الموضوع: حتى لا تكون مخدوعا فهى ليست صناعة يابانية على الاطلاق

المشاركة الأصلية كتبت بواسطة abohend

الصراحة الواحد زهق من البوستات الدعائية في كل الأقسام
كل شوية يطلع علينا واحد ربنا يهديه يقعد يقطع في عربية بالطول و العرض
و يعمل دعاية لكام عربية في نفس الفئة السعرية
حاجة بقت تزهق
في قسم بيجو برضه عندنا كام واحد ربنا يهديهم تبص تلاقيهم بيكتبوا مشاركات غريبة ملهاش أي دعوة بالموضوع المثار
و شوية إقتباسات من مشاركات ملاك بيشتكوا من عيب معين
و شغال قص و لزق في كل المواضيع
مش بقول محدش يقول رأيه في عربية معينة
أنا كنت بختار من فترة و كنت بقارن بين النيسان و 301 و إليزيه
و أخترت 301 مانيوال
واحد غيري مشاويره زحمة أكيد كان هيفضل النيسان عشان أوتو
واحد تاني عاجبه الإليزيه أكتر هيشتريها
فين المشكلة؟؟؟؟
كل واحد ينام على الجمب اللي يريحه
المهم لما حد يطلب نصيحة تنصحه بإخلاص و لوجه الله
شراء الناس للعربية ميزة و عيب
على أد مانا نفسي البيجو تنتشر عشان الصيانة و قطع الغيار لكن في نفس الوقت ده هيفقدها تميزها و هتبقى عربية شعبية
ربنا يهدي الجميع
و رأيي لو صاحب الموضوع عايز يناقش الغش التجاري عامة
ينقل الموضوع المنتدى العام و يذكر فيه جميع ماركات السيارات اللي بتتباع فمصر و لا تصنع في بلد المنشأ و ملوش لازمة موضوع قص و لزق بوستات المشاكل لأن ده وارد في أي سيارة مهما كان تمنها و ماركتها
تحياتي

بداية كلامك صادمة جدا لأنى لا بقطع فى عربية ولا بعمل دعاية لاخرى ( ده فى حد ذاته اتهام غير مقبول )

ربنا يهدي الجميع فعلا

المشاركة الأصلية كتبت بواسطة yassermahmmoud

مفيش أي مشكلة لما تكون السيارة ياباني تقفيل تايواني أو تايلاندي.

طبعا مفيش اى مشكلة حتى لو كان التقفيل صيني او هندى او مصري مش فارقة

المشاركة الأصلية كتبت بواسطة amr el sayed

الساده الأعضاء المحترمين ، السلام عليكم
اولا: انا ارييت كل المشاركات من صفحه 1 الى 5 جميعها شيقه تعبر عن جميع الآراء سواء بالسلب او الايجاب و من خلال اللى فهمته من السيد mif انه عايز يوضح الصوره الخاصه بالغش فجاب نيسان كمثال خاصه و ان ليها اكثر من اسم في بعض الدول .
ثانيا: انا من مالكى نيسان صنى (2013 الشكل الجديد ex ) انا مش حنكر ان انا غيرت الكاوتش بتاعها نظرا انه منييييييييييييييل و حيئسر على العفشه و مش حنكر انى اول ما استلمتها كانت الفرامل سيئه و بتعمل صوت مؤرف فرحت التوكيل مرتين دون جدوى (اللت ادب بصراحه و اشتغلات) و الفكره انى فاهم اوى في الميكانيكا و في السيارات عامه فاختصرت الموضوع و رحت عامل فيهم شكوى في جهاز حمايه المستهلك فبنت احمد مرعى شخصيا كلمتنى و وابل من الأسف و رحت تانى التوكيل بعد ما كلمونى ان الحاجه العربيه جاهزه المعامله كانت مختلفه تماما و تم تغير كل شيء خاص بالفرامل و الحمد لله الصوت راح..
ثالثا: العربيه في المجمل محترمه بالنسبه لسعرها و مريحانى ماعدا الصاج و دا عادى كل العربيات كده.
انتهى و اسف على الاطاله......

اشكرك يا فندم على تفهم وجهة نظري و تفاعلك الحيادي جدا مع الموضوع و اتمنى تكون مشاركة حضرتك فيها افادة لاصحاب السيارة و لزملائنا فى المنتدى

المشاركة الأصلية كتبت بواسطة mk3

لا لا لا لا
هى الحكومه هبله تدخل قطع غيار هوب تتجمع تبقى عربيه
انت فى جمارك بطرس غالى بعيد عنك

مفيش حاجة كده خالص و قوانين الجمارك دى ما كنش فى بطرس غالى ده

اللى اعرفه انك لو بتدخل سيارة كامة الجمارك بتبتدى من 60%

اما لو بتدخل قطع غيار بيكون الجمرك 5% و ضريبة 10%

ااهدف تشجيع الصناعة المصرية و خلق فرص عمل جديدة مع ظهور منتج اقتصادى

المشاركة الأصلية كتبت بواسطة mk3

ولا اقولك
انزل بعربيه بنفسك من الخليج وشوف بنفسك السعر هيبقى كام بسبب منظومه الجمارك العقيمة

منظومة الجمارك حقيرة جدا جدا
و لكن كما قلت سابقا جمرك سيارة يختلف عن جمرك قطع غيار و اجزء من السيارة

المشاركة الأصلية كتبت بواسطة mk3

جمرك حتى 1600 سى سى 40 فى المئه فقك

40 % جمارك
+
15% ضريبة
+
3%رسم تنمية
= 58%