الموضوع: مؤشر الحرارة بيعلى في السرعات العالية وبيرجع في السرعة البطيئة

المشاركة الأصلية كتبت بواسطة mamahran

المشكلة دي حصلت مرة واحدة من سنة ونص وماتكررتش تاني الا لما غيرت الردياتير وانا غيرته علشان كان في تسريب..... وبقت دلوقتي علطول تسخن مع اي سرعة فوق 80
هو الثرموستات غير حساس الحرارة ولا هما واحد...لاني غيرت حساس الحرارة.

عزيزي انت عندك في العربيه 3 لهم علاقه بالحراره
1- ثرموستات تشغيل المروحه وده بيكون راكب علي الردياتير
2- ثرموستات الكوعه وده بيكون راكب علي الموتور في مكان دخول خرطوم الردياتير
3- حساس الحراره وده خاص بمؤشر الحراره في التابلوه والحساس ده بيركب علي الموتور ( في سكه مياه التبريد )

اللي انا فهمته من كلامك ان المشكله دي ظهرت عندك لما كان في تسريب مياه قبل كده ومعني تسريب مياه ان كميه المياه كانت ناقصه في الردياتير وعلشان كده اعتقد ان مشكلتك في الردياتير

المشاركة الأصلية كتبت بواسطة mohamedebaid75

ياريت حضرتك تفتح الكبود بتاع العربية وتشوف المراوح لفها بايدك كده والعربية بطاله وباردة وياريت الصبح قبل ما تدور العربية وتشوف المراوح بتلف كويس ولا فيها خشانة المشكله عندك غالبا فى المراوح والله اعلم

المراوح شغاله زي الفل على السرعتين وبتفصل وترجع من غير مشكلة
شكرا لمساعدتك