الموضوع: تقرير استلام التو 2015 الشكل الجديد

المشاركة الأصلية كتبت بواسطة omar_saad

السلام عليكم ورحمة الله و بركاته
الشكر لله اخي الفاضل
يا اخي الفاضل العفشة مش سيئة -- المساعدين هي اللي بتجيب اخرها في مطبات الهواء مع الحمولة -- و ذي ما قلنا هذا ليس معناه انها بتبوظ بسرعة.
لو عايز حضرتك اكلمك عن مميزات السيارة و الله مفيش ادني مشكلة مميزاتها كتيرة ايضا
بس انا هاكتفي ابعت لحضرتك اللينك ده و هو عن موضوع كتبته من حوالي سنتين تقريبا عند صيانة ال 1000 للسيارة --- بعد شراؤها بحوالي تقريبا شهر علي ما اتذكر حتي تعرف حضرتك اني ما كتبته الان ليس من اجل احباط من يشتري الجديدة او عمل مقارن بينها و بين القديمة او لاني بحب القديمة عن الجديدة -- و اي اضافة كانت بعد فترة استعمال طويلة وده بيخليك تعرف تقيم اي حاجة بشكل افضل
لو عند حضرتك وقت اتفضل
http://www.nilemotors.net/Nile/339414-1000-800-a.html
بالتوفيق للجميع

سؤال للجميع وخصوصا الأستاذ ابراهيم والأستاذ عمر::
لو معاك تمن العربيه الألتو كاش يعنى تقريبا 58 الى 60 الف ومش هازود جنيه او اقوم بالتقسيط هاتقرر تشترى الالتو ولا هايكون فيه بديل تانى وياريت تكون الأجابه مفصله ليه ؟؟؟؟؟ وجزاكم الله خيرا

المشاركة الأصلية كتبت بواسطة ah_kassem

سؤال للجميع وخصوصا الأستاذ ابراهيم والأستاذ عمر::
لو معاك تمن العربيه الألتو كاش يعنى تقريبا 58 الى 60 الف ومش هازود جنيه او اقوم بالتقسيط هاتقرر تشترى الالتو ولا هايكون فيه بديل تانى وياريت تكون الأجابه مفصله ليه ؟؟؟؟؟ وجزاكم الله خيرا

بالنسبة ليا لو مش هاقسط او ازود فلوس .... يبقى مفيش قدامى غير الالتو لان البديل هايبقى صينى وده مرفوض بالنسبة ليا ... او انى اجيب عربية مستعمله .. وده برضو مرفوض بالنسبة ليا ايا كان نوع العربية
وسواء الصينى او المستعمل اكيد كلنا عارفين عيوبهم ... مش محتاجه انى اقول اسباب رفضى ليهم وخصوصا انى معايا ثمن الزيرو حتى لو التو

المشاركة الأصلية كتبت بواسطة omar_saad

السلام عليكم
سأجيب حضرتك من وجهة نظري الخاصة
اولا -- امنيتي كانت شراء السيارة هيونداي اي تن -- ليه -- لأن دي العربية الوحيدة الصغيرة اللي كانت في رينج سعر مقول ساعتها وكان فيه كل مميزات السيارات الكبيرة و الصغيرة ايضا
حجم رااائع من الداخل -- و مدمجة بشكل عااالي جدا من الخارج و لا يعيبها اي شئ بالمرة -- ده تقييمي الخاص ليها من خبرة طويلة مع زميل لي و مع حمايا -- ايضا --- سوي عيب واحد بس موجود في كل سيارات هيونداي و كأن هذه الشركة بتحب كده -- الا وهو السيارة لما بتكون محمل ورا -- بتحك في المطبات نتيجة ضعف المساعدين -- المهم بقي اخي الفاضل ان السيارة سعرها علي جدا مقدرتش عليها و جبت التو -- الحمد لله الاختيار موفق ايضا -- ليه.....؟؟؟؟؟
--- مفيش حاجة منافسة بهذا السعر -- و اقرب المنافسين لها سعره عالي جدا -- شيفرولية سبارك -- و كمان شكلها يدي حريمي اكثر ---
فيه منافس تاني -- اسبرانزا -- مش نفس الفئة -- قريبة في السعر -- بس انت قولت مش هاتزود مليم -- لو قسط يبقي مفيش مشكلة في التزويد شوية -- هيه افضل في المساحة الداخلية بصراحة جدا طبعا -- بس عندي ملاحظات علي التقفيل -- و استهلاك البنزين زيادة شوية علي محرك 1300 سي سي -- هي مع صديق لي من اول ما نزلت مصر -- وشغالة تمام -- بس دي ملاحظاتي عليها.

نقاط مهمة تساعدك في اتخاذ القرار:
1-استهلاك البنزين في الالتو منخفض بشكل رهيييب -- وفي حاجات بتقلل الاستهلاك ايضا بشكل اضافي -- انك تحاول متزودش عن سرعة 90 و تريح العربية في الغيارات وتقلل استخدام التكييف
2- الالتو سيارة ضيقة بالفعل من الداخل -- اهم حاجة تكون حضرتك عارف كده قبل الشراء عشان ماتتضايقش بعد كده-- لازم تكون فاهم ده كويس -- ممكن تشيل احجام كبيرة عادي بس مع الحمولة اكثر من اللازم مش كويسة -- لو معاك اربع اشخاص يركبو -- هاتمشي بس فعلا بيكونوا متضايقين بسبب ضيق المساحة -- هي عملية جدا في الاسرة الصغيرة -- و لو حضرتك طويل القامة -- هاتكون متضايق شوية من القيادة داخلها -- انا ركبت الالتو الجديدة في الامام و الخلف ايضا --لا تزال المشكلة موجودة بدون ادني تعديل.
3- قطع غيار الالتو مقارنة ب الفيرنا او الماروتي مثلا --- تعتبر غالية بالفعل -- و قد تجد ان هناك بعض القطع مش متوفرة في التوكيل لبعض الوقت -- بس مش كتير ---- لو هانقارنها بسعر قطع غيار هيونداي اي تن مثلا -- هانلاقي الاي تن اعلي -- ده للامانة
4- في المشاوير القصيرة والشوارع الضيقة و الاماكن الضيقة -- الالتو مالهاش حل -- في السفر زي الفل -- توديك الهند و تجيبك في نفس اليوم -- بس المشكلة فعلا انها الي حد ما غير مريحة في القعدة الطويلة علي الكراسي -- بسبب تصميمها الغير مريح الي حد ما -- بس ها تتعود.
5- بعد سرعة 70 تقريبا بتبتدي تسمع صوت الماتور نتيجة للعزل غير الجيد للمحرك -- بس هاتتعود ايضا.
اخيرا سيدي الفاضل -- البدائل موجودة بس السعر مبالغ فيه و عند الاختيار بينها و بين اي سيارة يجب مراعاة الاتي لو يهمك:
استهلاك البنزين مقارنة بضيق المساحة
الاوبشن القليل و السعر القليل مقارنة بالاوبشن الاعلي و السعر الاعلي
انصحك اخيرا ان تذهب الي معرض سيارات و ليكن سمير ريان مثلا -- اركب العربية من الداخل و شوف هاترتاح لها و اللا لا -- الراااااحة اهم حاجة

مش عارف حيرتك اكثر و اللا لا -- ارجو من الله التوفيق لك و للجميع لان موضوع اختيار سيارة قمة في الحيرة ---
السلام عليكم

اشكر حضرتك جدا يا استاذ عمر على الرد المفصل الرائع ده اللي ساعدنى احسم امرى ان شاء الله واقرر شراء اﻻلتو وشكر ايضا للاستاذ ابراهيم اللى تعبناه معانا وجزاكم الله خيرا جميعا

استفسارى بخصوص البور
الدركسيون مش باور ,, طب بخصوص موديلات الالتو السابقة هل كانت باور ولا لاء ؟؟
وبخصوص الجديده هل الدركسيون ناشف زى الفيات 128 او 132 او البيجو 504 ولا افضل ... والفرق بينها وبين الباور كتير خصوصا انها موديل 2015 ولا ايه ؟ ... م الاخر موضوع انها مش باور ده فصلنى وخلانى متردد فى قرارى انا المفروض النهارده اكون بحجزها ف التوكيل ... بموضوعية يا شباب ربنا يبارك فيكم

السلام عليكم
الاعضاء الأفاضل ان شاءالله استخير في شراء العربية دي لان ماشاءالله عجباني لكذا سبب بس مضايقه من عدم وجود زجاج كهربا وسنتر وانذار وان شاءالله اركبهم ع حسابي بعدين لو ربنا كرمني واشترتها.. سؤالي الاول عن الدبرياج ناعم وسهل الاستخدام ولا لا.. واللي اشتري تقسيط ممكن يقول المقدم كام والقسط كام.. ولكم جزيل الشكر والاحترام

المشاركة الأصلية كتبت بواسطة محمد.صلاح

استفسارى بخصوص البور
الدركسيون مش باور ,, طب بخصوص موديلات الالتو السابقة هل كانت باور ولا لاء ؟؟
وبخصوص الجديده هل الدركسيون ناشف زى الفيات 128 او 132 او البيجو 504 ولا افضل ... والفرق بينها وبين الباور كتير خصوصا انها موديل 2015 ولا ايه ؟ ... م الاخر موضوع انها مش باور ده فصلنى وخلانى متردد فى قرارى انا المفروض النهارده اكون بحجزها ف التوكيل ... بموضوعية يا شباب ربنا يبارك فيكم

بخصوص الالتو القديمة اه كانت باور لغاية 2008 او 2009 على ما اعتقد ... بعد كده لغو الباور
وبخصوص الالتو الجديدة الدركسيون بتاعها بيبقى تقيل جدا وانت واقف ... اول ما تتحرك بيبقى خفيف وحلو ... وطبعا مش هايبقى زى البيجو ولا ال 132 ... ارحم شوية