الموضوع: تقرير استلام التو 2015 الشكل الجديد

المشاركة الأصلية كتبت بواسطة ibrahimahmed

نسيت اقول حاجة ان لون الاضاءة بتاع اللمبة بيبين خطورة الموضوع
يعنى اللون الاحمر ( زى لمبة الزيت والبطارية وفرامل اليد والحرارة ) ... يعنى ماينفعش تمشى بالعربية واى لمبة من دول منورة
اللون الاصفر ( زى لمبة المقتاح المشفر ولمبة التشك ) يعنى تمشى بالعربية لغاية ماتروح اقرب مركز خدمة بس مش لازم تقف اول ماتنور
اللون الازرق ( زى لمبة النور العالى ) مافيهوش ضرر على العربية وممكن تمشى بيها عادى فى اى وقت
الالوان دى استاندرد فى عربية ايا كانت ماركتها ... حاجة كده عاملة زى اشارات المرور ... فى اى بلد فى الدنيا هتلاقيها احمر واصفر واخضر

بارك الله فيك ياستاذ ابراهيم وجزاك الله كل خير علي شرحك

المشاركة الأصلية كتبت بواسطة mohamedsamir13

بارك الله فيك ياستاذ ابراهيم وجزاك الله كل خير علي شرحك

لا شكر على واجب ..... خير الناس انفعهم للناس ..... اللهم اجعلنا ممن ينفع الناس

سؤال معلش ..أخبار التكييف إيه مع مشي العربيه ..يعني فعلا بيهد عزمها وبيخليها تتحول فجأة لعربية 2000 سي سي في إستهلاك البنزين ..ولا نقدر نقول عليه أهو ..بيمشي الحال

المشاركة الأصلية كتبت بواسطة m_m_sh_a

سؤال معلش ..أخبار التكييف إيه مع مشي العربيه ..يعني فعلا بيهد عزمها وبيخليها تتحول فجأة لعربية 2000 سي سي في إستهلاك البنزين ..ولا نقدر نقول عليه أهو ..بيمشي الحال

التكييف معايا مش مؤثر جامد على البنزين ... بدون تكييف اللتر بيعمل 17 كيلو داخل المدينة وبالتكييف بيعمل حوالى 16 كيلو ... يعنى فرق لا يذكر ...
اما فى السفر فى الحالتين كان عامل معايا 18.5 كيلو لللتر الواحد
اما بخصوص عزم العربية فبيقل بشكل ملحوظ مع التكييف لانها 800 سي سي ... بس بتعوض ده بانك تتقل رجلك شوية على دواسة البنزين عشان تعادل فرق السحب
اما اداء التكييف نفسه فهوكويس جدا الحمد لله ( وده اللى مصبر الواحد على موضوع السحب ) ... وانا فى عز الحر اول لما اشغل التكييف بجيبه على 2 و5 دقايق وانزله على 1

ياجماعه انتظروني الاسبوع القادم هركب باذن الله قربة لكالون الشنطة علشان تفتح كهرباء
هعمل زرار فى شمال التابلوه علشان الشنطة تفتح بالكهرباء باذن الله

انا شايف ان شنطة الباب الخلفي محتاج تنسند بالايدي عند الفتح
وهذا يعني ان احتمال حدوث ضرر من الفتح كهرباء لان عزم الباب عند الفتح قد يؤثر علي عزم واركان القوائم الخلفية
...
دي وجهة نظر
وليس عن علم

فرع ابو رواش

المشاركة الأصلية كتبت بواسطة d . A .\ ayman

الكلام في أنهي فرع

كنت باتكلم علي نيو التو ... للاسف

في موضوع ..
....

انا رجعت من التوكيل الحمد لله
اغلب الناس عندها مشاكل
وكان اليوم كله خناقات مع العملاء
...
رحت الساعة 12:30 خلصت 4:15 بيشيكوا علي السوائل وتربيط عفشة وتغيير الزيت والفلتر ؟؟؟؟؟ مش مصدق كل الوقت ده !!!!
ثمن الفلتر 65 جنيه .... دي سرقة وقالي هو ده سعره
وفي الاول قالي تغيير الزيت 360 غير الضريبة
قلت له في اتو ايجيبت ب240 وتوتال ازاي السعر عندكم كده
بعد شويه قالي فعلا العربية بتاخد 3 لتر ب 240 جنيه غير الضريبة و10 ج مصروفات ادارية ؟؟؟؟؟ قمة الاستهبال

فعلا نور الصالون نور وقال في فيوز كان مش شغال .... وكنت قلت لهم حاسس ان صوت العربية عالي شوية ؟
واخر اليوم المهندس قال فعلا تم قياس الماتور وكان عالي شوية وظبطناه ....
..
وكانت المفاجاة .... صوت العربية عامل زي المحرات ( الجرار الزراعي ) لما بدات اسحب 90 ك و100 الصوت بيعلي شغلت التكييف لاول مرة (اكثر من رائع كانك في عربية كبيرة وتكييف قوي) ولكن استمر صوت الماتور يعلي ويعلي لدرجة غير معقولة
مش عارف في حاجة في الماتور ولا الشكمان ولا زي ما حد قال يكون في حاجة في البلية والدسك (الصوت غير عادي ) تحس كان الموتور تحتيك ومفيش عزل صوت ولا حاجة وكل ما ادوس بنزين اسمع صوت (ززززززززززززز)

وللاسف الوقت كان الساعة 5:10 ومينفعش اتصل قلت بكره اتصل بيهم
التوكيل مش مريحني :t_thum1[1]:

تحس ان الامور مش طبيعية اكثر من واحد زعق فيهم النهاردة وهو بيقول اجيب العربية سليمة اخرج بيها بعيوب ؟؟؟

استر ها يا رب