رقم العضوية : 62430
تاريخ التسجيل : 17Feb2010
المشاركات : 1,215
النوع : ذكر
الاقامة : CAIRO
السيارة: YARIS
السيارة[2]: 206
الحالة :
و الله موجود و ده مش موقع رسمى حزبعلى ولا جو رخيص ده honda usa و ده حاله انكار واضحة لأنك مش مصدق ان العربيه ال fit دى عندهم مش للشد اصلا فما بالك بال سيفيك new technology هتبقى عامله ازاى اما الربع مليون فى مصر بيجيب 122 حصان بس و فتيس .... اكيد عارف بقى يا رب ما تلبس فيه
رقم العضوية : 30679
تاريخ التسجيل : 21Jan2009
المشاركات : 1,326
النوع : ذكر
الاقامة : cairo
السيارة: HONDA JAZZ
السيارة[2]: HONDA HRV
الحالة :
رقم العضوية : 37364
تاريخ التسجيل : 05Apr2009
المشاركات : 3,519
النوع : ذكر
الاقامة : HARAM
السيارة: VW passat B7 - Verna 1.6
السيارة[2]: BMW 335i - volvo s80
دراجة بخارية: non
الحالة :
يا باشا فعلاً طِلع موجود بعد بحث علي النت..بس ده بـ earth dreams technology مش ستوك كمان وكمان 154 nm
وبعدين حالة انكار ايه يا زعيم ده انت اللي تجاهلت ردي كله باللي فيه وقفشت في حتة خزعبلي !!!!! وضربت بكلامي اللي رديت عليك بيه عرض الحائط مع انه صح !!! لمجرد التعصب
اما طبعاً نقطة ربع مليون يجيبوا 122 حصان بس وفتيس .... ويا رب ما تلبس !!
أولاً :- الربع مليون بيجيبوا package علي بعضه زي الباسات اللي مش عاجباك دي اللي هي أصلاً أغلي من ربع مليون والـ package يشمل الآتي :-
- محرك تيربو بعزم دوران عالي جداً وقدرة حصانية كافية علي سي سي قليل ويحقق تسارع ممتاز وتوب سبيد رائع بالنسبة له.
- ناقل حركة عنيف زي الـ DSG ومتطور وله طبيعة استخدام معينة عشان تطول عمره الافتراضي.
- كماليات ورفاهية حدث ولا حرج مروراً بشاشة الـ isodot اللي فيها كلللل حاجة عن العربية ووظائف لا حصر لها والتحكم بجميع سنسورات العربية زي الميه والنور والكاوتش والكورنرلايت والفولومي الخ الخ الخ...
- عوامل أمان حدث ولا حرج وأقل ما فيها الـ 10 إيرباج :)
- صاج علي حق ربنا.
- ثبات علي حق ربنا.
- عفشة جبارة ومريحة في وسط البلد والسفر.
- وسع صالون وراحة جلوس في الأمام والخلف فضلاً عن تصميم الكراسي الرائع وامتياز في جودة الخامات.
- شنطة بحر + مساحات تخزين كتييييير
- تكنولوجي عالي كـ overall في تفاصيل العربية كلها.
- صناعة ألمانية اللي لا انا ولا انت ولا العفريت يقدر ينكر ريادتها علي مستوي العالم.
- عزل ممتاز.
- تلاجة في الطابلوه والكنسول وتكييف dual zone ومرايات تعتيم الخ الخ....
كل ده بالسعر بتاعها يعني تستاهل صحيح..
تعالي بقا نشوف السيفيك التنين..اللي سعرها 200 ألف جنيه بسم الله ما شاء الله علي المنطق.
- محرك 1600 ستوك زي اي محرك ياباني آخر وبقدرة حصانية كافية تقومه وإحقاقاً للحق الـ vtec نقطة تحسب له
- ناقل حركة أوتوماتيك عادي
- كماليات السيارات اليابانية اللي متعارف عليها مع زيادة العدادات الديجيتال اللي موجودة كده كده في الـ vag وشاشة الـi-mid الصغيرة اللي جنب العدادات اللي فيها كمبيوتر الرحلات والتحكم في الاضاءة الفولومي ودرجة الحرارة والبلوتوث.
- عوامل امان يوم ما فجروا 4 ايرباج + vsa ..وفرامل abs ( فيها عيب معروف وهو تأخر استجابة الـ abs ) ويقال للأمانة انه اتصلح في الوكيل.
- صاج طري وحونين :)
- ثبات أحسن الياباني لكون عفشة العربية مالتي لينك ولكن لا يرقي للألماني طبعاً.يعني بعد تجربتي ليها أقدر اديها 80-85%.
- الصالون واسع من الأمام .. من الخلف ضيق..علي الرغم من ان قاعدة العجلات تعتبر كبيرة لكن غير مستفاد بيها في القاعدة ورا.
- خامات الصالون استهبال واستعباط لما ادفع 200 ألف جنيه في طابلوه بلاستيك !! وشكله عامل زي الفيبر من بعيد.
- شنطة مقدرش أقول عليها كبيرة..خصوصاً اني اتفاجئت لما عرفت من صديق ليا ان شنطة السيتي أكبر منها !!!
- قلة مساحات التخزين بشكل مستفز.
- عفشة جميلة وتصميمها حلو لكن ناشفة فحتتتتتتتتتتتتت في وسط البلد.
- تكنولوجي عادية كـ overall مفيهاش حاجة واو كعادة الياباني في مصر من الفئة دي باستثناء شاشة الـ imid عشان بس تعتبر اعجاز في الياباني من الفئة دي.
- شرق آسيوي ياباني وقطعاً أفضل من الكوري ولكن لا ترقي للصناعة الألمانية .. وعليه لابد من إعادة النظر في سياسة تسعيرها بشكل أكثر منطقية.
يبقي منقدرش نقول بعد المقارنة البسيطة دي ان ربع مليون يجيبوا 122 حصان ومعرفش ايه...في حين ان في زمانا ده الـ 200 ألف يجيبوا المواصفات دي !!
وحتي نكون منصفين تعالي نعمل مقارنة في العيوب بين العربيتين ونشوف مين يكسب بما يرضي الله..
عيوب السيفيك اللي لمستها فيها بعد التجربة لفترة أثناء ما كنت بتنطط في كذا عربية لما بيعت الفانتازيا والميرك :-
1- الدهان بتاع العربية ضعيف نفخ..لا ضعيف بغباوة.
2- أبعاد العربية صعبة الرؤية.
3- خامات الصالون اللي استعجبت لما شوفتها.
4- ضعف الصاج وده عادي في الياباني.
5- لاحظت حاجة كده معرفش نظامها ايه..لما بكسر الدريكسيون للآخر بحس ان المفروض العجل يلف أكتر من كده..يعني ممكن أخد بيها ملف معين علي مرتين في حين في الفانتازيا مثلاً والباسات بتاخده من مرة واحدة.
6- عدم القدرة علي تحمل وزن تقيل في الخلف..حملت فيها كام 14 أو 16 كرتونة سيراميك وخلوها تبوس الأرض من ورا.
عيوب الباسات :-
1- واطية علي الأرض بس حتي الآن الحمد لله محكتش في المطبات..ولكن هي طبعاً أوطي من السكودا.
2- عدم وجود usb
3- الـ auto hold بتاع فرامل اليد ظريف..لكن بياكل التيل بسرعة.
4- البنزين الـ 92 بيخلي الموتور في تسقيفة بسيطة أوي بتحصل مرات قليلة جداً في الطلعة.
5- في الفئة الأولي شايلين الموديول بتاع البلوتوث وبيتباع في التوكيل بسعر يقطع القلب.
في المجمل..لا تجوز المقارنة بين السيفيك وبين الباسات بأي حال من الأحوال..ولكني قارنت عشان نفضها سيرة بقا.
رقم العضوية : 62430
تاريخ التسجيل : 17Feb2010
المشاركات : 1,215
النوع : ذكر
الاقامة : CAIRO
السيارة: YARIS
السيارة[2]: 206
الحالة :
انا كنت مستنى الكلمه دى من زمان لأن السيفيك دى تكنولوجيا 2007 و مش فئتها اصلا فئة الجيتا و مش تربو يعنى انت ظلمتها جامد
بردو عشان تبقى عارف نبض الشارع ال سيفيك القديمه دى محافظة على سعرها اكتر من الجولف 7 الجديده
بسبب ال dsg و شوف dubizzle عشان تتأكد حتلاقى ال VW مرطرط
اليبانى يبانى مهما كان
بالمناسبه ال earthdreams مش تربو دى naturaly aspirated بردو بس هما سموها احلام الارض - earth dreams لأنهم بعد ما عملوا مواتير جامده و horsepower عاليه لقوا انهم يهتمو بالبيئة و التلوث
يعنى earthdreams بالقدره الحصانية الهائله دى stock مش تربو و صديقه للبيئة و ده سبب انهم لغوا الSIR الجبار
رقم العضوية : 1501
تاريخ التسجيل : 19Jul2007
المشاركات : 86
النوع : ذكر
الاقامة : التجمع الخامس
السيارة: kadgar 2017
السيارة[2]: Audi a4 2016
دراجة بخارية: لا يوجد
الحالة :
ال blue-tooth مبينزلش كمان في الtop-line لكن بينزل في الفئة الي ب 289000 جنية وطبعا في الظروف الي احنا فيها دي سعره عدي ال 6000 ومش موجود في التوكيل
amoor
رقم العضوية : 1501
تاريخ التسجيل : 19Jul2007
المشاركات : 86
النوع : ذكر
الاقامة : التجمع الخامس
السيارة: kadgar 2017
السيارة[2]: Audi a4 2016
دراجة بخارية: لا يوجد
الحالة :
من مشاكل الباسات و الvw عموما ضعف الزجاج الامامي بشكل واضح ، سهل الكسر وبيغبش و بيفقد الترانسبيرانسي بتاعته بسرعة حتي اني غيرت الزجاج الامامي للجتا بعد شهرين من استخدمها ، غيرته في التوكيل في الرياض بدون دفع ولا مليم ده لان التوكيل هناك عارف العيب وبيحترم البشر اما التوكيل في مصر فغيرت الزجاج الامامي للباسات لانه غبش بعد 9000 كيلو فقط ودفعت 3400جنية ﻷن التوكيل في مصر لايحترم العميل.
amoor
رقم العضوية : 78918
تاريخ التسجيل : 29Aug2010
المشاركات : 348
النوع : ذكر
الاقامة : Portsaid
السيارة: قولوا يارب
السيارة[2]: هوندا سيفيك 2012 vti
دراجة بخارية: no
الحالة :
ألسلام عليكم
الخناقى بين الألمانى واليابانى مالهاش لازمة خالص لأن ببساطة شديدة كل سيارة بتتميز بميزة مختلفى عن الأخرى وكل واحد بينقى سيارته على مزاجه واحتياجاته يعنى مثلا
مش بجرى كتير - يبقى - مش محتاج ثبات قوى
مش بطلع طرق سريعة كتير - عاوز عربية موفرة
بحب الحركات والمناورات السريعة - عاوز عربية خفيفة وتتحكم فيها كويس
بحب الفخامة والشيكة والجودة - يبقى هات المانى فخم
بحب البساطة والسهولة فى القيادة - هات يابانى
بحب الأعتمادية لنى مش فاضى - هات تويوتا أو هوندا
وهكذا - مفيش سيارة كاملة أبدا - لأزم عيب - وكل صانع بيخاطب شريحة معينة فى كل موديل معين
أنا بقى لى شهر بابحث عن بديل للهوندا السيفيك 2012 أفضل منها فى نفس الفئة السعرية واللترية او اكتر قليلا بس بشروط خاصة بى انا زى -أولا أحس بفرق للأحسن - عاوز وسع داخلى - عاوز شنطة اكبر من الهوندا - عاوز اعتمادية عالية ماليش فى حوارات الأعطال الكتير - عاوز توكيل محترم - عاوز موتور شديد او عربية خفيفة لأنى بحب اجرى و اعمل مناورات داخل البلد - مبحبش السيارات اللى طلعتها بطيئة بتخنق منها - عاوزها عالية عن الأرض - وموديل حديث به نفس الكماليات أو أكتر - وتكون مريحة
طيب ايه اللى بأضحى بيه :- مش مهم قطع الغيار غالية أو رخيصة المهم تكون معمرة وموجودة - مش مهم الصيانات غالية أو رخيصة المهم يكون التوكيل مش حرامى أو ليها ورش متخصصة كويسة بره التوكيل - مش مهم سعر أعادة البيع
لو حد عنده أختيار يقولى - أنا بحب التبديل - ومش عاوز ابدل بأقل - والهوندا مش مزعلانى فى حاجه لكن ده لمجرد انى امتع نفسى - لو هدفع فرق معقول - لو حد عرف يقولى اجيب ايه بدل الهوندا السيفيك يبقى بطل وهاخده لفه بالسيارة دى ودى
م طارق
رقم العضوية : 13633
تاريخ التسجيل : 26Jun2008
المشاركات : 5,636
النوع : ذكر
الاقامة : Cairo
السيارة: Optra 2007 AT
السيارة[2]: Pegeout 406 2004
دراجة بخارية: لا يوجد
الحالة :
رقم العضوية : 37364
تاريخ التسجيل : 05Apr2009
المشاركات : 3,519
النوع : ذكر
الاقامة : HARAM
السيارة: VW passat B7 - Verna 1.6
السيارة[2]: BMW 335i - volvo s80
دراجة بخارية: non
الحالة :
نقطة السعر ما بين الألماني والياباني دي معروفة..الياباني زي الجنيه الدهب في احتفاظه بسعره لثقافة السوق المصري..أتخن عربية ألماني سعرها بيهبط مجرد ما تنتقل بثاني يد.
بالنسبة لـ dsg مش هنفضل ندور في نفس الحلبة :) قولنا له طريقة معينة لإطالة العمر الافتراضي..وحتي الآن لا يوجد شكوي علي مستوي العالم من الموديلات الجديدة.وقولت لو لا قدر الله حصل معايا حاجة هكون أول واحد هنا بيقطع في الفتيس :)
رقم العضوية : 94704
تاريخ التسجيل : 14Apr2011
المشاركات : 12,403
النوع : ذكر
الاقامة : Haram - Giza
السيارة: OPEL VECTRA 2.0
السيارة[2]: Seat IBIZA 1999
دراجة بخارية: NO
الحالة :
كان نفسي اشارك في الموضوع دة
بس كل لما اقرا العنوان واشوف الفيديو كنت بتوقع اللي هيحصل فيه
وانا مش عايز حد يزعل مني او ازعل انا من حد
انتوا اتكلمتوا كتير اوي وقولتوا معظم اللي عندكوا ومع ذلك عشاق الألماني علي رأيهم وعشاق الياباني علي رأيهم
لا دة حب دة ولا دة حب دة
وسيظل صراع القارات (اوروبا واسيا) مستمر طالما مازالت شركات السيارات مستمرة
تحياتي للجميع
Eng. Mohamed Sayed | MS Networking TrainerIBIZA MK2 (Typ 6K) APQ 1.4 MPI R4 44KW - 60hp
صفحة القسم علي الفيس بوك
المفضلات