الموضوع: عايز حل ل موضوع رفعي ده

المشاركة الأصلية كتبت بواسطة a7medsh3rawi

قول الحمد لله واشكر ربنا على النعمه اللى انت فيها
مش هتحس بقيمتها غير لما تروح منك لا قدر الله
ارضى بما قسمه الله لك تكن اغنى الناس

والعب رياضه ( سباحه او جرى او مشى او كمال اجسام )
نوع بين الرياضات او اختار اللى يعجبك منهم
وانت هتحس بالفرق فى صحتك العامه وقوة التركيز
الوزن مع الطول او شكل الجسم رفيع او تخين مش مقياس لحاجه

خلى عندك ثقه فى نفسك ومش مهم المناظر
ايه يعنى رفيع وهدومك واسعه عليك
المهم صحتك كويسه ومعندكش مشاكل او تعبان من حاجه

كلامك صح
هي المسألة عاوزة صبر شوية علي اي رياضة
واكل معقول

المشاركة الأصلية كتبت بواسطة 3mr farrag

[right]

مافيش نظام معين لازم تمشي عليه
شوف انت ممكن تحب ايه تاكل منه كميات كبيره تكون نسبه البروتين عاليه

هحاول ااقولك علي نظام لو تعرف تمشي عليه يبقي تمام اوي مع الباودر

4 علب تونه صغيره مفتفته و 8 بيضات بس اللي اعرفه ان الصفار فيه نسبه كوليسترول عاليه فا معظم اللي بيلعبوا جيم و مهتمين بالاكل بياكلوا معظم الوقت البياض بس
فراخ نأنأ فيها براحتك بالكميه اللي انت عايزها و اي حاجه قدامك بتحبها ماتقولش لأ لو فيها بروتين هتستفاد منها و لو فيها كالوري هتفيدك في الدهون

و اللبن فعلا كنت بشرب حوالي لتر و نص او ممكن لترين في اليوم بس كنت بشرب البودره علشان اخلي مثلا كوبايه مركزه كأنها بمقدار 3 كوبايات

بس اللبن بلاش منه علطول يعني اللي انا شايفه خليه مثلا في نص اليوم و قبل ماتنام
لأن اللبن بطيء الهضم و اول ما بتصحي بتبقي محتاج اكل يتهضم بسرعه و بعد الجيم نفس الكلام و قبل الجيم ممكن تاخد لبن بس علشان انت هتاخد سيرياس و فيه نسبه كربوهيدرات عاليه فبيبقي هو كمان بطئ الهضم و لو اخدته مع اللبن هيبقي المفروض بطئ اوي و انت المفروض في الجيم تكون معدتك هضمت الاكل كويس علشان نسبه الدم تكون مركزه علي العضلات

حاول تعمل النظام ده علي اربع مرات في اليوم ده غير الغدا لو عرفت تزود يبقي تمام ماتقلش لأ يعني اكيد

اما بخصوص السيرياس فالشكاره وزنها حوالي 5.5 كيلو بس انت ماتحسبهاش بالطريقه ديه يعني انك لازم تزيد وزن الشكاره و الكلام ده ديه حاجه و ديه حاجه تانيه خالص

كل اللي كتبته مع جيم لو من غير جيم هيبقي الاكل مختلف

فاتح الشهيه انا شايفه فاشل
هو فعلا بينيم بس اللي انا شفته منه
مش هتلاقي وقت تاكل و انت اصلا نايم :d

طيب دلوقتي ناس قالتلي في مكمل اسمه برو كومبلكس جينر هيكون افضل ليا ايه رأيك ؟؟

المشاركة الأصلية كتبت بواسطة s o p h o s

راي دكتور شاطر
ويكتبلك شئ يشجعك تمشي علي نظام كويس

هشوف إن شلء الله

المشاركة الأصلية كتبت بواسطة madyyuri

احمد ربنا علي النعمة اللي انت فيها

اكيد نعمة بس اهو ساعات الواحد بيتبتر علي النعمة :)

[QUOTE=a7medsh3rawi;3875694462]قول الحمد لله واشكر ربنا على النعمه اللى انت فيها
مش هتحس بقيمتها غير لما تروح منك لا قدر الله
ارضى بما قسمه الله لك تكن اغنى الناس

والعب رياضه ( سباحه او جرى او مشى او كمال اجسام )
نوع بين الرياضات او اختار اللى يعجبك منهم
وانت هتحس بالفرق فى صحتك العامه وقوة التركيز
الوزن مع الطول او شكل الجسم رفيع او تخين مش مقياس لحاجه

إن شاء الله هبدأ رياضة

متااااااااااابع و بحرارة ^_^

نفس مشكلتك تقريبا ،، انا مش رفيع لدرجة عصاية .. بس على مر الشهور و السنين بخس مش بتخن !!
و العامل النفسى معايا عامل شغله ،، انا فاكر فى فترة الامتحانات بتاعت الثانوية + شهرين بعدها خسيت 10 كيلو !!
و فى سنة من سنوات الجامعة خسيت فى امتحاناتها 5 كيلو فى شهر ونص الامتحانات !!

و حاليا شغلى بدل من ذهنى بس بقى ذهنى و حركى ( و بافراط )

-----------
الاكل : خفيييف ،، و مش بتاع اكل كتير ( مابقدرش آكل كتير ! )
الحركة : مستمرة ولا مفر منها تقريبا
الجيم : مفيش رفيق للجيم & مفيش جيم فى منطقتنا ... و الاهم : مفيش وقت اقدر انزل واركب مواصلة علشان اروح جيم

انا عاوز ازيد بتاع 20 كيلو ،، علشان ابقى تقيل شوية ... و عاوز نفسى يطول لإنى من قلة الرياضة بقيت قصير النفس ( و العضلات :( )
==================
- الرياضة لابد منها ،، بس هل ممكن العاب سويدى فى البيت ؟؟؟
- و النظام الغذائى ،، متابع معاكم علشان استفيد .. و لو ان بعد قراءة 5 صفحات اتلخبطت :) !


=========
و شكـــــرا لصاحب الموضوع الى اتاح لينا المنبر ده ;)

اخوك 180 سم و 115 كيلو ...لو كنت اعرف اديك 20 كيلو من عندي كنت اديتك :d

نظام غذائي خاص لزيادة الوزن للنحفاء

الإفطار :
2 بيض مقلي بالسمن + 3 ملاعق مربي بالقشطة + عيش فينو + شاي خفيف سكر زيادة .

تصبيرة
كوب حلبة مطحونة + قطعة شكولاته .

الغذاء :
سمك مقلي أو لحم محمر ( يفضل لحم الضان ) أو فراخ محمرة + بطاطس شيبسي+ أرز

عصرا :
كوب لبن بالخميرة + 100 جرام لب وسوداني .

العشاء :
بطاطس مسلوقة بالسمن + حلبة مطحونة + عيش فينو .

قبل النوم :
حلوي ( كنافة محشية – بلح شام – أرز باللبن – كريم كراميل – أم علي ).


اللى عايز يزود الوزن ده نظام اكل لمدة اسبوع

وهنحطة مع شوية ادوية خفيفة (فاتح شهية ترايكتتين قرص او نصف قرص 3 مرات يوميا على حسب النوم يعنى لو قرص هينيمك كتير ابدأ بنصف)
(دايجستين شراب او اقراص 3 مرات مع الاكل)
(فيتامين -فيتاماكس بلس كبسوله واحدة مع الغداء)

وطبعا قبل الاكل مرتيين يوميا رياضة لمدة 15 الى 30 دقيقة -جرى او حديد ممكن دمبلز )

وكل اسبوع هجطلكم نظام لو عايزين