الموضوع: تقرير استلام التو 2015 الشكل الجديد

بناءا على طلب الاعضاء الكرام تم رفع بعض صور العربية :
( ياريت من مشرفى القسم نقل الصور الى اول الموضوع لانى معرفتش اعمل تعديل فى الموضوع )

المشاركة الأصلية كتبت بواسطة مصطفى عمر

شوف يبرنس مبروك العربيه و يكفيك شرها اولا عاوزين منك شويه صور شويه مش صورتين و تكلفتنا ثانيا الدركسيون انت متكلمتش عنه هل هو خفيف ولا تقيل ولا هاف بور ولا بيخف اول ما العربيه تتحرك و بيبقى خفيف و هى واقفه صوره الشنطه جابت معاك كام سرعه على الطريق الثبات بتاع العربيه انت حاسس بأيه فوضعها بالجنط العادى ولا محتاجه جنط اكبر علشان تثبت اكتر فرامل العربيه ايه رأيك فيها ..... صور للكنبه الورانيه و انت مريح كرسى السواق صوره لمكنه العربيه عيشنااااااااااا معاك علشان انا بفكر اشتريها بجد
وشكرااااااااااااااااااااا اااا

تم رفع الصور يا باشا واى خدمة ... بالنسبة للدركسيون فهو تقيل جدا وانت واقف لكن لما بتتحرك بيبقى لطيف ... انا معدتش ال 100 غير مرة او اتنين عشان لسه فى التليين ومش عاوز ادوس عليها اوى فى الاول ... كذلك التكييف ... بس ثباتها عاجبنى اوى حتى لما اكون لوحدى مش محملها برضو الثبات جيد جدا على السرعات لغاية 100 او 110 ... اما الفرامل فهى كويسة ومش بتعوم ... طبعا الجنط بيفرق وخصوصا ان جنطها 145 فكل ما زاد هايبقى افضل لاداء العربية

المشاركة الأصلية كتبت بواسطة omar_saad

السلام عليكم و رحمة الله و بركاته

-بالنسبة للكاسيت و الانذار و السنتر --- ركبهم بره في اي مكان كويس -- ارشحلك اي فرع ل ادريان -- للعلم -- هما في التوكيل مش ها يعرفوا حاجة -- و لو عرفوا مش ها يتكلموا -- هما مش عايزين يخرجوا اي عربية بره الضمان عشان عايزين ينهبوا علي قد ما يقدروا -- و ده اللي حصل معايا بالضبط -- و للعلم -- سألت احد المهندسين في فرع ابو رواش -- و قولتوا بالحرف -- فيه اي مشكلة لو ركبت الحاجات دي بره لانكم بصراحة مبالغين جدا في السعر -- قاللي الاتي -- ركب بره زي ما انت عايز بس ما تعملش مشاكل -- متبوظش الضفيرة -- لان لو فيه مشكلة بسبب تركيبك يبقي هاتخرج -- و طبعا اني حد متخصص ها يركب احسن منهم -- لانهم اساسا مبيعرفوش يعملوا

الحمد لله تم شراء كاسيت وسنتر وانذار برة التوكيل وتم التركيب فى التوكيل .... الحمد لله جمعت بين الحسنيين
والجميل بقى فى الموضوع انى اشتريت مع الحاجات دى سماعتين بيونير ب 200 جم ... رحت التوكيل الناس قالولى العربية فيها اصلا سماعات مش هانحتاج سماعات ... طبعا مش عاوز اقولكو الواحد انشكح قد ايه ... لان الراجل اللى فى معرض مودرن اللى فى الدقى هو اللى قاللى معلومة ان العربية مجهزة لتركيب السماعات بس مافيهاش سماعات ... يلا الحمد لله اهو كفاية مصاريف المقدم والقسط والكلام ده

مبروك عليك الف مبروك و على فكره شجعتنى بجد بس هجيب اللون الاسمر بتاعها علشان اتلافى مشكله الاكصدامات مع انى كان نفسى فالابيض او النبيتى

مقولتليش هو تنك البنزين بيفتح من جوا العربيه ولا مفتاح بردوا زى الشنطه ؟؟
هو تركيب جنط و كاوتش جديد بيخرج برا الضمان ؟؟

المشاركة الأصلية كتبت بواسطة مصطفى عمر

مقولتليش هو تنك البنزين بيفتح من جوا العربيه ولا مفتاح بردوا زى الشنطه ؟؟
هو تركيب جنط و كاوتش جديد بيخرج برا الضمان ؟؟

لا تنك البنزين ليه دراع جنب كرسى السواق
وعادى تركيب جنط وكاوتش مايخرجش برة الضمان
وبالنسبة للون انا كنت زيك كده اول ما جبتها قلت ياريتنى كنت جبت الاسود عشان الاكصدام ... بس من يومين شوفت واحدة سودة راكنة ... برضو الفرق ملحوظ من بعيد لان العربية مش سودة ... دى رمادى ... فلون الاكصدام باين فيها اوى ... غير انى لما شفتها اقتنعت بموضوع ان الاسود مش بيليق على العربيات الصغيرة وحسيت ان النبيتى او الازرق احسن من الاسود

طيب يا مسهل انوى انشاء الله و اروح اتفرج عليها و احاول اشوف اكتر من لو وربنا هو صاحب القرار و النصيب الف شكر يا استاذ ابراهيم

ما شاء الله ربنا يبارلك فيها ويكفيك شرها باذن الله
اللون النبيتي جميل ولايق الاسود فعلا مش بيليق اوي على العربيات الصغيره