الموضوع: تقرير استلام التو 2015 الشكل الجديد

ربنا يباركلك فيها ويكفيك شرها
سؤال هل فى عداد حراره ولا لا
و لو لا انت هتعمل ايه

المشاركة الأصلية كتبت بواسطة donotbesad3

ربنا يباركلك فيها ويكفيك شرها
سؤال هل فى عداد حراره ولا لا
و لو لا انت هتعمل ايه

لا للاسف مافيهاش ... فيها لمبة حرارة لما العربية تسخن اللمبة بتنور ... زى عربيات كتير اليومين دول .. منها النيو اكسنت عشان ركبتها ...
وبالنسبة ليا مش هاعمل حاجة ... ما باليد حيلة ... هتابع بقى اللمب اللى فى التابلوة وامرى لله

ضمان الضفيرة طول ما مفيش قطع في الضفيرة الضمان ساري غصب عنهم ... لو هتركب كاسيت اكيد هتلاقي مكان فيشة للكاسيت في مكانه فهتركبه وتركب كونفيرتر من فيشة الضفيرة الخاصة بالكاسيت بفيشة الكاسيت اللي هتجيبه الكونفيرترات موجودة عند بتوع الكاسيتات بالتالي مفيش قطع ... حاول كل حاجة تعملها يكون مفيهاش قطع في الضفيرة بكده ضمان الكهربا محدش يقدر يقولك انه راح عليك ولو قالك كده كلم حماية المستهلك

مبروك يا باشا ألف مبروك
بص عربية ممتازة جدا وحسن الإختيار والله
وقطع غيارها كلها بأت متوفرة في التوكيل وبره التوكيل
عربية دور واركب وصيانة دورية وبس
أهتم بتلات حاجات فقط الزيت البطارية ومياه الريداتير الخضرا والمياه مش هيبقي فيها أي صيانة ولا الريداتير أقل حاجة سنة إبأه أغسل دورة المياه كل 6 شهور وربط عفشة كل 6 شهور وأوعي تغير قطعة غيار فيها حتي في التوكيل إلا بعد لما تجيب أخرها خالص لإن الفبريكة فيها مش هتلاقي زيه
وأنا معايا العربية دي موديل 2008 وبقالها معانا 6 سنين بنهينها أنا و أخويا ومشتكتش صيانة بس كل فين وفين وعاملة معانا 90000 ألف كيلو
وربنا يباركلك فيها ويكفيك شرها ويازين ما اخترت
لإنها 800 سي سي و جراية جدا والله
جبت بيها 160 بعد مغيرت مقاس الكاوتش المسموح به دون تعديل في العفشة
وسلاااااااامي لكل الألتوياه

السلام عليكم و رحمة الله و بركاته
الاخ الفاضل
اولا الف مبروك علي العربية --- ربنا يكفيك شرها
و يبارك لك فيها
-بالنسبة للمرايات -- دي مش المرايات اللي نازله بيها في الهند "بلد المنشا" -- و تم تغييرها بهذه المرايات الشبيهه بمرايات الماروتي للنسخة اللي جايه مصر -- طبعا التوكيل السيئ هو السبب.
-بالنسبة للعفشة -- لو انت مركب ورا 2 تقال او 3 == حاول تكون حريص في المطبات علي السرعة و خاصة مطبات الهواء لان العربية هاتتهبد و تجيب اخرها -- لان المساعدين الخلفية هي في الاساس ضعيفة -- لا اقصد انها تبوظ بسرعة -- و لكن اقصد ضعيفة في المقاومة.
- بالنسبة لضيق المساحة الخلفية -- فعلا ده واضح جدا -- عشان كده دائما ها تلاقيك مقرب الكرسي اللي جنبك للامام عشان يوسع وراه و بالنسبة للكرسي بتاعك ده يتوقف علي راحتك اثناء السواقة و طبعا طول جسم السائق.
-بالنسبة للكاسيت و الانذار و السنتر --- ركبهم بره في اي مكان كويس -- ارشحلك اي فرع ل ادريان -- للعلم -- هما في التوكيل مش ها يعرفوا حاجة -- و لو عرفوا مش ها يتكلموا -- هما مش عايزين يخرجوا اي عربية بره الضمان عشان عايزين ينهبوا علي قد ما يقدروا -- و ده اللي حصل معايا بالضبط -- و للعلم -- سألت احد المهندسين في فرع ابو رواش -- و قولتوا بالحرف -- فيه اي مشكلة لو ركبت الحاجات دي بره لانكم بصراحة مبالغين جدا في السعر -- قاللي الاتي -- ركب بره زي ما انت عايز بس ما تعملش مشاكل -- متبوظش الضفيرة -- لان لو فيه مشكلة بسبب تركيبك يبقي هاتخرج -- و طبعا اني حد متخصص ها يركب احسن منهم -- لانهم اساسا مبيعرفوش يعملوا اي حاجة بالمرة --
ان شاء الله مستني يتوفر معايا مبلغ و اركب سنتر و انذار و كاسيت هايكلفوا حوالي 1000 جنيه
و ربنا يسهل
بالنسبة للتعامل مع التوكيل -=-- لك مطلق الحرية --
الميزة -- انت شايل دماغك من العربية
العيوب -- مبيفهموش حاجة
-- ممكن كده زيي بالضبط تروح اكثر من 8 مرات عشان مشكلة في العفشة و يقولوا مفيش او يقولوا صلحنا و ميصلحوش.
سعر غالي في كل شئ
-- التعامل المستمر مع التوكيل هايخليك مش عارف اي حاجة في العربية و لو لا قدر الله حصل عطل مفاجئ ممكن تكون في موقف حرج جدا و مش فاهم حاجة.
بالنسبة لي -- لا ازال مع التوكيل للسبب الاول --- شايل دماغي من العربية لاني مش فاضي.
و لان مش لاقي ميكانيكي و عفشجي و خلافه يكونوا كويسين وقريبين مني --- مدينة العبور
عامة بالتوفيق ان شاء الله
علما بان السيارة التي معي هي الشكل القديم - موديل 2013
الف مبروك
السلام عليكم

شوف يبرنس مبروك العربيه و يكفيك شرها اولا عاوزين منك شويه صور شويه مش صورتين و تكلفتنا ثانيا الدركسيون انت متكلمتش عنه هل هو خفيف ولا تقيل ولا هاف بور ولا بيخف اول ما العربيه تتحرك و بيبقى خفيف و هى واقفه صوره الشنطه جابت معاك كام سرعه على الطريق الثبات بتاع العربيه انت حاسس بأيه فوضعها بالجنط العادى ولا محتاجه جنط اكبر علشان تثبت اكتر فرامل العربيه ايه رأيك فيها ..... صور للكنبه الورانيه و انت مريح كرسى السواق صوره لمكنه العربيه عيشنااااااااااا معاك علشان انا بفكر اشتريها بجد
وشكرااااااااااااااااااااا اااا

الدركسيون تقيل ياجماعه لسه مستلمها النهاردة