الموضوع: حادث امامي لبرسونا 2014

المشاركة الأصلية كتبت بواسطة eng f3lix

لو حضرتك وديت العربية لشركة التأمين نفسها مش هتدفع اي حاجة .. اعتقد اي شركة تأمين ليها مركز هيكون في ابو رواش

اما لو وديتها للتوكيل في ابو رواش هيجي المندوب بتاع الشركة يشوف المقايسة ويوافق عليها او ممكن يتفاوض شوية مع التوكيل .. ومش هتدفع حاجة تقريباً والتأمين هو اللي هيخلص كل حاجة مع التوكيل

اما بقى لو وديتها ورشة برة فاحضرتك بتدفع والتأمين بيديلك شيك بعد فترة "معرفش المدة" .. وبتتحمل 10% من قيمة قطع الغيار المستبدلة يعني لو قطع الغيار ب 5000 جنيه هتتحمل منهم 500 جنيه بس .. السمكرة والدوكو بيديك فيهم سقف 2000 جنيه تقريباً .. ومبتتحملش منهم حاجة ساعت مابتاخد شيك التعويض

ده نظام شركة قناة السويس للتأمين اللي انا كنت مأمن معاها .. بصراحة معرفش الشركة اللي مع حضرتك كدة ولالا

كلمتهم في الموضوع ده قالولي لأ مبيعملوش الخدمة ده, انا فعلا بدفع 10% من التوتال بس دول بيتخصمو لما يجو يعوضوني, حاليا انا شايف احسن حل اني اروح ورشة تكون عنها قطع غيار اصلية ومحترمة بس تكون اسعارها في المعقول واتكل علي الله بقي. عشان رمضان في الحر بصراحة جميل من غير تكييف :)

ارجو الافادة بافضل الاماكن للتصليح غير امير وجوزيف. وارقام تليفوناتهم لو متاحة.

ارجو الافادة بافضل الاماكن للتصليح غير امير وجوزيف. وارقام تليفوناتهم لو متاحة. مساعدة يا جماعة العربية مركونة بقالها اسبوع كده.

المشاركة الأصلية كتبت بواسطة eng f3lix

ياباشا ودي عربيتك على ورشة نايل موتورز .. ناس محترمة وشغلهم عالي جداً

قطع الغيار ممكن تجيبها من التوكيل جديدة اصلية او من الحرفيين استيراد حسب السيولة اللي معاك .. واعمل حسابك في الفواتير عشان التأمين يحاسبك

معلش بقي تعبك معايا يا باشا، تمام انا انشاء الله هوديها علي هناك، بس عندي استفسار بسيط.
الفرق ما بين الأصلي والمستورد من حيث المتانة والأداء كبير؟ وعلي حد علمي التوفيقية بيبيعو فيها قطع غيار اصليه أرخص من التوكيل، أرجو الإفادة وشكرا جداً ليك يا كبير.

المشاركة الأصلية كتبت بواسطة eng f3lix

انا تحت امرك ياباشا

الاستيراد هو اصلي اصلاً بس وارد الخارج

ومتصدقش اللي يقولك قطع غيار اصلية لان مفيش قطع غيار اصلية برة التوكيل

يعني حضرتك هتجيب قطعة الغيار من التوكيل او الحرفيين وترشها .. ممكن متلاقيش اكصدام وشبكة في الحرفيين عشان ممكن متلاقيش البيرسونا اليجانس هناك وهتضطر تجيبه من التوكيل .. لكن بقيت قطع الغيار كلها واحدة

تسلملي يا كبير والله, ربنا يكرم واظبطها انشاء الله علي الاسبوع الجاي.