مبروك
ربنا يباركلة
في الانتظار
رقم العضوية : 1485
تاريخ التسجيل : 18Jul2007
المشاركات : 887
النوع : ذكر
الاقامة : Nasr City
السيارة: لا يوجد
السيارة[2]: Octavia A7 TSI
دراجة بخارية: لا يوجد
الحالة :
السلام عليكم يا اهل السكودا
هدخل فى الموضوع على طول ان شاء الله
كنت راكب الرائعه سيفيك 2007 من الزيرو و عملت بيها حوالى 155000 كيلو بحالة ممتازه
المهم قررت اغير و كان الموضوع صعب جداً لان كل عربيه فى الفئه دى كانت فيها عيب او مشكله
احترت بين الفلونس و الأسترا الكوزمو و بى ام مستعمله 316 2010 ولا حاجه و بين الكورولا الجديده و حتى الكورى كنت ببص عليه و الأكتافيا الجديده
من البدايه اكترهم كانت عجبانى كانت الأكتافيا و تليها الأسترا
كل المشكله فى السعر و الفتيس طبعاً
من اولوياتى علشان عيون الست الوالده كانت الوسع و الشنطه و الأرتفاع و انها زيرو فطبعاً ده خرج البى ام من المنافسه
جربت الفلونس فى التوكيل حته صغيره مستريحتش من صوت الطلعه و الموتور و ناس كتير قالتلى حرام من سيفيك الى رينو مع انى عارف و مقتنع ان الفلونس حلوه جداً و مش بمشى بكلام السوق المصرى و خلاص بصراحه
الكورولا عيبها الوطيان و السعر , استحرمت ادفع فيها 190000 و حجز 4 شهور و هيا لا تقارن من وجهة نظرى السكودا و الأوبل
استقريت على الأسترا لحد ما راح ابن خالتى معايا (كان معاه بى ام 316 المانى 2008) و شاف الأسترا قالى حرام من السيفيك للأسترا بردوا و شكلها كأنها فئة اصغر فى الصالون و الحجم الخارجى و كده
المهم احترت اوى و الحجه امى زقتنى على السكود علشان عجباها و ساعدتنى كمان مادياً :) :)
بس هريت نفسى قرأه بره على الفتيس و مشاكلوا المهم لاقيت ناس كتير جداً بره بيتكلموا ان فى منهم عملوا بالعربيات مسافات كبيره جداً 200 الف كيلو و فى اكتر بدون مشاكل و فى بالعكس من اول 5000 كيلو كان فيه مشاكل و ان نسبة المشاكل فى نسبة الملايين الى اتباعت من مجموعه فولكس نسبة بسيطه بس النت مضخماها اوى
اخيراً و ليس بأخر ناس اتكلمت على العنايه فى طريقة السواقه و الزيت و الصيانه و ناس اتكلمت على ان الموضوع بقا تغير الكلتشات بس بعد فتره حاجه كده شبه تغيير اسطوانة الدبرياج فى المنيوال غير انى لاقيت كل الديول كلتش من كل المركات نفس النظام و ممكن تبحث على اليو تيوب على
Ford Powershift problems
BMW SMG problems
على سبيل المثال و قابل الشكاوى و الأصوات و غيروا و انت و حظك
بالعكس اقدمهم فى التكنولوجيا دى مجموعة فولكس
المهم فى نفس الوقت الى كنت بدور فيه ابن خالتى كان بيبع عربيتوا و دايخ على E90 2010 2011
318 اوتو
لاقى الأسعار كلها نطت جامد و مفيش حاجه لقطه تجاب
المهم اقنعتوا يروح يشوف الA7 و يجيبها زيرو و يطنش البى ام و فعلاً راح و اقتنع جداً الوسع و الموتور و توكل على الله قبليه كمان بكام يوم و جابها و بردوا بيدعى ان الفتيس يسترها معاه
التقييم و المقارنه فى البوست القادم
كلمتان خفيفتان على اللسان ثقيلتان في الميزان ، حبيبتان إلى الرحمن - سبحان الله و بحمده سبحان الله العظيم
اللهم ثبتنا و ثبت قلوبنا على دينك[aldl]http://forum.hawahome.com/nupload/10296_1272766183.jpg[/aldl]
رقم العضوية : 152553
تاريخ التسجيل : 01Dec2013
المشاركات : 2,072
النوع : ذكر
الاقامة : القاهرة الجديدة
السيارة: skoda octavia a4
السيارة[2]: هيونداي اكسل
الحالة :
مبروك
ربنا يباركلة
في الانتظار
السن ..16 سنة
رقم العضوية : 3904
تاريخ التسجيل : 30Dec2007
المشاركات : 841
النوع : ذكر
الاقامة : مدبنه نصر&tanta
السيارة: Astra 2014
السيارة[2]: fluence 2015 , megane,2007
دراجة بخارية: no
الحالة :
waiting
رقم العضوية : 1485
تاريخ التسجيل : 18Jul2007
المشاركات : 887
النوع : ذكر
الاقامة : Nasr City
السيارة: لا يوجد
السيارة[2]: Octavia A7 TSI
دراجة بخارية: لا يوجد
الحالة :
عربياتنا الفئه الاولى 2014 الى فيها الدركسيون بقا جلد
انا هكتب التقييم و لو فى اى اسئله حتى فى تفاصيل التفاصيل اسئلوا عادى , انا كده كده من النوع المحسوك اوى فبلاحظ دبه النمله فى العربيه للأسف :)
الموتور
لا يقارن طبعاً و لا بالسيفيك ولا بالبى ام خالص
ولا فى الأداء و لا فى استهلاك البنزوين
التربو مش مجرد 0 - 100 بس , التربو فى السواقه العاديه فوايدو انك بتشد على اى نقله لحد السابع عادى جداً
لو محمل ناس و تكييف و الشنطه مفيش أثر زى العربيات الى مش تربو , يعنى بتسوق عادى جداً مبتحسش بكل ده
طيب لو سايق ملمس على الدواسه و التربو شبه مبيشتغلش بتبقى موفرة بنزين جداً جداً
انا مشوارى يومياً مدينة نصر - القريه الذكيه عن طريق الدائرى
من غير شد و اى ان كانت السرعه ممكن اوصل و الكمبيوتر قارى 5 و كسور ليتر لكل 100 كيلو
طبعاً مع التربو و الضغط جامد على الدواسه بتشرب البنزين :)
التكييف
فوجئنا انو كويس جداً و لله الحمد حتى اجسن من بتاع الهوندا
الInfotainment system
من الكاسيت و الشاشه الى بين العدادات رائعه و فيها اغلب ما تحتاج اليه و زياده
الوسع و الشنطه انتو عارفين
العفشه
ناشفه و بتعمل ساعات اصوات مش عارف ليه بالذات ورا , يمكن بدأت دلوقتى تبقى احسن شويه مع الوقت بس مازالت نشفه
اصوات زى نبضات عاليه فى الحفر و ليها ايام تحس انها مخلعه شويه
الفرامل
قويه جداً لله الحمد علشان العربيه خفيفه كمان عن الفانتازيا فالفرامل كلبشه زى الفرنساوى كده من اول ما تلمس الدواسه
الثبات
فيه مشاكل و دى و حاجه تانيه هذكرها اكتر عيب مكناش متوقعينه فى العربيه انا و ابن خالتى
العربيه فعلياً بتلعب مع الرياح الجانبيه و بتلعب من الخلف بالذات مع الطريق :(
الدركسيون ناعم اوى و sensitive جداً و مفيهوش dead center خالص يعنى سنترتوا صعبه و حركتوا متواصله على طول محتاج inputs & correction من السواق بشكل ممل جداً
الغريبه ان العربيه احساس السرعه فيها منعدم مقارنة حتى بالبى ام يعنى انت فجاًه بتبقى 200كيلو عادى جداً بس العربيه بتتمرجح مع الهوا الجانبى و اطلع على محور N/A و حاول تفضل فى track بالعافيه
حتى الأن مش عارفين حل للموضوع ده و بسأل بره على موقع بريتش سكودا و بردوا محدش عارف حل بس العربيه فعلاً كبيره و عاليه و خفيفه
الفتيس
ناعم جداً فى نقلاته و سريع طياره فى النقل و المودز الى فيه رائعه
الخشونه الوحيده فيه لو طالع الاول او الرجوع للخلف و فيه عائق او مطلع بيخشن شويه لحد ما يطلع
العزل
ارض و موتور تحفه لله الحمد
المشكله التانيه بقا الغريبه عزل الصوت الخارجى
ضايع
لو واقف زيرو و مقفل كل حاجه تسمع بوضوح لو عدى جنبك ناس بتتكلم او موتوسيكل او عربيه نقل و تلاقى ايدك لا ارادى راحت لزراير الأزاز تتأكد من قفلها
ابن خالتى لاحظ ان الزجاج رفيع جداً جداً مقارنة بالبى ام و ده فعلاً حتى مقارنة بالألنترا الكورى و الأزاز الأمامى ضعيف تنين مقارنة لاسيفيك و البى ام و اخدنا انا و هو زلطه و عملت شروخ فعلا فى الأزاز
حاجه محصلتش معايا فى الهوندا مع ترزيع طوب و زلط على الدائرى حوالى 6 سنين.
الخلاصه العربيه حلوة جداً ما شاء الله لو بتمشى على 100 الى 120 فهيا برفكت مش مجرد حلوه بس
الأوبشنز الى فى اول فئه بصراحه متخليكش محتاج تتدفع فى الفئات الأعلى.
كلمتان خفيفتان على اللسان ثقيلتان في الميزان ، حبيبتان إلى الرحمن - سبحان الله و بحمده سبحان الله العظيم
اللهم ثبتنا و ثبت قلوبنا على دينك[aldl]http://forum.hawahome.com/nupload/10296_1272766183.jpg[/aldl]
رقم العضوية : 1485
تاريخ التسجيل : 18Jul2007
المشاركات : 887
النوع : ذكر
الاقامة : Nasr City
السيارة: لا يوجد
السيارة[2]: Octavia A7 TSI
دراجة بخارية: لا يوجد
الحالة :
الله يبارك فيكم جميعاً :)
افكارى حتى الأن فى موضوع الثبات
عمال اجرب تغيير ضغط الهوا بين قدام وورا و بشوف كده
مش عارف هل التوكيل فيه تعديلات الكمبيوتر الى اسمها VCDs و فيها الى ممكن يتقل الدركسيون ولا لا
و فى العزل مش عارف خالص
العربيه مليانه جلد حوالين الابواب weatherstripping و نضيف جداً جداً فى الكواليتى
طب منين المشكله مش عارف و ابن خالتى مصمم انه من الزجاج الرفيع
طبعاً كمان على 140 كده بتسمع بقا الهوا حدث ولا حرج للأسف :(
كلمتان خفيفتان على اللسان ثقيلتان في الميزان ، حبيبتان إلى الرحمن - سبحان الله و بحمده سبحان الله العظيم
اللهم ثبتنا و ثبت قلوبنا على دينك[aldl]http://forum.hawahome.com/nupload/10296_1272766183.jpg[/aldl]
رقم العضوية : 131302
تاريخ التسجيل : 14Nov2012
المشاركات : 1,879
النوع : ذكر
الاقامة : الاسكندرية
السيارة: اوبل فيكترا
السيارة[2]: لانوس
الحالة :
ربنا يباركلك فيها
(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)
رقم العضوية : 1485
تاريخ التسجيل : 18Jul2007
المشاركات : 887
النوع : ذكر
الاقامة : Nasr City
السيارة: لا يوجد
السيارة[2]: Octavia A7 TSI
دراجة بخارية: لا يوجد
الحالة :
كلمتان خفيفتان على اللسان ثقيلتان في الميزان ، حبيبتان إلى الرحمن - سبحان الله و بحمده سبحان الله العظيم
اللهم ثبتنا و ثبت قلوبنا على دينك[aldl]http://forum.hawahome.com/nupload/10296_1272766183.jpg[/aldl]
رقم العضوية : 25134
تاريخ التسجيل : 13Nov2008
المشاركات : 4,208
النوع : ذكر
الاقامة : مصر
السيارة: -Daihatsu Terios 2000
السيارة[2]: BMW 316
دراجة بخارية: no
الحالة :
الف الف مبروك ربنا يبارك لك فيها ويديك خيرها ويكفيك شرها
بالنسبة للعزل ممكن فعلا السمك بتاع الزجاج يفرق
بالنسبة للثبات ده الفرق بين التورشن بيم اللي في الاكتافيا والمالتي لينك اللي كان في الفانتازيا
خالص شكري علي التقرير المفيد جدا
تحياتي
خاص وحصري : بالصور والفديو ... تويوتا تطلق اول سيارتين هجين ... تقرير مفصل
اللهم إغفر للمسلمين والمسلمات
رقم العضوية : 41935
تاريخ التسجيل : 06Jun2009
المشاركات : 1,533
النوع : ذكر
الاقامة : suez
السيارة: KIA SPORTAGE
السيارة[2]: Honda Civic 2010
دراجة بخارية: لايوجد
الحالة :
تقرير أكثر من رائع
بارك الله فيك واسعدك بسيارتك
سبحان الله وبحمده سبحان الله العظيم
رقم العضوية : 70100
تاريخ التسجيل : 09May2010
المشاركات : 4,215
النوع : ذكر
الاقامة : المحله الكبرى
السيارة: kia.carens
السيارة[2]: octavia fantazia
دراجة بخارية: ......................
الحالة :
ربنا يبارك
شكرا على نقل التجربه العربيه بدأت تنتشر وبنشوفها كتير بس لو كل اللى اشترى اوكتافيا جاء الى هنا هتلاقى كده كام واحد هيستلموه..... والفتيس ..وفلوسك راحت... وممكن اللى اشترى يتعالج نفسيا بعدها
المفضلات