الموضوع: نصائح للتخلص من الكرش + أوعي يتنصب عليك

إحقاقا للحق الموضوع ده عباره عن مشاركه ليا في موضوع لزميل علي المنتدي في الموضوع الآتي
http://www.nilemotors.net/Nile/41407...l:backtotopic:
أولا : أنا مش هفتي علي حضرتك لأني معايا دبلومه تغذيه للرياضيين .. و تدريب رياضي معتمده من Golds' Gym
ثانيا : كل الأجهزه اللي في السوق ملهاش أي لازمه .. إلا ال Treadmills و ال stationary bikes و خلافه
إنما ab rocket و التنين المجنح و حزام البطن اللي بيخلي البطن تعرق ده حماده بالجنزبيل


بدون كلام كتير التخلص من الكرش يتم عن طريق تمرينات قلبيه أو Cardio كما هو متعارف عليها ..
زي الجري كل يوم .. + تنظيم الأكل و التخلص من العادات السيئه زي قله شرب الميه و الإعتماد علي العربيه بشكل كامل و قله المشي .. و ال fast foods و الاكل قبل النوم مباشره ..
فيه مثل أمريكي بيقول Abs are made in kitchen يعني عضلات البطن بتتعمل في المطبخ في إشاره إلي أهميه تنظيم الأكل إذا أردت الحصول علي عضلات بطن قويه ..


في نقطه مهمه أوي .. إن حضرتك لو حبيت تلعب بطن معتقدا إنها هتخسس الكرش .. مضطر أصدمك و أقولك " لأ " مش هتخسسه .. هي هتعمل لك عضلات بطن بس تحت الدهون لإن الدهون مش هتخس غير بالطريقتين اللي قلناهم فوق ..
أنا عارف إن حضرتك هتقول الموضوع صعب مش زي ما انا بتكلم .. بس حتي و لو فواجب عليا أعرف حضرتك إن الجهاز ده ملوش لازمه .. و لا حزام البطن ولا أي حاجه ..


النقطه الأخيره و هي تفصيل لنقطه التغذيه .. لازم حضرتك تعتمد علي منتجات حارقه للدهون .. زي الشاي الأخضر العادي و الرمان " اللي هو أتعمل عليه أبحاث أثبتت إنه بيخسس المنطقه الشخميه في البطن " اللي بتتصنف علي إنها Stubborn Fat دهون صعبه جدا في نزولها ..
و في أدويه أو بمعني أصح مكملات غذائيه زي chromax و Lipo-six و غيرهم تساعدك نسبيا في التخلص من الدهون .. لكن الأهم الجري أو التمرينات القلبيه مع التنظيم المحترم للأكل ..
تحياتي

أتشرف بإستقبال الإستفسارات ..