الموضوع: حتى لا تكون مخدوعا فهى ليست صناعة يابانية على الاطلاق

انت بتتكلم عن ايه ولا ايه ؟؟
بتتكلم عن العربيات المجمعة في مصر .. ولا العربيات اللي مصنعة في غير بلدها رغم ان ده طبيعي وتحت اشراف الشركة الام زي كورولا ..
ولا بتتكلم عن الوكيل اللي كل يوم يغلي الاسعار
(للاسف في مصر اتحققت المعادلة الصعبة) كلما زاد السعر زاد الطلب
في الخليج وفي السعودية خصوصا .. اسعار العربيات بتنزل كل فترة .. وبتنزل اكتر مع نزول الموديل الجديد
عكس مصر .. الكورولا والالنترا زاد سعرهم بنزول الموديل الجديد
--------------
اما موضوع انه بيغلى سعر الموديلات الجديدة .. مقارنا بباقي الدول
ف ده بسبب الجمارك .

بعض المشاكل على لسان ملكها .
لو التزم التوكيل بالشفافية لما اشتكى المستهلك لانه يعلم قبل الشراء انه يشترى منتج صيني هندي مصري

المشاركة الأصلية كتبت بواسطة dr_hassan1eg

من مميزات السيارة وجود كمبيوتر محترم - رغم اعتراضى واستغرابي الشديد لعدم وجود اى مؤشر لدرجة الحرارة !!!!!!!!! - ومن مميزات الكمبيوتر هو احتساب متوسط استهلاك البنزين للسيارة وهو عندى 13.5 لتر لكل 100 كم واعتقد ده عالى جدااا

المشاركة الأصلية كتبت بواسطة hamed190000

الاسم :حامد محمد
الوظيفة :مدير مبيعات
منطقة السكن :مدينه نصر
لون السيارة : اسود
السيارة كام الف كيلو :2000
بيتم المتابعة فى مركز صيانة :السبع
ماهى الاكسسورات اللى تم تركبها :لايوجد
انطباعك عن السيارة بشكل مختصر : للاسف فى اول الف كيلو غيرت المساعدين نتيجه وجود مشكله تزييق فى العجله الخلفيه وبعد 700 ك ظهرت المشكله مره اخرى فعملت شكوى فى نيسان ولامجيب من حوالى عشره ايام - هذه المشكله فعلا افسدت عليه فرحه العربيه

المشاركة الأصلية كتبت بواسطة ph.mohamedsae

الاسم :محمد سعيد
الوظيفة :صيدلي
منطقة السكن :طنطا
لون السيارة : برونزي
السيارة كام الف كيلو :2000
بيتم المتابعة فى مركز صيانة :مودرين كارز اسكندريه
ماهى الاكسسورات اللى تم تركبها :فرش بيج عند جينز كار
انطباعك عن السيارة بشكل مختصر : سياره عائليه و فيها طابع الشبابي ... بتتحمل
بس انا سمعت برده تزييق في المساعدين اليمين الي ورا و لما وديتها صيانه الالف قالي ان دا حاجه من الجلده او الجلبه الي علي المساعدين و قالي ان لسه قطع غيارها مانزلتش و قال لو تحب اغيرهالك بحاجه بتاعه عربيه تانيه قلتتله لا عشان لسه جديده و كدا ... بس مش عارف اعمل فيها ايه فعلا ولا هي ممكن يكون المساعد فعلا عايز يتغير

ياريت يا استاذ حامد لو توضحلي ايه مشكله المساعدين و الي حصل معاك

المشاركة الأصلية كتبت بواسطة abokaki2003

لاسم : خالد عمرعلى
الوظيفة : مهندس طيران
منطقة السكن : الهرم
لون السيارة : فضى
السيارة كام الف كيلو : 2300
بيتم المتابعة فى مركز صيانة : الدقى خلف مقار
ماهى الاكسسورات اللى تم تركبها : ستائر خلفية و جانبية
انطباعك عن السيارة بشكل مختصر : مش حلو قوى لان السيارة غيرت مساعدين بعد اقل من 1500 كم

المشاركة الأصلية كتبت بواسطة grader

الاسم : أنس
الوظيفة : ضابط مهندس ق م
منطقة السكن : المعادى
لون السيارة : أسود
السيارة كام الف كيلو : 1300 كم
بيتم المتابعة فى مركز صيانة : إن شاء الله أتو إيجيبت
ماهى الاكسسورات اللى تم تركبها : فرش جلد و إن شاء الله هركب باركينج سنسور ووحدة رفع بس عايز أعرف يتكلفو كام عند أوتو ايجيبت
انطباعك عن السيارة بشكل مختصر : ممتازة و صفقة رابحة مقابل الفلوس المدفوعة فيها بس برضه عندى مشكلة التزييق فى الخلف ولسة ماعملتش صيانة الأف وأعتقد ان دى مشكله يمكن حلها ولا ايه؟؟

المشاركة الأصلية كتبت بواسطة aymanhassan69

الاسم :ايمن حسن
الوظيفة :مهندس سيارات
لون السيارة :رمادى
السيارة كام الف كيلو :600


انطباعك عن السيارة بشكل مختصر :اساسيات السيارة جيدة والتشطيب غير جيد ويوجد ملاحظات عديدة (عدم وجود جوان جلد للزجاج الخلفى للسيارة يؤدى لبرومة بالصاج وملاحظات اخرى لا يتسع المجال لذكرها وانا غير سعيد لشرائى تلك السيارة حتى الان

المشاركة الأصلية كتبت بواسطة mohamed.ali

الاسم : محمد على
الوظيفة : محاسب ببنك الاسكندرية
منطقة السكن : المطبعة - خلف المحكمة الدستورية
لون السيارة : اسود
السيارة كام الف كيلو : 4700 كم
بيتم المتابعة فى مركز صيانة : مودرن موتورز عند صيانة الالف - السبع عند 3000 كم عشان الزوايا - واخيرا مودرن موتورز لسا كمان اسبوع عشان صيانة ال 5000 كم
ماهى الاكسسورات اللى تم تركبها : ستارة للزجاج الخلفى - كسوة جلد للكراسيى الامامية والكنبة الخلفية - وفرش جلد للارض عشان لونها بيج - اشتريت جنوط oz مستعمل بس 15/205 بس مستنى ربنا يسهلها شوية واجيبله كاوتش نضيف

انطباعك عن السيارة بشكل مختصر :
مميزات : عائلية - موفرة جدا فى البنزين 9 لتر لكل 100 كم مع التكييف - فرامل هايلة - التكييف ممتاز " دا بعد متخانقت معاهم فى التوكيل عشان كان ضعيف جدا وبعدين ظبتوه بضمير فى السبع "

مشاكلها : فى عدم اتزان للسيارة على السرعات " مش عارف دا عندى بس ولا عند كل الناس لان واضح انى عندى مشكلة فى الزوايا وكل مظبتها تتنيل تانى يا ريت لو حد يفيدنى فى القصة دى" - صوت تزييق مع الفرامل " اللى فهمته ان فى قطعة ناقصة بتتركب حاليا عشان تعالج المشكلة دى " - فقيرة من جوة - كاوتش ماكسس حقير- سحب السياة بدون تكييف وبدون حمولة جيد جدا مع التكييف والحمولة جيد - وصلت بيها 195 كم وكانت العربية فيها ثلاثة والتكييف شغال " ربنا ستر الحمد لله " - عفشة ناشفة شوية " ممكن تكون بسبب الكاوتش " - حاجة غريبة بقى البوية قشرت فى حته كدا عند الشنطة بعد مغسلت العربية فى مرة فى البنزينه !!!!!!!!

اتمنى اكون فدتكم ويارييت تقولولى افضل مراكز الصيانة ايه انا جربت اه لكن مش لازم احكم من اول مرة :)

وعلى فكرة الناس اللى مستنية تستلم من التوكيل ... هتستنى كتير اوى , انا ريحت دماغى ودفت مبلغ زيادة مش هقول كام واستمتها فورى من معرض

المشاركة الأصلية كتبت بواسطة alirefat

الاسم : علي رفعت
الوظيفة : طبيب
منطقة السكن : سوهاج
لون السيارة : اسود
السيارة كام الف كيلو : 2000
بيتم المتابعة فى مركز صيانة : مودرن موتورز 1000 كم
ماهى الاكسسورات اللى تم تركبها : لا يوجد
انطباعك عن السيارة بشكل مختصر : ممتازة و مريحة في القيادة اقتصادية في البنزين بس عندي ملحوظة ياريت حد يرد عليا فيها في صوت تزيق في الفرامل (صفارة يعني) و لما بدوس فرامل جامد بتحس زي مايكون في حديد بيخبط في بعضه اسفل العربية و لما برفع فرامل اليد برض بحس زي ما يكون في حديد بيعشق في بعضه في العربية و مش عارف ده طبيعي ولا اييه

المشاركة الأصلية كتبت بواسطة lhmansour

الاسم :لطفى منصور
الوظيفة :محاسب
منطقة السكن :مصر الجديدة
لون السيارة : برونزى ( موكا )
السيارة كام الف كيلو :2500
بيتم المتابعة فى مركز صيانة :مودرن
ماهى الاكسسورات اللى تم تركبها :فرش جلد وبدور على ستاير للزجاج الخلفى
انطباعك عن السيارة بشكل مختصر :أكثر من رائعه فى كل حاجة .. لكن عندى مشكلة غريبة جدآ مكنتش عارف سبابها لغاية لما أكتشفت السبب صدفة من كام يوم .. فى بعض الأحيان يختفى مؤشر البنزين وتضيئ لمبة البنزين على الرغم من ان التانك مليان وأكتشفت أن دة بيحصل لما أربط الحزام قبل ما اتحرك بالعربية !!!!
حاشوف لما اعمل صيانة 5000 كم حيعمولوا اية فى الحكاية دى

المشاركة الأصلية كتبت بواسطة mohamed.rabea

الاسم : محمد ربيع
الوظيفة : رئيس حسابات
منطقة السكن : 6 أكتوبر
لون السيارة : إن شاء الله نبيتى
السيارة كام الف كيلو : لم أستلم بعد
و معلش بقى هتكلم فى حاجة تانية انا بصراحة كنت بفكر أشترى عربية ف حدود 100 ألف و قارنت بين عربيات كتير ما بين نفس الامكانيات و الصناعة ووسائل الامان المتاحة و السعر و بعد مقارنة طويلة أستقريت على 3 أنواع هيواندى أكسنت و بروتون جين تو و نيسان صنى و كانت مميزات البروتون ان فيها كل المميزات اللى فى الصنى من ووسائل الأمان و كانت عيوبها فى انها ضيقة جدا من جوه وانا جربت ده لآنهامع اتنين صحابى و كمان قطع غيارها بيشتكوا منها و الاكسنت أر بى كانت مميزتها انها شكلها تحفه و قريب من الإلنترا و تقفيل كورى بس فى وسائل الامان مافيهاش غير ايرباج واحده و abs اما الصنى فكانت مميزاتها انها ماركة يابانى و فيها وسائل امان عالية و abs,abd,ba و عيبها طبعا انها تقفيل مصرى وفضلت محتار مابنهم لحد ما ساعدنى فى حسم القرار لصالح نيسان صنى الناس اللى ففى المنتدى و خصوصا الاستاذة youssed.awad , ahmed_rahem,peaceman
طبعا طبعا طبعا الاستاذ ahmedtv على التحديد احب اشكره جدا على تعبه و مجهوده الكبير وهو كان من العوامل الاساسية اللى خلتنى احجز العربية دى بسبب تقاريره الجامده ومعلوماته المفيده و فعلا يا استاذ احمد جزاك الله خير انت والناس اللى فى المنتدى كلهم و كان نفسى اسستفسر عن بعض النقط اللى طلعت بيها من متابعة المواضيع على منتديات نيسان
1-لا يوجد مؤشرحرارة فى السيارة و توجد لمبه فقط تنير عند إرتفاع الحرارة ما هى المده الت يمكننى السير بها بالسياره ف حالة اشارة اللمية بإرتفاع الحرارة؟
2- هل الكاوتش المكسيس سئ لهذه الدرجه ام يمكننى السير به حتى يحل موعد التغيير ان شاء الله؟
3-هل التقفيل المصرى يعيب السيارة ام ان شركة نيسان لا تقبل ان يتم الإخلال بمعيار الجودة فى سيارتها و هل يتم التقفيل بإشراف يابانى؟
و اخيرا احد اصدفائى يملك الشكل القديم سأل لى فى مركز الخدمة المهندس عن السيارة الجديدة افاده بانها سيئة العزل و الصاج و القديمة أفضل فهل هذه معلومات صحيحة؟
آسف للإطالة