الموضوع: اشتغلت ايام الدراسه ؟ طب في الاجازه حتى ؟ تعالى اقولك انا اشتغلت ايه ..!!!

متابع لاني نازل شغل في الاجازة انشاء اللة

انا اشتغلت من وانا فى 6 ابتدائى مع والدى ترزى لحد 3 اعدادى كده ومن اولى ثانوى اشتغلت فى محل عصير قصب بتاع جيرانا
وبعد كده اشتغلت فى محل ادوات صحيه وكان شغل مرمطه لانى كنت لوحدى فى المعرض كله وكنت بشيل مواسير بطول 6 متر من العربيات النقل واحطهم فى المخزن لوحدى و اشيل الصينى كمان والحاجات دى كان الشغل طول اليوم اكتر من 12 ساعه بس كان فى الاجازه لحد دول بعد كده ابتديت اشتغل فى الدراسه كمان
اشتغلت فى مصنع ورق الومنيوم بيعمل الفويل بتاع الاكل والبوتجازات وبردو مكانش شغل سهل خالص وكان الالونيوم ده بيجى فى بكر كبير كده (كانو بيقولو عليه موبينه) اقل وزن للبكره 200kg كان اتنين بس ينزلوها من العربيه ويرفعوها على المكن وكانت شغلانه متعبه جدا لان المباين دى ماينفعش تتخدش او تاخد خبطه خفيفه حتى لان كل ده بيبوظ الورق وبيترمى منه كميه كبيره لانه بيتقطع وهو على المكنه
من اول المصنع ده بقى كنت بشتغل فى الدراسه والاجازه كنت اجى من المدرسه اروح اكل واكون هناك على 2.00 كده
افضل هناك لحد الساعه 8 وساعات كنا بنسهر لحد 10 و11 واصضبح تانى يوم عندى مدرسه وسبحان الله ساعتها كنت جبت مجموع كويس جدااا مقارنه بالسنين اللى قبلها
بعد كده فتحنا سوبر ماركت وكنت انا بشتغل فيه بردو واثناء الدراسه كمان لحد لما قفلناه من قريب
وحاليا دلوقتى وانا فى الكليه بتدرب فى توكيل سيارات فى الدراسه والاجازه كمان بحيث اخد خبره كويسه لحد لما اتخرج ان شاء الله

والدتى دايما تقولى محدش هايوصل للى هو عايزه من غير ما يتمرمط فى الدنيا
وبتحكيلى عن قرايب ليا واحد فيهم شغال فى البنك الاهلى دلوقتى مدير المعاملات الاجنبيه كان بيشتغل زمان فى مصنع سكر وكان حالهم على قدهم لدرجه ان والده كان رابطله النظاره بسلك كهرباء علشان كانت مكسوره وكان شغال مع ميكانيكى بردو وكان يرجع كل يوم معيط وابوه يضرجعه تانى الشغل لحد لما ربنا كرمه

واخوه بردو بيشتغل فى الموبايلات اول لما ابتدى كان بيقف بقفص عليه موبايلات فى شارع عبد العزيز وكان كل يوم فى القسم ويقعد باليومين والتلاته هناك لحد لما يطلع لحد لما ربنا كرمه دلوقتى وعنده محل فى شارع عبد العزيز وفى مول العرب وبيضارب فى البورصه

فالخلاصه ان مافيش حاجه سهله والتعب والجهد هو اللى بيوصلك لهدفك

يا قصص كفاح
اما قصتى اهى برضو
رغم عدم احتياجى لاى فلوس لاكن انا شغال من و انا عندى ١٠ سنين
اول شغلى جيه لانى عايز احفظ قران فا روحت للجامع و بقيت بشتغل اساستنت للشيخ اعد العيال و اشوف مين جيه و مين مجاش و اوزع الجوايز على الناس الحفظط و كده و كنت باخد ربع جنيه فى اليوم
و ربنا كرمنى و حفظط بس الدنيا لهتنى
بعدها بقا احتكيت بطيفه المعمار لان والدى مهندس و كان ليه شغل حر و شوفت اشكال و الوان من البشر و تجارب يشيب ليها شعر الراس
اشتغلت ٧ سنين فى المعمار عملت فلوس كتير بس صرفتها كولها فى هوايه تربيه الحيوانات
كلاب حمام قطط سمك زينه سلاحف تعابين و السفر سفرت كل حته تقريبا
و انا فى الجامعه كنت بدرب فو التلفزيون بمناسبه انى اعلام و كده
معجبنيش الموضوع لان الوسط ده زباله فا قررت انى مش هشتغل فو الاعلام و لو بمليون جنيه حتى
و دلوقتى انا شغال ماركتنج و سلز فى السعوديه و دبى و شويه دول كده ههههههه
دى قصه حياتى التافه مقارنه بالابطال ال هنا
اه نسيت اشتغلت سنه مع وكيل لبيع الملح فى القليوبيه هو ده العلمنى السلز كنت بابيع ملح و عندى عربيه جيتا
فى تاجر مره شافنى بيقولى معقول صاحب الشركه بيبيع الملح بنفسو
قلتلو اه و الله يا حج فى ازمه مش لاقى حد اشغلو هههههههههه قولت اوزع بنفسى
ايام
فكرتونى باللذى مضى