الموضوع: اشتغلت ايام الدراسه ؟ طب في الاجازه حتى ؟ تعالى اقولك انا اشتغلت ايه ..!!!

المشاركة الأصلية كتبت بواسطة salodas

علمتنى الحياة .
عارفين العيال المساكين الى بيلفو يبيعو شعر البنات (غزل البنات) .... أنا كنت واحد منهم بلا فخر .
كان المطلوب أنك تأخد حبل مربوط عدد أكياس (50 - 500 ) كل واحد كان بيشيل على قده... وطبعا كان لازم تروح المصنع بدرى عشان (تسرح) بدرى = تخلص بدرى = ترجع بيتك بدرى = عشان ايه = ترجع تانى يوم الشغل بدرى.

في الذاكرة:
كل يوم كنت اروح منطقة معينة وكان لازم أدخل شارعين بالتحديد ... حد سألنى اشمعنى الشارعين دول بالتحديد ... أنا أجولك ..
الشارع الأول : كان فيه واحده ست (في سن أمى) كانت اول متسمع صوت الزمارة بتاعتى تنادى عليا وتنزلى في السبت 50 قرش (مقابل 10 أكياس) .
الشارع التانى: كان فيه واحد عصبى جدا ... أول ميسمع الزمارة بتاعتى يخرج من البالكونه ويشتم.. وأنا بصراحة كنت بحب أضايقة وأعصبة.

أشوفكم في حلقة قادمة

بيعجبنى النظام المتسلسل والمشوق دة
..........
كمل متابعينك

يااااااااااااااه الحمدلله

الوالد توفاه الله وانا عندى سنه يعنى ماافتكر اى موقف له معى وكان مدير فى شركه كبيره عندنا بالمحله واعمامى قاموا بالواجب اخدوا كل حاجه نفضونا الوالد سايبنا انا واخوتى اطفال ربنا يبارك لامى يارب قامت بينا صح

انا ولله الحمد اشتغلت من رابعه ابتدائى ترزى عند اخو المخرج حسن الامام وكنت باخد 5قروش فى الاسبوع كنت بسيبهم فى البيت قال ايه بساعد :)
وبعد كده تقريبا فى اى اجازه صيفيه فى الدراسه اشتغل اى شىء وافتكر وانا فى المرحله الثانويه كنت احب اشترى بنطلون او قميص مكنتش اطلب من الوالده بعد المدرسه انا واصحابى نروح نشيل طوب او رمل وكانت الوالده تعرف وتزعل منى وتقولى ركز فى دراستك وانا اضحك ومن جوايا بقولها اتمنى اعوضك باى شىء اشتغلت تقريبا اكتر من شغلانه واتقنتهم من شغل معمار وشغل تجاره اى حاجه فلوسها حلال وركزت جدا فى مجالى ميكانيكا النسيج ومن فضل الله اكبر شركه المانيه طلبتنى فى دوره تدريبه ومن بعدها فتح الفتاح وحاولت اعوض الوالده على قد ما اقدر كان نفسها فى عمره بس والحمد لله طلعتها 3 عمرات وحججتها ومن دعائها انا عايش بخيرها وبحاول ازرع الاعتماد على النفس فى اولادى ابنى الكبير بحاول معاه اخليه يقدر يعتمد على نفسه مبحبش اشوفه متبهدل بس لازم ازرع فيه الاعتماد على النفس واخليه يشيل شغلى وانا اتابعه واوجهه

المشاركة الأصلية كتبت بواسطة طارق _عبد السلام

يااااااااااااااه الحمدلله

الوالد توفاه الله وانا عندى سنه يعنى ماافتكر اى موقف له معى وكان مدير فى شركه كبيره عندنا بالمحله واعمامى قاموا بالواجب اخدوا كل حاجه نفضونا الوالد سايبنا انا واخوتى اطفال ربنا يبارك لامى يارب قامت بينا صح

انا ولله الحمد اشتغلت من رابعه ابتدائى ترزى عند اخو المخرج حسن الامام وكنت باخد 5قروش فى الاسبوع كنت بسيبهم فى البيت قال ايه بساعد :)
وبعد كده تقريبا فى اى اجازه صيفيه فى الدراسه اشتغل اى شىء وافتكر وانا فى المرحله الثانويه كنت احب اشترى بنطلون او قميص مكنتش اطلب من الوالده بعد المدرسه انا واصحابى نروح نشيل طوب او رمل وكانت الوالده تعرف وتزعل منى وتقولى ركز فى دراستك وانا اضحك ومن جوايا بقولها اتمنى اعوضك باى شىء اشتغلت تقريبا اكتر من شغلانه واتقنتهم من شغل معمار وشغل تجاره اى حاجه فلوسها حلال وركزت جدا فى مجالى ميكانيكا النسيج ومن فضل الله اكبر شركه المانيه طلبتنى فى دوره تدريبه ومن بعدها فتح الفتاح وحاولت اعوض الوالده على قد ما اقدر كان نفسها فى عمره بس والحمد لله طلعتها 3 عمرات وحججتها ومن دعائها انا عايش بخيرها وبحاول ازرع الاعتماد على النفس فى اولادى ابنى الكبير بحاول معاه اخليه يقدر يعتمد على نفسه مبحبش اشوفه متبهدل بس لازم ازرع فيه الاعتماد على النفس واخليه يشيل شغلى وانا اتابعه واوجهه

المشاركة الأصلية كتبت بواسطة mostafa magdy

علي الهامش .. و بعد التشويق بتاع الباش مهندس .. Salodas
و انا في أول الكليه عملت مشكله في البيت و قلت خلاص أنا هعتمد علي نفسي كانت في أجازه أولي كليه .. و الدكتور راح الدكتور جه ..
قلت أشوف شغلانه .. واحد قالي تعالي أشغلك في كافتريا كبيره في الحي العاشر .. عارف " جراند ليموزين " عارف العيال اللي بتشوفها بتغسل " الشيشه هناك " انا كنت واحد منهم .. و رضيوا عني و قالولي خلاص هنخليك تنزل طلبات " شيش " برده .. يمكن أكون نزلت شيشه لواحد من الناس اللي هنا . لو كانوا من مرتادي القهوه . و هو كرمشلي جنيه " أيام ما كان فيه جنيهات ورق " و حطه في أيدي ..
رئيس الورديه ساعتها كان طيب أوي .. قالي مستحيل تكمل هنا العيال هتاكلك .. و كانوا بينصبوا عليا في التبس اللي بيجي لأنه المفروض يتوزع كانوا بيدوني 3 جنيه !!!!!!!!!!!!!!! و اليوميه 20 يبقي كله 23 بركب مواصلات من الجيزه ب 5 جنيه تقريبا يتبقي 18 .. بالأكل و الشرب و الذي منه .. و كانت الورديه من 4 العصر ل 4 الفجر ..
فضل معايا رئيس الورديه علي نزلاء لمقهي واحد فيهم كان عنده بنزينه مشكورا قالي تعالي أخليك تغسل عربيات و هيجيلك " تبس " حلو ..
و أخيرا واحد قالي تعالي أشغلك معاايا في مكتب أستيراد و تصدير في الحي السابع شارع فريد أبو حديد .. :)
و من هنا بدأت علاقتي بالأستيراد و التصدير و انا مازالت عليها حتي الآن ..
أول ما أشتركت في المنتدي و عرفت موضوع المقابلات واحد حبيبي عرض عليا مقابله في " جراند ليموزين " مش عارف أوصف إحساسي و أنا داخل بعربيتي الرابعه في القهوه اللي كنت بغسل فيها شيش كان عامل إزاي !!!
حقيقي متشكر أوي تاني مره و تالت و عاشر لصاحب الموضوع علي شلال الذكريات اللي عمله ليا ده ..
و شكرا لكل واحد هيضيع من وقته و يقرأ الكلام ده .. أتمني النجاح من كل قلبي لكل واحد فيكم ..
و بالتشويق بقا أنتظروا موقف حصل معايا أول مره أحكيه لحد حقيقي .. و لا حتي مراتي تعرفه !!!!

قريت كل حاجة مرتين من جمال القصص

الواحد وهو بيقرا الحكايات الواقعية دى اول حاجة بتقفز لذهنة هى مقولة
الشدائد تصنع الرجال
ومقولة تانية
ما لا يحطمك يجعلك اقوى

مش عارف لية عندى قناعة بتترسخ يوم بعد يوم ان الانسان الشقيان المكافح هو اللى بينجح دائما