السلام عليكم

انا لسه مروحتش اكشف على العربية بس حابب اعرف تشخيصكم.....في عرضين ليهم علاقة بالحرارة

اول حاجة
بداية الموضوع كانت في أواخر الصيف الماضي....كانت الحرارة بتزيد عن النص بشوية لما يكون ال ٣ حاجات دي موجودة مع بعض
١- درجة الحرارة الخارجية ٣٧ و انت طالع
٢- مشغل التكييف
٣- الطريق زحمة شديدة و شبه مش بنتحرك لمدة ٢٠ او ٣٠ دقيقة

لازم ال ٣ حاجات مع بعض.....يعني مثلا لو قفلت التكييف درجة الحرارة بتنزل تدريجيا لمستواها الطبيعي
لو شغلت التكييف تاني بعد لما تنزل......تثبت شوية و بعد كده تعلى تاني


العرض التأني حصل مرة او مرتين الصيف اللي فات و مرة النهاردة
كل شئ طبيعي جدا و مشغل التكييف و كله تمام

أبطل العربية و انزل اعمل حاجة لمد ٥ او ١٠ دقايق و ارجع أدور علشان امشي
مؤشر الحرارة ينط لقبل الاخر بشوية و بعد كده يبتدي يرجع للطبيعي تاني في خلال ١٥ ثانية مثلاً


ايه رأيكم ؟