تقرير استلام التو 2015 الشكل الجديد

**ibrahimahmed** · 22-11-2014 09:40 AM

المشاركة الأصلية كتبت بواسطة a_b77710

انا متشكر جدا يا استاذ ابراهيم لكن عندى سؤال واحد ان شاء الله بعد استلام العربية ارجع بيها اذى بدون ورق لان بقول الورق بعدها بثلاثة ايام اعمل اية و هم بقولوا الاستلام بعد اربع شهور هم فعلا بيتاخرو فى التسليم

يستحسن وقت الاستلام يكون ورق العربية جاهز وتستلم وتروح ترخص على طول ... منعا للحوادث او السرقات لا قدر الله
وفى موضوع الحجز ده بصراحة مش عارف ... كل توكيل وله نظامه وعلى حسب توفر العربية
انا عن نفسى اشتريت من معرض مش من التوكيل عشان كده استلمت بعديها بيومين

**ibrahimahmed** · 22-11-2014 09:45 AM

المشاركة الأصلية كتبت بواسطة ah_kassem

سؤال ياجماعه بخصوص السنتر والانذار والكاسيت ايه افضل الانواع اللي ممكن اشتريها من بره التوكيل وتكون فى نفس اسار التوكيل ياريت لو حد عنه فكره يقولنا ولو حد جاب اللون الرصاصى ياريت يرفعهولنا نتفرج عليه

افضل انواع السنتر ... وولف ... والانذار فى كتير وكله حسب سعره ... راجع الموضوع من اوله هتلاقى السادة الاعضاء كاتبين انواع واسعار للسنتر والانذار

**ibrahimahmed** · 22-11-2014 09:50 AM

المشاركة الأصلية كتبت بواسطة عليا حسين

السلام عليكم ورحمه الله وبركاته

مبروك اولآ

معلش محتاجة اعرف اخبار العربية مع حضرتك ايه بعد التجربة لغاية دلوقتى بدل فى اكتر من حد قالى العربية مش حلوة بالسعر ده ومفهاش حاجة وفاضية من جوه
وانا بفكر فيها وعايزة احجزها واول عربية ليا ورنجى 60000 الف بس

هى فعلان الزجاج مش كهربائى ؟؟؟ وفيها باور ولا ؟؟؟ وهو بيفرق اوووى لو فيها
انا اتعلمت على 128 بالنسبة ليا صعبة جداااااااااااااااااا وبالتالى اى عربية افضل

سورى سالت كتير
ميرسى لحضرتك

الله يبارك فيكى
العربية ما شاء الله ممتازة معايا الحمد لله ... وهى فى العموم كويسة على قد سعرها
وهى فعلا بتنزل فاضية مافيهاش غير تكييف فقط
مافيهاش زجاج كهرباء ولا باور ... وهو بيفرق بس والعربية واقفة ... بيبقى الدركسيون تقيل شوية ... وما دام كان معاكى 128 يبقى مش هايفرق معاكى دركسيون الاتو
ولو عاوزة معلومات اكتر عن العربية راجعى الموضوع من اوله هتلاقى معلومات كتير اوى عن العربية وصور ليها كمان

**عليا حسين** · 22-11-2014 01:35 PM

ميرسى كتير على رد حضرتك
تمام انا رجعت المعلومات بس اتعلبطت شوية علشان فى ناس قلقانة منها
وانا مش معايا عربية لا ديه اول عربية ليا هجبها بس اتعلمت على 128 فى مدرسة المرور وكانت صعبة بس فى الركنة شوية

**active** · 22-11-2014 02:33 PM

المشاركة الأصلية كتبت بواسطة عليا حسين

ميرسى كتير على رد حضرتك
تمام انا رجعت المعلومات بس اتعلبطت شوية علشان فى ناس قلقانة منها
وانا مش معايا عربية لا ديه اول عربية ليا هجبها بس اتعلمت على 128 فى مدرسة المرور وكانت صعبة بس فى الركنة شوية

عايز أقول لحضرتك إن العربية ماشاء الله ممتازة بالنسبة للفئة بتاعتها وعملية واعطالها تقريباً مش موجودة مقارنتاً بالصينى اللى قريب من السعر ده عيبها الوحيد إنها كانت عايزة شوية كماليات اكتر من كده لكن ممكن الواحد يركبهم بعد كده

**a_b77710** · 22-11-2014 08:25 PM

حد يعرف الانذار GPS Tracker system TK106B مين بركبة

**a_b77710** · 25-11-2014 02:24 PM

مفيش اخبار عن الاستلام

**ibrahimahmed** · 25-11-2014 03:39 PM

المشاركة الأصلية كتبت بواسطة a_b77710

مفيش اخبار عن الاستلام

مالو الاستلام ؟؟؟؟
مش فاهم السؤال

**mrghost** · 26-11-2014 07:18 AM

المشاركة الأصلية كتبت بواسطة a_b77710

حد يعرف الانذار gps tracker system tk106b مين بركبة

اللى بيركبه محل اسمه اوريجنال فى شارع المطبعه فى الجيزة
وده رقم تليفونه
01092558335
سعر الجهاز 950 جنيه والتركيب ب50 جنيه

**ah_kassem** · 26-11-2014 08:04 AM

السلام عليكم

ممكن ياجماعه حد يقولنا على مكان محترم اشترى منه سنتر لوك وانذار وكاسيت وتكون اسعاره معقوله .........ويريت لو فى انواع محدده معروفه ممكن يكتبهالنا وشكرا