الموضوع: أسعار وكماليات اوكتافيا a7 1600 cc 2015

المشاركة الأصلية كتبت بواسطة Hany Saad

فعلاً فتيس الفوكاس هو الPower Shift و هوه عبارة عن ديوال كلاتش أخو ال dsg بالظبط و فيه مشاكل كتير و مسمع بره
اللى يخلينى أجيب ديوال كلاتش يبقى أجيبه مع موتور تربو زى الباسات أو الجيتا أو ال A7 زى ما حضرتك أوضحت
وقت ما كنت بشترى عربيتى بصيت على الفوكاس....مقارنة بقاعدة العجلات 2700 مم لفئة ال C segment حسيت أن الفوكاس ضيقة و خصوصاً من الخلف و كماليات ضعيفة على سعرها....توكيل ضبابى حتى الأن...ملهاش سوق خالص فى المستعمل و لا قطع الغيار.....وده اللى خلانى أصرف نظر عنها....طبعاً لا أختلف عن أنها نموذج فى ال handling و متعة القيادة و لكن بالنسبة لى مكنتش تنفع.

تحياتى

فعلاً الفتيس مشاكله كترت بره وبالأخص في الزحمة كعادة النوع ده من الفتيسات.
أنا شخصيا مش هدفع فلوس في عربية معيوبة من أولها أصلاً......يعني طالما الفتيس بدبرياجات وعاملي فيها اوتوماتيك يبقي هبعد عنها.....لأني لو جبنها يبقي انا بدفع فلوس في مشاكل كتيرة عالفاضي.
الفوكس عربية عجبتني كمنظر داخلي وخارجي....بس هي ضيقة من قدام ومن وره والخامات الداخية فيها بلاستيك كتير وجودتها مش زي الاسترا ولا الجولف ولا الأوكتافيا (اللي هي الجولف برضه). بس ده مش معناه انها فقيرة من جوه.....لا هي بس مش قد العربيات التانية.
نيجي بقه للhandling حضرتك جربت تسوقها ؟؟؟؟ اصل الكلمة دي بتاعت المواقع والتقرير الإنجليزية بس........انا كنت بفكر في الفوكس قبل ماجيب الاسترا والصدفة ان قريبي كان عندو جيتا 2010 وجابت منه فتيس 3 مرات.....فباعها وجاب الفوكس.....فقلت اجربها بقه.....الهربية عزلها ممتاز والعربية رياضية وبتحسسك بالشارع كويس قوي.....بس للأسف مش ثابتة زي الأسترا ولا الجيتا.....وده كلامه هو كمان....قالي انه حاسس انه نزل لما جاب الفوكس وان الجيتا أحسن منها......وده كان إنطباعي برضه بس هو اكدهولي بقه.
العربية كنا ماشيين علي 170 وانا حاسس ان العربية خفيفة مش عارف ليه وكان لما شيروكو عدة جنبنا بسرعة العربية اتهزت كده......فهي ثباتها جميل...بس مش زي الألماني برضه......وانا شفت التقارير بتاعت المواقع الإنجليزية وقلت يعني أن الفوكس دي مفيش بعدها في الثبات ومتعة القيادة....بس اللي اكتشفته أن فورد وفولكس دول SPONSORS لمعظم المجلات اللي بتجرب العربيات وبالاخص carbuyer وwhatcar.....فعمرهم مبيقولوا علي نقاط الضعف اللي في العربية.
واتأكدت لما جربت الفوكس ولما الوالد جاب الفولفو علي كلام المواقع برضه ولقاها حاجة تانية.

اول فئة مفيهاش كاسيت سي دي ولا انا قريت غلط ؟؟ !!!!!!!!!!!!!!!!!!!!!!!!!!!!!

المشاركة الأصلية كتبت بواسطة Hany Saad

اشكر حضرتك جداً على التوضيح.....لأ انا بصراحة مسوقتش فورد قبل كده بس كل المواقع زى ما حضرتك ذكرت و كتير من الأعضاء كانوا بيحكوا و يتاحكوا عن الثبات و ال handling و الfeedback بتاع الدريكسيون و انه مش vague
كده واضح ان المواقع دى biased .....فعلاً اللى يشترى على السمع ممكن يلبس فى الحيطه
انا بصراحة العربية مكيفتنيش من اول ما شوفتها....انا كمان ما بحبش و لا العربيات النادرة الانتشار ولا كمان العربيات المرترتة مع كل الناس.... الوسط فى الانتشار معقول علشان برده العربية يبقى ليها برستيجها و مميزة شوية و فى نفس الوقت ليها سوق و قطع غيار
تحياتى

العفو يا باشا....أنا بحاول اكون امين علي قد مقدر....خصوصاً إننا مجربين حوار الREVIEWS ده ولبسنا في الحيط فعلاً وكانت اول عربية نبيعها في اقل من سنة وخسرنا فيها جامد.
بس الفوكس عربية حلوة طبعاً والSteering فعلا جميل وموزون بس ثباتها العام في الأخر مش حلو....يعني هي بتحسسك بالLIMITATIONS بتاعتها برضه.....بس فيها حاجات مش عاجباني اكتر من الحاجات اللي عاجباني.
هما المواقع دي أستاذة في الBIAS خالص....هاتلي موقع إنجليزي واحد بيقول ان الDSG فتيس وحش او مشاكله كتير.....وأكيد كلنا عارفين مشاكل الDSG مش محتاجين مواقع.....دنا حتي كنت بشوف علي carbuyer الreview بتاع الباسات....ولقيتو بيقول أن الDSG فتيس جميل وناعم وبينصح بيه لأنه زي الفل !!!!!!!!!!!!!!!!!!! رحت قفلت الموقع كله لأني اتقفلت منه الصراحة !!!! للدرجة دي كدابين !!!!!! يعني الDSG معروف عالمياً بمشاكله تيجي أنت تقولي فتيس جميل وناعم !!!!!! ويقلك شكلها STYLISH!!!!!! الباسات Stylish !!!!! إزاي ؟؟؟ دنا بحس اني عايز أنام لما بشوفها !!!!.

هى فعلا 1600 cc صناعه هندى ولا ايه بالظبط؟؟؟؟؟؟؟؟؟؟

المشاركة الأصلية كتبت بواسطة dr.medo

هى فعلا 1600 cc صناعه هندى ولا ايه بالظبط؟؟؟؟؟؟؟؟؟؟

فى التوكيل بيأكد انها بلجيكى زى 1400 تربو