الموضوع: هحكي تجربتى كاملة مع مدرسة المرور

المشاركة الأصلية كتبت بواسطة mamoud salah h

ليييييييييييه كل دة اومال انا مش عايش في مصر ولا ايه
انا عملت كل الكلام دة في يوم واحد من 9 صباحا حتي 1 مساءا
ومن غير اختبار اشارات كمان ومدفعتش لا جنيه اكرامية

مقدرش اقولك غير ان ده كرم من ربنا انك خلصت فى يوم واحد وممكن الناس عندكوا فى المرور محترمين شويه لان انا بصراحه كرهت نفسى فى المرور من طريقة تعامل الموظفين والظباط وكمان الناس اللى جايه تخلص مصلحه مفيش احترام دور ولا نظام ولو هو اقوى منك يعنى وقدر يزقك من على الشباك يبقا هيدخل قبلك وديه اكتر حاجه انا بكرها بصراحه واللى يغيظك انه لما يسلم ورقه قبلك يبصلك ويضحكلك ضحكه صفرا

المشاركة الأصلية كتبت بواسطة abohend

هما هيفتشوا الناس و لا ايه؟؟
الموضوع قبل كده مكانش بيتكلف كل الكلام ده
و مكنش فيه رسوم أستخدام سيارة المرور و لا الحبشتكنات الكتير اللي خلوك تدفعها
ده مسلسل تقليب رسمي

بس في النهاية الف مبروك
اللي يجي من وشهم
بس انت راعي ضميرك و متبتديش تسوق في الأماكن المزدحمة قبل متتعلم فعلا عشان متأذيش حد
ألف مبروك و شكرا لنقل التجربة بالتفصيل
اكيد كتير إستفادوا
تحياتي

فعلا انا سمعت قبل كده ان المدرسه كانت ب 150 جنيه دلوقتى بقت 300 وفعلا تحس انك بتتقلب وبيطلب منك فلوس فى اى حاجه وخلاص
الله يبارك فيك واشكرك على النصيحة الغاليه وانا ناوى اتعلم لحد لما ابقا كويس وبعدين اجيب عربيه لانى هسوق وانا معايا مراتى وطفلنا اللى جى فى السكه ان شاء الله وميردنيش طبعا انى اؤذي حد فى الشارع او اؤذي اسرتى

المشاركة الأصلية كتبت بواسطة svneleven

ربنا يباركلك أنت كاتب كل حاجة بالتفصيل. ربنا يستر طريقك و علي مهلك لحد ما تبقي خبير ان شاء الله.

شكرا ربنا يخليك

المشاركة الأصلية كتبت بواسطة airman707

ايه الشغل الجامد ده

ربنا يخليك بس حاولت اقول ادق التفاصيل يمكن افيد حد

لا صراحة ربنا يزيدك ايه الصبر ده كله ياعم الحج انا اعرف ناس خلصوها ف يومين اتنين مش عارف ليه ده كله بس كله كان بالشاى طبعا وحدش يسالنى ايه الشاى ده !!!!!

الشاى هناك فعلا من الحاجات الشبه اساسيه