الموضوع: تقرير استلام التو 2015 الشكل الجديد

الانذار انا عامل عنه تقرير فى المنتدى العام

المشاركة الأصلية كتبت بواسطة mrghost

الحمد لله امبارح ركبت بنفسى انذار وسنتر للعربية
الانذار جبته ب965 جنيه اللى هو فيه تتبع
السنتر ب75 جنيه نوعه وولف
شويه رفايع وشريط لحام ب40 جنيه
طبعا الموضوع خد حوالى 11 ساعه لانى كنت لوحدى وفكيت الابواب كلها والاعتاب وحاجات كتير

لو انا عاوزة اجيب الانذار والسنتر واركبهم
في التوكيل افضل ولا بره زيك افضل
وياريت تجيب لينك التقرير بتاع الانذار لاني مش لقياه في العام
وتعرفني نوع الانذار وكل الحجات اللي جبتها كلفتك كام على بعضها

http://www.nilemotors.net/Nile/445328-a.html
ده لينك تقربر الانذار
الانذار بالتركيب ب1000 جنيه
السنتر ب75 جنيه
بس طبعا الخاجات دى بتخرج العربية من الضمان

معلش سؤال غلس، هو العربية موتورها 800 cc فعلا ولا 950 cc ؟ عاوز اعرف ايه الفرق بينها وبين الماروتي يعني ؟ مش ارخص اني اجيب ماروتي واركبلها تكييف؟

المشاركة الأصلية كتبت بواسطة wmn

معلش سؤال غلس، هو العربية موتورها 800 cc فعلا ولا 950 cc ؟ عاوز اعرف ايه الفرق بينها وبين الماروتي يعني ؟ مش ارخص اني اجيب ماروتي واركبلها تكييف؟

العربية 800 سي سي زى الماروتى بس طبعا مش نفس موتور الماروتى الالتو اكبر فى الحصان عن الماروتى وطبعا انجكشن مش كربراتير زى الماروتى

المشاركة الأصلية كتبت بواسطة omar_saad

السلام عليكم و رحمة الله
معي التو موديل 2013 قربت بيها علي سنتين دلوقتي =-- روحت بسبب عضة الفتيس دي للتوكيل كتيييييير
و اشتكيت كتير -- و في الاخر واحد مهندس صيانة هناك -- قالهالي كده من تحت لتحت -- ان دي عيب صناعة في الفتيس ده
عامة لتقليل تلك العضة -- الرخمة جدااااااااا --
- وانت في الصيانة الجاية قولهم عايز اشحم عصاية الفتيس -- والزمهم بذلك لانهم مش هايعملوا كده الا بالضغط بيكبروا دماغهم -- ياراجل ده المهندس كان قاعد جبنبي و شايف الفتيس و رجع بعد كده يقول مفيش حاجة.
- لما تحصل معاك ارفع رجلك من علي الدوبرياج و حطها تاني -- و ان شاء الله مفيش مشكلة.

فعلا هو ده اللي حصل لما قلت للمهندس في التوكيل ( دا حاجة عادي في الفتيس)
وفعلا لتقليل التاثير ... ارفع رجلك عن الدبرياج وحطها تاني

المشاركة الأصلية كتبت بواسطة wmn

معلش سؤال غلس، هو العربية موتورها 800 cc فعلا ولا 950 cc ؟ عاوز اعرف ايه الفرق بينها وبين الماروتي يعني ؟ مش ارخص اني اجيب ماروتي واركبلها تكييف؟

1- الفرق في نوع الموتور لان عزمه اكبر من موتور الماروتي
2- حجم السيارة اكبر قليلا واوسع من الماروتي
3- حوض موتور الالتو اكبر من الماروتي ولما تحاول تركب تكييف في الماروتي بيكون بخلع الضرس
ومشاكله كتير وصيانته اصعب عكس التكييف في الالتو قوة عالية جدا وعن تجربة
وانا عندي نيسان صني 2014 بجد تكييف النيو التو قوي والحمد لله

المشاركة الأصلية كتبت بواسطة مصطفى عمر

الف سلامه عليك بالنسبه لموضوع الكرسى دا مش مقتنع بيه مش عارف ليه
اما بالنسبه للمرشدير بتاع الالتو نستنى استاذ ابراهيم يرد هو اللى معاه العربيه و مشتكاش من الحوار دا و فى اخت هنا كمان جابت العربيه و مشتكتش من الموضوع دا تماما ولا حتى حوار الكرسى طب اشرحلنا مشكله فقرات دى حصل كدا ازاى لانى مش مستوعب اوى

يعني استاذ ابراهيم معاه العربية وانا بمثل ان معايا العربية .... المهم
طيب لو اي حد عنده او ركب عربية تاني هيحس بالفرق من اول مره
كرسي العربية يقصف العمر
وهيجيب فقرات رقبة من اول شهر

كنت في التوكيل السبت الماضي وقلت للمهندس عن المشكلة دي
بص لي باستغراب وقال ... قلي الاول انت عندك عربية غير النيو التو
قلت له لماذا قال لانه مبيحسش بالمشكلة دي اللا :... اللي عنده عربية تاني وتكون نوع كويس
الحل: تركيب مسند للرقبة