الموضوع: اشتغلت ايام الدراسه ؟ طب في الاجازه حتى ؟ تعالى اقولك انا اشتغلت ايه ..!!!

الموضوع دا المفروض يتثبت فى كل فرع من فروع المنتدي
دا فعلا المفروض كل الشباب الصغيره يقروه ويتعلمو منه
ربنا يبارك للجميع فى صحته وماله ووقته

المشاركة الأصلية كتبت بواسطة mamoud salah h

انا دلوقتي عندي 19 سنة
ووللاسف مفيش ولا اجازة ولا دراسة جربت فيها اني انزل اشتغل لان مكنتش حاسس اني محتاج حاة وبصراحة انا كسلي شويتين بس من سنتين كدة تقريبا بدات شغلانة بسيطة لكن مربحة ومش متعبة لاني مش بنزل من البيت غير ساعة لو ساعتين اقصد بالشغلانة تجارة في الموبيلات المستعملة من علي النت شراء وبيع وكان عندي خبرة مش بطالة عشان كنت تابع كل جديد في عالم الموبيلات وبدات اول تجار ليا وانا عندي 17 سنة وكان مبلغ بسيط جدا ملكي +كنت بشغل فلووس ناس اصحابي وباخد مكسبي لحد الحمد لله ما ربنا كرمني وكبرت راس المال لمبلغ بالنسبة للموبيلات مش بطال وكمان بقيت اسدد في البيت لو في اي نقص او عجز بفضل الله وبقي معايا فلوسي الخاص لما احتاج حاجة بجيبها من غير ما اطلب من حد وناوي ان شاء الله بعد لما اخلص الثانوية العامة بعد شهرين ان شاء الله(ادعولي بالهندسة) اشتغل شغلانة تانية بجانب التجارة

يااااااااااااه
دا انا مطلعتش لوحدي بس انا اصغر منك بسنة واحدة بس
وان شاء الله ناوي بعد الثانوية ( ادعولي)
ادخل في استراد الاكسسوارات
وأكيد انتا عارف مكسبها

انا كنت باتدرب في المصانع في الاجازه , ده أيام كلية الهندسة , خصوصا كمان ان تخصصي ميكانيكا انتاج
من المصانع اللي فاكر اني اتدربت فيها :

شركة المعادي للصناعات الهندسية (مصنع 54 الحربي) ده اللي بيعمل المسدس حلوان

مصنع النصر للسيارات

مصنع 200 الحربي , ده اللي بيصنع الدبابه الامريكية m1a1

مصنع قادر

مصنع صقر

اتدربت في ورشة لتصنيع المنتجات المعدنية

علمتنى الحياة .
زمااااااااان كنا مشهورين بالقطن المصرى (طويل التيله) . وكان ضرورى عناية القطن اثناء نموة في الأرض .... فكانت الجمعية الزراعية تكوّن مجموعات أطفال (ايون أطفال) لفحص كل شجرة قطن على حده وإزالة الأوراق التي تحتوى على عدوى (الدودة) حتى لا تموت الشجرة كلها .
فكنا نتجمع الساعة 6 صباحا للذهاب للحقل (لمؤخذة الغيط لأخوانى الفلاحين)...... وفى نهاية يوم شاق يحصل كل واحد منا على 2 جنيه ونص .

في الذاكرة:
كنا نمشى للغيط حوالى 5 كيلو وأحنا بنغنى ونهزر طول الطريق والكل مبسوط وفرحان.
كنا بنلعب ألعاب جميلة في فترة الأستراحة (لمؤخذة ساعة الغداء) أفتكر لعبة الطواقى كانت رائعة.
كنت أكتر واحد متدلع في العيال كلها .... عشان أخويا كان رئيس المجموع(لمؤخذة الخولى لأخوانى الفلاحين ) ...ههههههههه.

أشوفكم في حلقة قادمة

المشاركة الأصلية كتبت بواسطة a_h_m_a_d

انا كنت باتدرب في المصانع في الاجازه , ده أيام كلية الهندسة , خصوصا كمان ان تخصصي ميكانيكا انتاج
من المصانع اللي فاكر اني اتدربت فيها :

شركة المعادي للصناعات الهندسية (مصنع 54 الحربي) ده اللي بيعمل المسدس حلوان

مصنع النصر للسيارات

مصنع 200 الحربي , ده اللي بيصنع الدبابه الامريكية m1a1

مصنع قادر

مصنع صقر

اتدربت في ورشة لتصنيع المنتجات المعدنية

واضح أنك رجل عسكرى من الدرجة الأولى ..... يعنى بقيلك 2 عساكر وتعلن الحرب

المشاركة الأصلية كتبت بواسطة salodas

واضح أنك رجل عسكرى من الدرجة الأولى ..... يعنى بقيلك 2 عساكر وتعلن الحرب

هههههههههه

لا أبدا , هو الموضوع وما فيه ان الكلية كانت بتتفق كل سنة مع المصانع الحربية على تدريب الطلبه فيها للراغبين في التدريب الصيفي

موضوع رائع جدا للتثبيت و الى المفضله

ده الواحد طلع مرفهه جدا