الموضوع: تقرير استلام التو 2015 الشكل الجديد

المشاركة الأصلية كتبت بواسطة مصطفى عمر

معلش يا جماعه انا لسه جديد بردوا فعالم السيارات هى اى مرايا مكن تركب مكان المرايا اللى موجود طبعا تكون نفس حجمها يعنى بس اللى بيختلف المثلث الاسود اللى بيبقى فالباب الحجم بيخختلف الصراحه انا معرفش يعنى مرايات العربيه منيله ينفع مثلا يركبلها مريات التو التحكم الداخلى القديمه او مثلا مرايات بونتو فيها شبه من اللى نازله فالصور الاصليه للعربيه

انا لما سالت وانا بعمل صيانة الالف على المرايات قاللى ماينفعش تركب مرايات الالتو القديمة عشان زاوية الرؤية ... طبعا انا عارف ان الكلام ده هرى وترييح دماغ وخصوصا انى كنت شغال فى توكيل عز العرب سيارات ستروين ... وعارف كويس مهندسين الاستقبال وردودهم لانى كنت بعمل زيهم
بس غالبا ينفع تركب المرايات عادى ... اهم حاجة يكون مكانها اللى هو المثلث نفس الحجم

احنا هارينك اسئله ههههههههههههههههه كتر خيرك يا برنس فى مرايات تانيه غير الالتو القديمه تركب عليها و يا ترى ينفع ارش المرايا بلون العربيه مش هقدر اعملها فالاكصدامات لو جيبت العربيه الصراحه غير بعد سنه او اتنيين على الاقل ..الواحد على كلامكم طول ماهو راكب العربيه و ظهر حاجه يكتبها فورقه و هو رايح التوكيل تبقى معاه كل الملحوظات و كمان ملحوظات اللى على التوكيل علبه الزيت اللجديده مثلا فلتر اتغير و اتحط مكانه جديد يبقى الفلتر القديم و علبه الجديد موجوزدين صح ولا انا كدا غلطان

المشاركة الأصلية كتبت بواسطة مصطفى عمر

احنا هارينك اسئله ههههههههههههههههه كتر خيرك يا برنس فى مرايات تانيه غير الالتو القديمه تركب عليها و يا ترى ينفع ارش المرايا بلون العربيه مش هقدر اعملها فالاكصدامات لو جيبت العربيه الصراحه غير بعد سنه او اتنيين على الاقل ..الواحد على كلامكم طول ماهو راكب العربيه و ظهر حاجه يكتبها فورقه و هو رايح التوكيل تبقى معاه كل الملحوظات و كمان ملحوظات اللى على التوكيل علبه الزيت اللجديده مثلا فلتر اتغير و اتحط مكانه جديد يبقى الفلتر القديم و علبه الجديد موجوزدين صح ولا انا كدا غلطان

يا باشا ولا يهمك الناس لبعضيها
يفضل تسيب كل حاجة فابريكة زى ما هى ولا ترش ولا تعمل ... انا كنت الاول متضايق من الاكصدام بس بعد شوية الواحد بيتعود
بالنسبة للفلتر عادة التوكيلات مش بتديك القديم عشان مايوسخش شنطة العربية. ..اما ما عدا ذلك اى حاجة بتتغير فى التوكيل المفروض يدوك القديمة من باب الشفافية لانك بتبقى قاعد برة مابتعرفش ايه اللى بيحصل جوة

انا رجعت من التوكيل الحمد لله
اغلب الناس عندها مشاكل
وكان اليوم كله خناقات مع العملاء
...
رحت الساعة 12:30 خلصت 4:15 بيشيكوا علي السوائل وتربيط عفشة وتغيير الزيت والفلتر ؟؟؟؟؟ مش مصدق كل الوقت ده !!!!
ثمن الفلتر 65 جنيه .... دي سرقة وقالي هو ده سعره
وفي الاول قالي تغيير الزيت 360 غير الضريبة
قلت له في اتو ايجيبت ب240 وتوتال ازاي السعر عندكم كده
بعد شويه قالي فعلا العربية بتاخد 3 لتر ب 240 جنيه غير الضريبة و10 ج مصروفات ادارية ؟؟؟؟؟ قمة الاستهبال

فعلا نور الصالون نور وقال في فيوز كان مش شغال .... وكنت قلت لهم حاسس ان صوت العربية عالي شوية ؟
واخر اليوم المهندس قال فعلا تم قياس الماتور وكان عالي شوية وظبطناه ....
..
وكانت المفاجاة .... صوت العربية عامل زي المحرات ( الجرار الزراعي ) لما بدات اسحب 90 ك و100 الصوت بيعلي شغلت التكييف لاول مرة (اكثر من رائع كانك في عربية كبيرة وتكييف قوي) ولكن استمر صوت الماتور يعلي ويعلي لدرجة غير معقولة
مش عارف في حاجة في الماتور ولا الشكمان ولا زي ما حد قال يكون في حاجة في البلية والدسك (الصوت غير عادي ) تحس كان الموتور تحتيك ومفيش عزل صوت ولا حاجة وكل ما ادوس بنزين اسمع صوت (ززززززززززززز)

وللاسف الوقت كان الساعة 5:10 ومينفعش اتصل قلت بكره اتصل بيهم
التوكيل مش مريحني

تحس ان الامور مش طبيعية اكثر من واحد زعق فيهم النهاردة وهو بيقول اجيب العربية سليمة اخرج بيها بعيوب ؟؟؟

استر ها يا رب

المشاركة الأصلية كتبت بواسطة مصطفى عمر

مش بتشوف حاجه ليه و انت راجع بضهرك ....انت جبت لون ايه و طبعا اللون الزبون هو اللى بيختاره صح مش كدا

العربية عاليه اوى من ورا والزجاج الخلفى صغير
العربية لون نبيتى وطبعا انت اللى بتختار اللون من المعرض

المشاركة الأصلية كتبت بواسطة مصطفى عمر

اللى رخص العربيه ممكن يقولنا ايه الاجرائات و الخطوات اول باول نعمل ايه بعد استلام نروح المروو نركب نمر ازاى و نرخص ازاى و كل التكاليف النهائيه بتبقى كام .....و اللى جربوا العربيه اخبار الجرى ايه =d جابت 160 ولا لسه اخرها ايه مع اللى جربها

بعد ماتستلم الورق من الممعرض
تروح المرور تشترى ملف اسمه ملف ترخيص جديد ب15 جنيع
وتروح الخزنة تشترى ورق فحص وتجديد السنه ب25 جنيه
وتأمن عند اى شركة تأمين اى كشك ف المرور السنه ب90 جنيه
تروح تشترى طفايه من المرور ب150 جنيه
وتشترى شنطة اسعافات ب45 جنيه
ومتشتريش المثلث لان العربيه معاها مثلث بيجى معاها
وتروح لمهندس الفحص يفحص وياخد بصمة الشاسيه والموتور
وتطلع علي شباك التراخيص الجديدة وتقدم الاوراق كلها ويديك وصل للضريبة واللوحات ب298 جنيه للسنه الواحدة
وتدفع وترجع للشباك تاني يديك ورقه للوحات المعدنيه تطلع بيها علي شباك اللوحات وترجع للموظف تاني
وتستني يندهوا عليك ومبروك الترخيص