الموضوع: اعمل ايه مع البنك الاهلى المصرى

المشاركة الأصلية كتبت بواسطة ahmed a.maksoud

الكارت بتاعك من البنك الأهلي و المكن اللي سحبت منه غالبا كان مكن بنوك تانية

القصة اللي حصلت بتبقى غالبا مشكلة شبكة.......بعد ما البنك صاحب المكنة طلب من البنك الأهلي سحب رقم معين من رصيدك......البنك الأهلي بعت رسالة تأكيد ان الرصيد يسمح و الرسالة موصلتش بسبب مشكلة في الشبكة
كده البنك صاحب المكنة من وجهة نظره طلب عملية من البنك الأهلي و البنك الأهلي مأكدش
و من وجهة نظر البنك الأهلي هو بعت تأكيد و المفروض ان العملية تمت

الوقت اللي طلبوه منك طبيعي جدا و متقلقش إن شاء الله خير
و بالنسبة للسحب من ماكينة البنك الأهلي المفروض بتعمل شكوى و هما بيعملوا جرد للماكينة و بتظهر الفلوس بتاعتك في الجرد بالزيادة و بيرجعوها.......دي اعتقد بتاخد ٥ ايام عمل بس

الله يباركلك عشان فهمتنى.

فعلا هما اربع عمليات اللى تموا على الكارد
1 ماكينة خاصة ببنك تاني
1 من البنك الاهلى .
2 محاولة سحب بالكارت من ماكينتين فيزا عند الكاشير عن طريق بنكبن تانين.ودول معايا الريسيتات بتاعتهم.

وربنا يسهل الامور والمفروض الكلام ده من 27-7 يوم الوقفة وكان بعدهم العيد فبعتبر ان مشكلتى من يوم 31-7.

المشكلة بقى انهم مش عارفين ليه متجنب والبنك يقولى اتصل بالاهلى فون والاهلى فون يقولى الفرع.ومحدش عارف يقولى الحل النهائى ايه.وكل شوية كمان كام يوم وابقى جرب الكارت تانى وشوف الحساب رجع ولا لا.طب لو مرجعش ,امممممم.اعترض تانى واعرف مرجعوش ليه..هههههههه

-من كام يوم روحت الفرع بتاعى وقلتلهم على الحساب المجنب وكان معايا ايصالات العمليات المرفوضة وقدموا بيها شكوى او ايميل للادارة وانا قاعد معاهم.

النهاردة كلمونى لان الحساب المتجنب رجع والحمد لله ولكن اللى كنت بحاول اسحبه من مكنة غير مكنتهم بعتوا ميل للادارة وفى انتظار الرد ولكن الموضوع ممكن ياخد حوالى 45-60 يوم.وادينى فى الانتظار.

وكلمونى كمان قسم الشكاوى عشان يعرفوا اذا كانت مشكلة الحساب المتجنب اتحلت ولا لا.مش عارف ليه مع انهم كلمونى الصبح وقالولى تمام.وفعلا الحساب المتجنب اتفك.

-بخصوص موضوع حضرتك هو جالك تنبيه على الموبايل ان اتسحب 1800 ؟ولو حضرتك روحت للفرع التابع ليه الحساب بكرة هتعرف ليه المبلغ اتسحب ويكون معاك ايصال العملية بتاع الصيدلية افضل.

يعنى اشتريت ب140 واتخصم 140 + 1800 ومعاك ايصال ب 140 ؟ يبقى حضرتك اطلع على الفرع وتشوف اتسحبوا ازاى ال1800 ومع ان مفيش بيهم تنبيه او وصلت رسالة بيهم.

لا انا مكنتش عارف الفلوس المتعلقة بتاعت ايه ولا حد عارف .ومتحلتش الا لما روحت الفرع.