أعلن ندمى الشديد على شراء المسماه 301

**Hema_Basha** · 12-02-2014 01:11 AM

المشاركة الأصلية كتبت بواسطة Mohamed.Hany

شكرا لكلامك الجميل.
هي للكوروﻻ ب 215 بعد تعديل الاسعار اللي فيها 7 ايرباج بس مش فاهم ايه فرق ال 50 الف دول.
و فعلا زى ماخونا الكريم قال الكماليات لا تسوي شئ جنب الامان، بس هي مغرية برضو الكماليات دي هههههه

بس علي فكرة تقريبا اسعار a7 رفعت لان اخر رقم سمعته 295

**Hema_Basha** · 12-02-2014 01:15 AM

المشاركة الأصلية كتبت بواسطة medori

كالعادة، الموضوع الاساسى محدش اتكلم فية ولا ناقش المشاكل او ازاى نحلها، و الموضوع قلب خناقات ما بين العربيات و كل واحد فى نفسة كلمة من ناحية ال301 شايلها من زمان جاى يطلعها هنا :c_laugh[1]:. مفروض يغيروا عنوان الموضوع و يبقى قول اللى فى نفسك زى فودافون ولا اتصالات مش عارف!!! انا شفت مشاركات فى الموضوع دة لناس عمرهم ما شاركوا فى منتدى البيجو خالص ولا حاولوا يفيدوا الناس فية بأى كلمة بس لما لقوا الموضوع جاى على مزاجهم بقوا active معانا و الحمد لله، احب اقولهم كلهم منورين منتدى البيجو.

اما بقى لملاك ال301، انا مشفتش حد من ملاكها قال دى احسن عربية فى الدنيا و لا قارناها بالاوكتافيا و لا اى فئة تانية اعلى منها، كل مقارنتها بتبقى مع فئتها السعرية الاقتصادية مع الريو و الصنى. افتكر انى شفت موضوع واحد بس عن مقارنة ليها مع الفلوينس كسر زيرو و اول ناس قالوا لصاحب الموضوع هات الفلوينس كان ملاك ال301.

عامة الموضوع مليان مهاترات ملهاش معنى و لا لازمة، صاحب الموضوع يشكر على الfeedback عن العربية وإن كنت انا شايف انة محاولش يأخد اى تصرف ايجابى و اكتفى انة حكم على العربية انها اسوأ عربية فى الدنيا، عامة دة رأية و تجربتة مع العربية و هو حر فية و هو مطلبش مساعدة من الأعضاء عشان نديهالة.

مرة تانية بقول لكل الأعضاء منورين قسم البيجو و ياريت تفيدونا بخبرتكم الجامدة دى فى باقى المواضيع فى القسم و شكرا.

اقسم بالله قولت اللي كنت عاوز اقوله اول ما فتحت الموضوع لقيت كل اللي رادد ناس اول مرة اشوفها بس مرضتش اقول كده علشان محدش يزعل مني

**تامر.محمد** · 12-02-2014 01:59 AM

المشاركة الأصلية كتبت بواسطة Mohamed.Hany

عندي تعقيب صغير علي كلام حضرتك
اولا الفلوانس اللي ب 180 فيها 2 ايرباج مش 6.
ثانيا حضرتك بتقييس الامان بالايرباج بس ؟
ثالثا الفلوانس واخدة 4 نجوم فقط في عوامل الامان الاوروبية euroncap .
رابعا مش معني ان العربية اوروبي تبقي امنة 100% و الاسيوي ضايع.
خامسا الفلوانس تفتقد لعوامل امان كثيرة مثل ال esp و ال trc
سادسا لو هنتكلم بمبدا الامان = 2ايرباج ففيه عربيات اسيوي ب 120 الف زي الياريس هاتش باك بتنزل ب 4 ايرباج مش 2 و من اول فئة لا لا من الفئة المانيوال كمان و اللذى منه طبعا abs ebd bas الخ.. !!
سابعا فيه عربيات اسيوى تانية بنفس سعر الفلوانس فيها من او فئة مانيوال esp و trc وديه عوامل امان اساسية مش موجودة في عربية اوروبية و موجودة في الكوروﻻ اول فئة.
ثامنا في عربيات كتير اسيوى واخدة 5 نجوم في عوامل الامان الاوروبية مش وخداها الفلوانس الاوروبية زي الكورورﻻ مثلا.

الاخ الكريم
عذرا لكن معلوماتك غير صحيحة
الفلوينس فيها6 ايرباج من اول فئة ال188 الف
و الفلوينس الحاصلة على4 نجوم هي الفلوينسze الكهربية و دي موتورها و قصتها مختلف عن بتاعتنا اللي كانت قبل الفيس ليفت حاصلة على5 نجوم
بالمناسبة كمان رينو ميجان من2005 فيها6 ايرباج و حاصلة على5 نجوم
القصة و ما فيها ان التوكيل بيقلل من مواصفات العربية عشان يعرف يجيبها بسعر منافس
برة فيها esp بالمناسبة و الميجان كمان كان فيها

اعتذر للجميع عن للخروج عن مضمون الموضوع

Sent from my GT-N7000 using Forum Runner

**hossam_elwani** · 12-02-2014 02:16 AM

انا شايف انها مشكله فرديه وان نسبيا عدد الى بيشكرو فيها اكتر بكتيييير من اى عدد للشكاوى

**J A G U A R** · 12-02-2014 02:30 AM

ان شاء الله المشاكل تتحل وهيا مشكله فرديه فعلا ...

**Hema_Basha** · 12-02-2014 04:04 AM

اه معلش نسيت اقول حاجة ياريت اي حد يحكم علي العربية يكون ركبها وجربها مش يقول رايه علي معلومات لانه مش كل المعلومات دي بتبقي صح

**eggroup** · 12-02-2014 05:45 AM

المشاركة الأصلية كتبت بواسطة raad13

واضح ان اول شحنة لل301 كان فيها مشاكل في التيل و السوفتوير بتاعها لأن اكتر من حد اشتكى نفس الشكوى بس المشكلة دي اختفت دلوقتي مع الدفعات الجديدة, حضرتك كان لازم تغير التيل في صيانة ال10,000 لما كنت في الضمان قبل ما الطنابير تبوظ, حضرتك روح التوكيل و اتاكد انك نلزت السوفتوير الجديد عشان السحب و استهلاك البنزين

فى صيانة ال 5000 عدلوا السوفتوير بالفعل .. و لكن ظل الحال كما هو عليه بعد التعديل!! إستهلاك البنزين الرهيب و تحسن السحب شويه.

بالنسبة للتيل .. فأنا ما اعرفش ايه اللى مفروض يتعمل فى صيانة ال 10000 .. أنا قولت له أعمل الصيانة و خلاص .. هو اللى قاللى الصيانة الجاية على 17000 بدلا من 20000 علشان أغير لك التيل .. و أنا وافقت بناءا على كلامه .. المشكله ان التيل لم يصمد و عمل اللى عمله .. و العربيه بتسوقها مراتى و الستات ما بيفهموش قوى فى مواضيع العربيات .. بالصدفه أنا كنت سايقها و سمعت الصوت و عرفت السبب.

**Mohamed.Hany** · 12-02-2014 08:50 AM

المشاركة الأصلية كتبت بواسطة تامر.محمد

الاخ الكريم
عذرا لكن معلوماتك غير صحيحة
الفلوينس فيها6 ايرباج من اول فئة ال188 الف
و الفلوينس الحاصلة على4 نجوم هي الفلوينسze الكهربية و دي موتورها و قصتها مختلف عن بتاعتنا اللي كانت قبل الفيس ليفت حاصلة على5 نجوم
بالمناسبة كمان رينو ميجان من2005 فيها6 ايرباج و حاصلة على5 نجوم
القصة و ما فيها ان التوكيل بيقلل من مواصفات العربية عشان يعرف يجيبها بسعر منافس
برة فيها esp بالمناسبة و الميجان كمان كان فيها

اعتذر للجميع عن للخروج عن مضمون الموضوع

Sent from my GT-N7000 using Forum Runner

زميلي العزيز انا مكنتش عاوز ارد خالص برة الموضوع ، بس حبيت اوضح ان معلموماتي صحيحة:
الزميل الفاضل قال الفلوانس اللي 180 وانا عدلت وقلت فيها 2 فقط ! وهو مجابش سيرة 188 الف خالص! وديه معلومة صحيحة يعني تعديل لحاجة قالها غير سليمة و هوتكرم و عدلها.
الفلوانس واخدة 4 نجوم فعلا ze بس مفيش في الاختبار العادية، فدة اقرب مرجع لينا، وهذا الاختبار لامان العربية ليس له علاقة بالموتور و الفتيس، وهي هي نفس العربية تقريبا في التصميم و الابعاد و انظمة الحماية، فبالتالي نفس النتائج وده منطقي جدا.
و عموما اي عربية بدون esp بتقل نجمة عشان الامان و هي كدة كدة مفيهاش فعمرها مهتاخد ال 5 نجوم في هذا الاختبار.
انا مجبتش سيرة ميجان ولا دخلت الفلوانس انا كنت بصحح معلمومة لاخ فاضل زى محضرتك تكرمت وصححتلي، و عموما العربيتين ممتازين.

اهم شئ بالنسبة لي من صاحب الموضوع، انا فعلا مش بحب العناوين اللي تخض دي، لانها ممكن تبعد حد كان بيفكر في عربية ممكن تكون مناسبة له، زيي مثلا .
واتمني من حضرتك تاخد خطوات ايجابية لحل المشكلة عن طريق الاصلاح في التوكيل مرة و اتنين و تلاتة و لو فعلا موصلش لحاجة انا بقا اللي هكتب موضوع مفصل بالنيابة عنك لان ده شقي عمر الواحد بيحطة في العربية . بس ندى فرصة للتوكيل اولا.
اسف علي الاطالة و المداخلة خارج الموضوع، و ال301 عربية انا بحترمها جدا في الفئة السعرية دي بصراحة.

-

الموضوع: أعلن ندمى الشديد على شراء المسماه 301

LinkBack

أدوات الموضوع

عرض

-

-

-

-

-

-

المواضيع المتشابهه

كيف أعلن الإخوان نتيجة الإنتخابات بهذه السرعه؟

أعلن هنا ..... عن السيارات المسروقة

أخيرا..أعلن حبي

الدبرياج (الكلتش) أعلن تمرده

الكلمات الدلالية لهذا الموضوع

المفضلات

المفضلات

ضوابط المشاركة