حد نفسن عليك من ال Hr وانت رايح مقابلة عمل ؟

**M!NA** · 09-10-2008 01:54 PM

المشاركة الأصلية كتبت بواسطة gemino

حصلت معايا مرة فى موبينيل من اكتر من 4 سنيين بس بطريقة غريبة أوى بدات باستفزازات سخيفة و بعد كده بدأ الشخص اللى بيعمل الاختبار او المقابلة باستقبال مكالمات على التليفون المحمول و بمدد طويلة اكثر من 6 و 7 دقائق و ما كان منى بعد المكالمة الثالثة الا ان انا قمت و فتحت الباب و مشيت و سبته بكل بساطة من غير و لا كلمة او من غير حتى ما ابصله !!

انتا كنت رايح على positon ايه؟

**fiatto** · 09-10-2008 02:12 PM

المشاركة الأصلية كتبت بواسطة creative

بصوا انا مع اغلب الاراء اللى اتقالت لانى فعلا عملت انترفيوهات كتير وفعلا معظم اللى فى الاتش ار بيعملوا كده
للعلم انى مخلص دبلومة فى الاتش ار من كامبريدج وكنت ناوى انى اكمل دراسة واعمل ماسترز فيها فى الجامعة الالمانية
ولما حبيت اغير الكاريير بتاعى انى اشتغل فى الاتش ار
ولما اكون بحب اشتغل فيها تلاقى فعلا بتاع الاتش ار اتغير لما تقوله معايا بكالورويس بدرجة جيد ودبلومة من كامبريدج وكورسات من الجامعة الامريكية
وخبرة فى فودافون وفى بنك امريكى
سبحان الله تحس انه لازم يقلل منك ....
وفعلا انا لحد دلوقتى بشتغل فى مجال تانى ومش قادر اشتغل فى المجال اللى حبيته
هى دى بلدنا .... واكيد ... انت كده فى مصر

هو ده بالظبط اللى قصدى عليه ياجماعة , اول مايلمح فيك ولو لمحة انك فيك شئ مميز فما بالك بشهاداتك وخبرتك يبتدى ينفسن عليك ويسخف بشكل ما انجازاتك بحجة ان العمل مش محتاج كل الهيصة دى اللى انت انجزتها , او يبتدى يتجاهلك زى ما حصل مع العضو المحترم اللى اتقدم لموبينيل وسابه واتكلم فى المحمول .

**Ghamrawy** · 09-10-2008 02:16 PM

المشاركة الأصلية كتبت بواسطة vw_driver

انتا كنت رايح على positon ايه؟

محاسب فى حسابات الفروع

**Dream286** · 09-10-2008 02:27 PM

المشاركة الأصلية كتبت بواسطة gemino

محاسب فى حسابات الفروع

تفتكر مين كان بيعمل معاك الانترفيو
اسمه او شكله ؟
على فكرة انا من موبينيل

بالنسبة للموضوع الاساسي
انا عملت مقابلات كتير قبل موبينيل
الموضوع مش بيكون مقصود بيه استفزاز او انا اللي اعرفه ان الانترفيو زي الشطرنج اللي بيعمل معاك المقابلة بيحاول يعرف ايه عيوبك عشان تبقي واضحة ادامه لأن طبعا مسئولية الاختيار هتقع عليه في الاخر
لكن هو بيكون هادي ( بارد ) الى حد كبير بمعنى انك مش بتلاقي منه اي انفعالات توضح نيته
مكدبش عليك في نقط طبعا جايز يتسبعدك عنها مش لعيب فيك وانما لحاجات تانية
يعني مثلا الشركة مقرها في القاهرة
لو اتقدم لها ناس من محافظات تانية هيفضل بتوع القاهرة عشان يضمن الاستمرارية ولأنه عارف ان اللي هيجي مغترب يبقى متوقع مرتب اعلى الا لو كان المغترب فيه مزايا رهيبة عن بتاع القاهرة

**fiatto** · 09-10-2008 02:45 PM

المشاركة الأصلية كتبت بواسطة Dream286

الموضوع مش بيكون مقصود بيه استفزاز او انا اللي اعرفه ان الانترفيو زي الشطرنج اللي بيعمل معاك المقابلة بيحاول يعرف ايه عيوبك عشان تبقي واضحة ادامه لأن طبعا مسئولية الاختيار هتقع عليه في الاخر

اتمنى يكونو بالمسئولية دى !

**yahyanaabil** · 09-10-2008 02:54 PM

حصلت مع اختى لما كانت بتعمل مقابله عشان كانوا عايزين يرقوا ناس فى الشركه نفسها رغم ان اختى خبره 6 سنين فى المجال وهيه من الناس القليله اللى فى الشركه اللى بتعمل شغلها صح بس اخدوا واحده تانيه عشان اختى مش بتسكت على الغلط وهما مش عايزين حد يوجع دماغهم وقالو ان تعاملها عنيف شويه
من الاخر ال hr بياخد واحد على مزاجه بغض النظر عن خبرته او شهادته او الكلام ده يعنى عايزه واحد لما يقوله يمين يروح يمين بدون نقاش

**fiatto** · 09-10-2008 03:08 PM

المشاركة الأصلية كتبت بواسطة yahyanaabil

من الاخر ال hr بياخد واحد على مزاجه بغض النظر عن خبرته او شهادته او الكلام ده يعنى عايزه واحد لما يقوله يمين يروح يمين بدون نقاش

غالبا هو ده اللى بيحصل , اشكر مشاركتك .

**banboty** · 09-10-2008 03:15 PM

انا شايف ان الموضوع كله رزق و نصيب .. مهما عملوا بتوع الاتش ار ,

لو مكتوب لك

هتجيلك هتجيلك غصبن عنه

والاية الكريمة بتقول ( و المقسمات امرا ) من سورة الذاريات

يعنى ربنا مقسم الارزاق بكل انواعه و اشكاله بين عباده ....

اما اللى فاكر من البشر ان بأيده يشيل ده و يحط ده و بيعملها متعمدا وفق مصالح شخصية , بعيدا عن مصلحة العمل و مقتضيات الوظيفة

فحسابه عسير عند ربه ..