباج مهمة جدا وحضرتك عارف ده اكيد والفلوانس قولتها كـ مثال فقط مش على انها اعلي امان فيهم مقارنة سعرها بسعر الاوكتافيا اعلي فئة مينفعش بالسعر ده و2 ايرباج في الاخر ! .. الكورولا الهاي لاين فيها 7 ! وايرباج للركبة كمان مع فرق اكتر من 50 الف جنيه

تحياتي لحضرتك

العفو يا باشا بس اللي عجبني فيها من كلامك واللي حبيت اوضحه ان الكماليات متسواش حاجة جنب الامان

المشاركة الأصلية كتبت بواسطة Mohamed.Hany

شكرا لكلامك الجميل.
هي للكوروﻻ ب 215 بعد تعديل الاسعار اللي فيها 7 ايرباج بس مش فاهم ايه فرق ال 50 الف دول.
و فعلا زى ماخونا الكريم قال الكماليات لا تسوي شئ جنب الامان، بس هي مغرية برضو الكماليات دي هههههه

هو تقريبا يقصد فرق السعر بين الكورولا الهاي لاين وa7 هاي لاين