استعدادا لفووورمة الساحل ... عايز اشتري عجله

زي العنوان مابيقول كده بالظبط
الحمد لله ربنا وفقنى وقدر اخس حوالى ٧ كيلو ونص فى شهر واسبوع عن طريق الدايت القاسي
بس بقالى اسبوع وزنى ثابت
بعض المحيطين نصحوا بممارسة الرياضه وخصوصا ركوب الدراجات مع استعمال Fat Burner
وده ان شاء الله اللى هايتم
وهنا بدأت رحلة البحث عن عجله مناسبه وسمعت اسعار تخض بدايه من ٤٠٠٠ جنيه وانت طالع
انا طبعا عايز نوع محترم وخفيف وفرامل ديسكات وياحبذا لو Shimano هى والنقلات
ياترى ايه ارخص مكان ممكن اشتري منه عجله محترمه بسعر كويس ؟؟
واللي عنده برضه عجله نوع معروف وكويس ومش عايز فووووورمة الساحل يقولى وانا اشتريها منه بس شرط الحاله

واشكركم لحسن استماعكم وربنا مايوقف كرشكوا فى طريق فورمتكوا

ملحوظه: الدراجه المطلوبه من النوع Mountain Bike, Full Suspension

متابع بس عايز أعرف الرجيم القاسى ده كان إيه !!

اقتباس:

---

المشاركة الأصلية كتبت بواسطة amrmoro

متابع بس عايز أعرف الرجيم القاسى ده كان إيه !!

---

الرجيم القاسي ده عباره عن سلطه بأي كميه + فراخ مشويه بدون جلد بأي كميه + فاكهه بأي كميه
ممنوع منعا باتا
العيش
الرز
المكرونه
الحلويات
اللبن كامل الدسم
السكر العادي
اى صلصه او مسبكات او مقليات

من الاخر انا وجبتى كانت بتتكون من نص فرخه مشويه بشيل منها الجلد واقطعها على طبق سلطه كبير ولو جعت باكل سلطة فواكه
مع شرب الميه بكميات كبيره

انصحك بدوبيزل أسعاره معقوله و الحاجه شكلها استعمال محترم

اقتباس:

---

المشاركة الأصلية كتبت بواسطة م/محمد صلاح

الرجيم القاسي ده عباره عن سلطه بأي كميه + فراخ مشويه بدون جلد بأي كميه + فاكهه بأي كميه
ممنوع منعا باتا
العيش
الرز
المكرونه
الحلويات
اللبن كامل الدسم
السكر العادي
اى صلصه او مسبكات او مقليات

من الاخر انا وجبتى كانت بتتكون من نص فرخه مشويه بشيل منها الجلد واقطعها على طبق سلطه كبير ولو جعت باكل سلطة فواكه
مع شرب الميه بكميات كبيره

---

جميل الكلام دة بس خلى بالك انت ماينفعش تعيش كدة علطول لازم هاترجع تاكل تانى طبيعى
خلى الرجيم بتاعك زى مابيقولوا كدة life style

وبعدين تمت عملت زيك قبل كدة ونزلت بس مجرد ماتقف عن الرجيم بتكسب وزن اية ماقولكش وبترجع تانى خلى بالك وحاول تثبت وزنك زدية اهم مرحلة

و عايز نصيحه؟
مافيش حاجه بتعادل الجري

طب انا عندى العجلة عاوز نوع فات بيرنر محترم وحد مجربه حتى لو غالى عشان ميكونش ليه اضرار جانبية انا محتاج أخس 10 كيلو وسفرى الدائم بيخلى العادات الغذائية مش متزبطة فمضطر ألجأ للفات بيرنر

روح الجيم احسن

لو عاوز تخس هات عجله تقيله مش خفيفة علشان تخليك تبذل مجهود

بص يا دكتور بعد لف كتير السنة الماضية
وجدت ارخص الاسعار
دراجة بيجو من بسكتلة بحوالى 3500 صناعة صينى
ودراجة ملهاش اسم فى ابو الجوخ بحوالى 1750 تقليد البيجو بالظبط

بس لاحظ ان ده اسعار العام الماضى
ولازم تشترى من واحد منهم عشان تعرف تعمل صيتانة للعجلة

علشان وزنك ينزل لما تلخبط يومين يعنى تاكل اكل عادى لمنده يومين وبعد كدا رجيم تانى علشان جسمك يقبل الرجيم مره اخرى

بالنسبه للاكل العادي انا بلخبط فعلا بس وجبه واحده كل اسبوع مش يوم او يومين
بالنسبه للفات بيرنر افضل شئ هو Lipo 6 Black بس خلى بالك ان اى فات بيرنر محتاج ممارسة رياضه عشان مايسببش مشاكل
بالنسبه للجري والجيم ده اكيد .. بس لما تروح الجيم بالعجله غير لما تروحه بالعربيه .. انا عايز الماكسمم وورك
هاعدى على ابو الجوخ وبسكلته وربنا يسهلها بس ٤٠٠٠ جنيه فى عجله كتير قووووووي

في كذا نقطه هكلمك الأول في موضوع الأكل
1- لأ انت ممكن تعيش حياتك كللها كده عادي مافيش حاجه اسمها ترجع للأكل العادي لأنه غلط
طالما بتاكل كل العناصر (بروتين 50%, كاربوهيدرات معقده 40%, دهون مفيده10%)
اليوم اللي هتلخبط فيه مش مشكله بس ماتعديش يعني مثلا 300 كالوري زياده عن احتياجك (بالنسبه لوزن جسمك)

2- انت قيست نسبة دهونك ؟ (عشان تعرف انت لازم تخس قد ايه)

4- مش عارف اسعار العجل دي ايه بصراحه, بس لو انت في مكان يسمحلك بالجري, اجري احسن

5- الكارديو عموما مايزيدش عن 4 مرات في الاسبوع, انت لو بتعمله كل يوم جسمك هياخد عالمجهود, ده مش وحش بس بلاش من كده وانت بتخسس

5- الليبو 6 بلاك كويس طبعا, بس الحوارق انت وتقبل جسمك ليها يعني للأسف مش هتعرف الا لما تجرب

6- ياريت ماتنساش تشرب مايه, واللي يقوللك انها بتتخن, انت عارف هتقوله ايه طبعا :)

اقتباس:

---

المشاركة الأصلية كتبت بواسطة abdulkhaleq

في كذا نقطه هكلمك الأول في موضوع الأكل
1- لأ انت ممكن تعيش حياتك كللها كده عادي مافيش حاجه اسمها ترجع للأكل العادي لأنه غلط
طالما بتاكل كل العناصر (بروتين 50%, كاربوهيدرات معقده 40%, دهون مفيده10%)
اليوم اللي هتلخبط فيه مش مشكله بس ماتعديش يعني مثلا 300 كالوري زياده عن احتياجك (بالنسبه لوزن جسمك)

2- انت قيست نسبة دهونك ؟ (عشان تعرف انت لازم تخس قد ايه)

4- مش عارف اسعار العجل دي ايه بصراحه, بس لو انت في مكان يسمحلك بالجري, اجري احسن

5- الكارديو عموما مايزيدش عن 4 مرات في الاسبوع, انت لو بتعمله كل يوم جسمك هياخد عالمجهود, ده مش وحش بس بلاش من كده وانت بتخسس

5- الليبو 6 بلاك كويس طبعا, بس الحوارق انت وتقبل جسمك ليها يعني للأسف مش هتعرف الا لما تجرب

6- ياريت ماتنساش تشرب مايه, واللي يقوللك انها بتتخن, انت عارف هتقوله ايه طبعا :)

---

هارد على حضرتك واحده واحده
١) اللخبطه بالنسبالي بتبقى عباره عن رغيف عيش بجبنه بيضا ملح قليل .. دى اللى بعتبرها لخبطه .. انا يشرب نسكافيه بلبن خالي الدسم وسكر دايت حوالي ٣ مرات فى اليوم او ٤
٢) انا ماقيسش نسبة الدهون او مش محتاج اقيسها لأنى عارف انى اوفر ويت .. انا طولى 170 وكان وزنى 106.5 ... والحمد لله وصلت دلوقتى ل 98.5 ودى اول مره تحصل انى اكسر حاجز ال 100 كيلو .. ولسه محتاج حوالى 23 كيلو كمان عشان اوصل 75 ان شاء الله
3) انا ساكن فى الاسماعيليه وكلها جناين واماكن للجري ويمكن نص البلد بينزل يجري فى المنطقه دى
4) بالنسبه للكارديو فانا هاقولك حاجه .. انا اللى خسيته ده خسيته وانا فى الشغل فى الصحرا (انا مهندس بترول) وكان عباره عن دايت وشوية تمارين هبله جدا ماتعتبرش تمارين .. يعنى ضغط وبطن ودامبلز (انا طبيعة حسمي ان صدري عريض ومشكلتى مع الكرش)
5) الليبو سكس هاجربه وربنا يسهل بس الريفيوهات عنه كويسه وبفكر اخد كروماكس قبل الوجبات التقيله فى اليوم الفري
6) بالنسبه للميه فأنا اصلا بحب الميه وتقريبا كل يوم حوالى 3 او 4 لتر ميه بشربهم واللى بيتكلم عن الميه ببخها فى وشه هههههههه

اقتباس:

---

المشاركة الأصلية كتبت بواسطة م/محمد صلاح

هارد على حضرتك واحده واحده
١) اللخبطه بالنسبالي بتبقى عباره عن رغيف عيش بجبنه بيضا ملح قليل .. دى اللى بعتبرها لخبطه .. انا يشرب نسكافيه بلبن خالي الدسم وسكر دايت حوالي ٣ مرات فى اليوم او ٤
٢) انا ماقيسش نسبة الدهون او مش محتاج اقيسها لأنى عارف انى اوفر ويت .. انا طولى 170 وكان وزنى 106.5 ... والحمد لله وصلت دلوقتى ل 98.5 ودى اول مره تحصل انى اكسر حاجز ال 100 كيلو .. ولسه محتاج حوالى 23 كيلو كمان عشان اوصل 75 ان شاء الله
3) انا ساكن فى الاسماعيليه وكلها جناين واماكن للجري ويمكن نص البلد بينزل يجري فى المنطقه دى
4) بالنسبه للكارديو فانا هاقولك حاجه .. انا اللى خسيته ده خسيته وانا فى الشغل فى الصحرا (انا مهندس بترول) وكان عباره عن دايت وشوية تمارين هبله جدا ماتعتبرش تمارين .. يعنى ضغط وبطن ودامبلز (انا طبيعة حسمي ان صدري عريض ومشكلتى مع الكرش)
5) الليبو سكس هاجربه وربنا يسهل بس الريفيوهات عنه كويسه وبفكر اخد كروماكس قبل الوجبات التقيله فى اليوم الفري
6) بالنسبه للميه فأنا اصلا بحب الميه وتقريبا كل يوم حوالى 3 او 4 لتر ميه بشربهم واللى بيتكلم عن الميه ببخها فى وشه هههههههه

---

خلاص, انت كده ماشي كويس قوي الحمد لله, بلاش السكر الدايت, المشكله اصلا مش في السكر العادي, المشكله في (مجموع السعرات كللها خلال اليوم)
وده سبب تاني يخللينا لازم نعرف نسبة الدهون, ليه ؟؟
خلينا نقول ان وزنك 100 كيلو, ووزنك بنسبة دهون 15% (مثلا) 70 كيلو
يبقى الصح انك تاخد سعرات بتاعة واحد وزنه مثلا 95 كيلو لمدة شهر
وكل شهر ننزل 5 كيلو (من مجموع السعرات) وكده ان شاء الله مع الكارديو هتلاقي وزنك بينزل منغير ماتدوخ او تحس ان وشك سقط, ده القصد
انت خسيت في الشغل عشان ظبط اكلك وعملت شوية مجهود بدني, تخيل بقى لو اضفت موضوع الجري :E_braces[1]:

ياللا, عاش واستمر وبالتوفيق

بما انك من الإسماعيلية
جرب تنزل مع Ismailia Cyclists
بينزلوا كل جمعة
انا بردوا وزني زاد حدود 13 كيلو الكام شهر الفاتوا دول
و بنزل معاهم ساعات بالعجله و كل مره تراك جديد
و لو معندكش عجل ممكن تأجر ب 10 جنية في اليوم تقريبا لو عجبك الحوار تشتري هجلة و تنزل يوميا و كده
انا معايا عجله مونتن بس صيني " جايبها من زمان أوي " تقيله ف متعبه بس حلوه في التخسيس :D

اقتباس:

---

المشاركة الأصلية كتبت بواسطة Ramy_2R

بما انك من الإسماعيلية
جرب تنزل مع Ismailia Cyclists
بينزلوا كل جمعة
انا بردوا وزني زاد حدود 13 كيلو الكام شهر الفاتوا دول
و بنزل معاهم ساعات بالعجله و كل مره تراك جديد
و لو معندكش عجل ممكن تأجر ب 10 جنية في اليوم تقريبا لو عجبك الحوار تشتري هجلة و تنزل يوميا و كده
انا معايا عجله مونتن بس صيني " جايبها من زمان أوي " تقيله ف متعبه بس حلوه في التخسيس :D

---

انا اول مره اسمع عن Ismailia Cyclists ده بصراحه .. ولا حتى شوفت تجمعات ليهم ولا قابلتهم صدفه حتى .. دول اوصلهم ازاي وبيتجمعوا فين ؟؟
بالنسبه للعجله انا ان شاء الله ناوي اشتري مش هأجر واللى عايزها برضه ماونتن
بس سؤال لحضرتك .. هل فعلا ركوب العجله ساعدك فى انقاص الوزن ؟؟

اقتباس:

---

المشاركة الأصلية كتبت بواسطة abdulkhaleq

خلاص, انت كده ماشي كويس قوي الحمد لله, بلاش السكر الدايت, المشكله اصلا مش في السكر العادي, المشكله في (مجموع السعرات كللها خلال اليوم)
وده سبب تاني يخللينا لازم نعرف نسبة الدهون, ليه ؟؟
خلينا نقول ان وزنك 100 كيلو, ووزنك بنسبة دهون 15% (مثلا) 70 كيلو
يبقى الصح انك تاخد سعرات بتاعة واحد وزنه مثلا 95 كيلو لمدة شهر
وكل شهر ننزل 5 كيلو (من مجموع السعرات) وكده ان شاء الله مع الكارديو هتلاقي وزنك بينزل منغير ماتدوخ او تحس ان وشك سقط, ده القصد
انت خسيت في الشغل عشان ظبط اكلك وعملت شوية مجهود بدني, تخيل بقى لو اضفت موضوع الجري :E_braces[1]:

ياللا, عاش واستمر وبالتوفيق

---

انا فعلا فى الاجازه هايبقي قدامى فرصه للجيم والجري ... بس برضه هايبقي قدامى المحاشي والمحمر والمشمر .. ربنا يسترها
انا الطبيعي بدون اى ريجيم بخس ٢ كيلو لما بطلع الشغل .. وبارجع ازيدهم تانى ولكن اخر اجازه المدام بصراحه كانت بتتفنن فى بعض الاختراعات وخصوصا بالليل .. ايشي جلاش بالجبنه وحاجات من دي فزدت ٤ كيلو مش ٢ اللى متعود ازيدهم ومن هنا كان فراري انى لازم اخس والحمد لله خسيت ٨ كيلو ومستمر بس ربنا يسترها من اكل مراتى وامى ورمضان عالابواب :213-1107231241[1]::3mla::3mla::3mla:

اقتباس:

---

المشاركة الأصلية كتبت بواسطة م/محمد صلاح

انا اول مره اسمع عن ismailia cyclists ده بصراحه .. ولا حتى شوفت تجمعات ليهم ولا قابلتهم صدفه حتى .. دول اوصلهم ازاي وبيتجمعوا فين ؟؟
بالنسبه للعجله انا ان شاء الله ناوي اشتري مش هأجر واللى عايزها برضه ماونتن
بس سؤال لحضرتك .. هل فعلا ركوب العجله ساعدك فى انقاص الوزن ؟؟

---

بص هو التجمع بيكون من 7 ل 7:30 الصبح
و بيخلصوا على 9 مثلا
ف مش حتشوفهوم إلا لو بتنزل الجمعة الصبح
الأسبوع القبل الفات كانوا مستضفين بدردو فرقة عجل من القاهره

التأجير قصدي عشان تجرب الموضوع عجبك ولا لأ بدل ما تلبس عجلة ب 3000 مثلا على الفاضي
او ممكن تشتري واحده صيني ب 800 مثلا تجربي بيها الموضوع

عن التخسيس
انا حاليا عندي أمتحانات و أخر سنة في الكلية ف مش منتظم أوي
ف مش حقدر أفيدك في موضوع الوزن ده أوي
بس هي ظبطتلي نفسي و اللياقه و كده
بس الفتره ال كنت بمارس فيها العجل في حياتي عموما كان جسمي متظبط عن كده
+ انا كنت بروح الجيم و بجري زمان
في تأثير العجلة عموما عليه من حيث الاحساس
حاسه أقل من الجري بس ممكن تواظب عليه أكتر و ممتع أكتر و مدته أكبر

اقتباس:

---

المشاركة الأصلية كتبت بواسطة م/محمد صلاح

انا فعلا فى الاجازه هايبقي قدامى فرصه للجيم والجري ... بس برضه هايبقي قدامى المحاشي والمحمر والمشمر .. ربنا يسترها
انا الطبيعي بدون اى ريجيم بخس ٢ كيلو لما بطلع الشغل .. وبارجع ازيدهم تانى ولكن اخر اجازه المدام بصراحه كانت بتتفنن فى بعض الاختراعات وخصوصا بالليل .. ايشي جلاش بالجبنه وحاجات من دي فزدت ٤ كيلو مش ٢ اللى متعود ازيدهم ومن هنا كان فراري انى لازم اخس والحمد لله خسيت ٨ كيلو ومستمر بس ربنا يسترها من اكل مراتى وامى ورمضان عالابواب :213-1107231241[1]::3mla::3mla::3mla:

---

سبحان اللة كأنك بتحكى مشكلتى بالظبط انا بردة فى شركة بترول وشغال Safety eng
ولما بكون فى الشغل باخد معايا سكر دايت وبقضيها سلطة انت عارف بقى فرصة اكل البراريم لايسمن ولايغنى من جوع هههههههههههههههههههههههه ووعلى اخر الشيفت بتاعى بكون نازل حوالى 3 كيلو وفرحان
بس تنزل بقى يوم غدا عند الوالدة ويوم عند حماتك تلاقى الدنيا باظت تانى :_Alshmokh08[1]:
علىشان كدة الموضوع عايز ارادة وحاسس بيك :crying1:
بس لما تنزل بقى حاول تروح الجيم يوم وتجرى يوم يعنى وهكذا مش عايز اقولك الجرى دة احسن من العجلة
حضرتك بقى شغال فين؟

واضح ان السمنةمشكلة مشتركة بين مهندسين البترول يا رجالة أنا كمان فى البترول بس مش عارف أحافظ زيكم الأكل هنا غير صحى بالمرة :((((((

اقتباس:

---

المشاركة الأصلية كتبت بواسطة mastr_n

سبحان الله كأنك بتحكى مشكلتى بالظبط انا بردة فى شركة بترول وشغال Safety eng
ولما بكون فى الشغل باخد معايا سكر دايت وبقضيها سلطة انت عارف بقى فرصة اكل البراريم لايسمن ولايغنى من جوع هههههههههههههههههههههههه ووعلى اخر الشيفت بتاعى بكون نازل حوالى 3 كيلو وفرحان
بس تنزل بقى يوم غدا عند الوالدة ويوم عند حماتك تلاقى الدنيا باظت تانى :_Alshmokh08[1]:
علىشان كدة الموضوع عايز ارادة وحاسس بيك :crying1:
بس لما تنزل بقى حاول تروح الجيم يوم وتجرى يوم يعنى وهكذا مش عايز اقولك الجرى دة احسن من العجلة
حضرتك بقى شغال فين؟

---

انا Mud Engineer فى Halliburton
وفعلا انا خدتها فرصه لأنى اصلا ماباكلش من اكل البريمه
ويارب اقدر اكمل لما ارجع .. انا مش خايف غير من رمضان والعزومات والحلويات