الموضوع: تقرير استلام التو 2015 الشكل الجديد

المشاركة الأصلية كتبت بواسطة a_aseda

من العيوب الخطيرة في النيو التو
...
1- كرسي العربية النيو التو
دمر فقرات الرقبة
مش قادر ..... والله حرام
...
في عيب في تصميم الكرسي

...
2- الفتيس
لما تيجي تجيب مارش ريداير (ترجع للخلف) لازم يعض منك
وقلت كده في التوكيل قالي كلامك صحيح
...

1- بخصوص الكرسى مش عاملى مشكلة ... ممكن يكون ابعاده مش متظبطة معاك ... حاول تغير وضع مسند الضهر بتاعك على وضع يكون مريح لضهرك ... كمان بعد الكرسى بيفرق ... يعنى حاول تظبط مستويات الكرسى لغاية متلاقى حاجة تناسبك
2-العضة دى بتحصل معايا احيانا بس مش على طول ... والموضوع ده فى الالتو الجديدة والقديمة والماروتى كمان ... ولو اشتكيت فى التوكيل هايقولولك عادى ... بس لان الموضوع معايا بيحصل صدف مش على طول فمش بركز معاه وخصوصا لما عرفت انه شائع فى الالتو والماروتى

المشاركة الأصلية كتبت بواسطة ibrahimahmed

1- بخصوص الكرسى مش عاملى مشكلة ... ممكن يكون ابعاده مش متظبطة معاك ... حاول تغير وضع مسند الضهر بتاعك على وضع يكون مريح لضهرك ... كمان بعد الكرسى بيفرق ... يعنى حاول تظبط مستويات الكرسى لغاية متلاقى حاجة تناسبك
2-العضة دى بتحصل معايا احيانا بس مش على طول ... والموضوع ده فى الالتو الجديدة والقديمة والماروتى كمان ... ولو اشتكيت فى التوكيل هايقولولك عادى ... بس لان الموضوع معايا بيحصل صدف مش على طول فمش بركز معاه وخصوصا لما عرفت انه شائع فى الالتو والماروتى

بس ممكن حد من اللى استعمله الألتو يقولنا العضه دى بتأثر على واير الدبرياج وتقطعه ولما مجرد عيب فى الدبرياج ارجو الأفاده ............ شكرا

السلام عليكم و رحمة الله
معي التو موديل 2013 قربت بيها علي سنتين دلوقتي =-- روحت بسبب عضة الفتيس دي للتوكيل كتيييييير
و اشتكيت كتير -- و في الاخر واحد مهندس صيانة هناك -- قالهالي كده من تحت لتحت -- ان دي عيب صناعة في الفتيس ده
عامة لتقليل تلك العضة -- الرخمة جدااااااااا --
- وانت في الصيانة الجاية قولهم عايز اشحم عصاية الفتيس -- والزمهم بذلك لانهم مش هايعملوا كده الا بالضغط بيكبروا دماغهم -- ياراجل ده المهندس كان قاعد جبنبي و شايف الفتيس و رجع بعد كده يقول مفيش حاجة.
- لما تحصل معاك ارفع رجلك من علي الدوبرياج و حطها تاني -- و ان شاء الله مفيش مشكلة.

بالنسبة لكرسي الالتو -- في الاساس هو ليس من الكراسي المريحة -- ويكفي ان تجلس في سيارة اي تن مثلا حتي تشعر بالفرق --- ونادرا ما تجد كرسي مريح بالحجم ده -- لان بالفعل الكرسي كان لازم يكبر شوية عن كده --- بس ازاي و حجم السيارة لا يساعد.
و بالفعل انا ركبت النيو التو -- و مفيش تغيير كبير -- الا في الشكل -- حتي ان الكنبة الخلفية مثلا تضايق اللي قاعد ورا بشكل رخم لو رجعت الكرسي الاماي شوية -- و عشان تريح اللي ورا لازم انت تتعب او العكس---
من الاخر لو الشركة المصنعة عندها دم كانت زودت طول فئة الالتو دي و لو 10 سم بس لانها محتاجة طول في الصالون شوية--
نصيحة اخي الفاضل 0---- بالفعل هذه السيارة جيدة من حيث استهلاك البنزين رااااااااااااائعة و الاعتمادية و السفر كمان عادي جدا -- حاول تحب هذه السيارة لانها بالفعل تستاهل --و لما ربنا يكرمك بعد فترة مناسبة و عاوز تغير ابقي غير.
بالتوفيق

حد فكر يجلد الاكصدام بنفس لون العربية ما عدا الشبكة الأمامية

بالنسبة للكرسي هو يمكن انت مش مظبطه
او يمكن بتقعد وقت طويل وده طبيعي في الحالتين
لو مش مظبوط لازم يتعبك ولو بتسافر مشاوير طويلة حتى لو مظبوط اكيد هتتعب شوية
وبرده الحالتين حلهم بسيط ياتعدل الكرسي عشان يناسب راحتك
او تستحمل وتعمل فرش او تشتري حاجة سفنج تكون مريحة للكرسي
لان المشاوير الطويلة مرهقة بكل الاحوال
بالنسبة للفتيس معرفش يعني ايه عضه دي لو تقصد بيغلس مثلا
انا اساسا بتغاشم عليه فمعتقدش انه يقدر يغلس عليا
بصراحة النيو التو حلوة اوي محندقة وبعدي بيها من اي مكان وسواقتها ممتعة جدا جدا جدا
على الرغم من انها مانيوال والبنات بتفضل الاتوماتيك الا اني بعشقها
ومعتقدش اني هغير رأيي فيها مهما حصل
وبجد العربية حمالة اسية انا وربنا مطلعه عنيها ومستحملاني
واستجابتها سريعة بتساعدني اوي في كل حاجة
بحسها بتقولي اعملي كذا وكذا وكأنها بتمليني الارشادات وانا سيقاها
وطبعا البنزين لازم 92 بصراحة افضل شيئ هو ال 92 ليها
ولو مشاويرك مش كتير مش هتحتاج تفولها كتير انا فولتها مرتين فقط من يوم مجبتها بقالها شهرين تقريبا معايا
ومرة منهم مكنتش تفويلة كاملة كمان
ولسة لحد دلوقتي فيها 3 شرط يعني اقدر اقولك انها موفرة جدا جدا جدا في الاستهلاك بتاعها

السلام عليم بعد قراءه جميع التعليقات من الأخوه الأعضاء انا مش شايف عيب للنيو التو غير بس فى اعاده البيع لكن جميع العيوب السابقه من وجهه نظر بعض الأعضاء وممكن انها لا تمثل عيب بالنسبه للأخرين لكن أعاده بيعها هو فعلا مشكله ؟؟؟؟؟؟