الموضوع: تقرير استلام التو 2015 الشكل الجديد

المشاركة الأصلية كتبت بواسطة D . a .\ AYMAN

ما تقلقش ... طالما كنت بتتعلم على بيجو قديم يبقى الدبرياج بتاع الالتو هاتدوس عليه بصباع رجلك الصغير من غبر ما تحس بيه

روح وجرب الدبرياج في المعرض حتى من غير تشغيل العربية

شكرا للاهتمام والرد D . a .\ AYMAN وبالنسبة للحجم مفيش عربية تكون في حجمها اقدر اقارنها بيها ﻻني مفيش معارض قريبة مني اقدر اشوف فيها العربية اﻻلتو وشكرا

المشاركة الأصلية كتبت بواسطة midoamro

مساعدة يا اهل الخير خصوصا ا محمد صﻻح او ا محمد نجيب او اي واحد ذو خبرة الافضل سويفت مستعملة 2015 بحالة جيدة 55000 ام التو 800 زيرو انا النهارده كنت بتعلم سواقة على بيجو 504 ستيشن بس الدبرياج تقيل جدا جدا فهل في اﻻلتو زي كده وﻻ ايه انا كنت بضغط دبرياج بكل قوتي ودي اول مره خايف اﻻلتو تكون كده لأني حاجزها بس خايف جدا من الحجم خاصة اني مشفتهاش الا ع النت ولو حد يعرف يقارنهالي بعربية تاني يبقى شاكر ليكم جدا مثل اسبيرانزا a113 او كيا العصفورة او اي سيارة اخرى تكون في حجمها يقارنهالي من حيث الحجم فقط

الافضل سويفت مستعملة 2015 بحالة جيدة 55000 ام التو 800 زيرو
سويفت 2015 مستعملة بـ 55 الف !!! دى مش فاهمها يا باشا اظن سويفت 2015 زيرو 100 الف الوقتى مش معقول تنزل النزلة دى ... لو تقصد سويفت القديمة فلا تتعدى الـ 35 الف دى لو حالتها تمام كمان

كنت بتعلم سواقة على بيجو 504 ستيشن بس الدبرياج تقيل جدا جدا فهل في اﻻلتو زي كده وﻻ ايه انا كنت بضغط دبرياج بكل قوتي ودي اول مره خايف اﻻلتو تكون كده
لا يا باشا مش للدرجه دى انا للاسف مستلمتش لسه بس مقدرش اساوى بين البيجو 504 موديل الثمانينات مع عربية موديل 2015 فى حاجة زى دى اكيد اخف بكتير جدا , وزى ما الاستاذ D . a .\ AYMAN قال فى رده الموضوع هيختلف جدا

خايف جدا من الحجم خاصة اني مشفتهاش الا ع النت ولو حد يعرف يقارنهالي بعربية تاني يبقى شاكر ليكم جدا مثل اسبيرانزا a113 او كيا العصفورة او اي سيارة اخرى تكون في حجمها يقارنهالي من حيث الحجم فقط


انا ركبتها فى المعرض مرتين هى افضل من الماروتى فى الاتساع والعلو والشكل ونظام الموتور وتكييف
مقارنتك بينها وبين سبرانزا a113 فى الحقيقة سبرانزا تكسب اتساع "معمولة باخترافيه فى الاتساع " وتكسب فى الامكانيات خصوصا انها باور و الكاست كامل والـ 1300 cc سنتر تكييف
الالتو مقاربة جدا للـ i10 وشيفروليه سبارك فى الحجم بس المشكلة بتكون فى توزيع المساحات الداخلية يعنى فى المقارنة العملية ( i10 - سبارك - التو - a113 - بانديدنو -شنجان مينى - بيكانتو) فى تصنيف الحجم كلهم متقاربين جدا من بعض المقارنة بتكون فى الامكانيات والاوبشن والمساحة الداخلية
بيكانتو و i10 سبارك اعلى من الالتو فى كل حاجه طبعا بس بتمنهم
a113 و باندينو و شنجان اعلى من الالتو ايضا بس اغلي فى السعر + صينى
الالتو ماركة سوزوكى ليها تاريخ استخدام فى مصر , فقيرة فى الاوبشن واقلهم فى الامكانيات على قد فلوسها انما مش صينى ولو الحالة ميسورة وغاوى السيارات الصغيرة ممكن تفاضل بين الفئة الاولي

الالتو مقاربة جدا للـ i10 وشيفروليه سبارك فى الحجم بس المشكلة بتكون فى توزيع المساحات الداخلية يعنى فى المقارنة العملية ( i10 - سبارك - التو - a113 - بانديدنو -شنجان مينى - بيكانتو) فى تصنيف الحجم كلهم متقاربين جدا من بعض المقارنة بتكون فى الامكانيات والاوبشن والمساحة الداخلية
بيكانتو و i10 سبارك اعلى من الالتو فى كل حاجه طبعا بس بتمنهم
a113 و باندينو و شنجان اعلى من الالتو ايضا بس اغلي فى السعر + صينى
الالتو ماركة سوزوكى ليها تاريخ استخدام فى مصر , فقيرة فى الاوبشن واقلهم فى الامكانيات على قد فلوسها انما مش صينى ولو الحالة ميسورة وغاوى السيارات الصغيرة ممكن تفاضل بين الفئة الاولي[/QUOTE]

مشكوووووور جدا ا / محمد صﻻح

العربية تستحمل السفر لمرسى مطروح فى الصيف مثلا

بالنسبة للشنطة ممكن يتحط فيها شنط سفر ؟؟

المشاركة الأصلية كتبت بواسطة ahmed saytara

العربية تستحمل السفر لمرسى مطروح فى الصيف مثلا

بالنسبة للشنطة ممكن يتحط فيها شنط سفر ؟؟

'طبعا تستحمل يا باشا ... مفيش مشكلة
وبخصوص الشنطة الخلفية ... هى تاخد شنطة سفر واحدة بس ... غير كده ماتخدش

المشاركة الأصلية كتبت بواسطة ibrahimahmed

'طبعا تستحمل يا باشا ... مفيش مشكلة
وبخصوص الشنطة الخلفية ... هى تاخد شنطة سفر واحدة بس ... غير كده ماتخدش

والله يا ا/ ابراهيم كل ما اقرأ لك تعليق عن الالتو بتطمن اكتر خصوصا انى منتظر تليفون التوكيل عشان الاستلام
اخبارها ايه يا باشا فى البرد وخصوصا مع الدوران الصبح
الثبات مع المطر على الطريق خصوصا مع الكاوتش الرفيع ده ,
الشد بالعربيه اخباره ايه واقصى سرعه وصلت لها الفتره اللى فاتت ايه وفضل ثابت عليها قد ايه ؟؟
الاستهلاك طمنى عليه هل بيزيد مع الوقت ولا شبه ثابت والنسبة التقريبية كام للـتر

وشكرا على كل رد ومعلومة افادتنا بيها

المشاركة الأصلية كتبت بواسطة محمد.صلاح

والله يا ا/ ابراهيم كل ما اقرأ لك تعليق عن الالتو بتطمن اكتر خصوصا انى منتظر تليفون التوكيل عشان الاستلام
اخبارها ايه يا باشا فى البرد وخصوصا مع الدوران الصبح
الثبات مع المطر على الطريق خصوصا مع الكاوتش الرفيع ده ,
الشد بالعربيه اخباره ايه واقصى سرعه وصلت لها الفتره اللى فاتت ايه وفضل ثابت عليها قد ايه ؟؟
الاستهلاك طمنى عليه هل بيزيد مع الوقت ولا شبه ثابت والنسبة التقريبية كام للـتر

وشكرا على كل رد ومعلومة افادتنا بيها

الله يخليك يا باشا
- الدوارة الحمد لله مافيهاش مشكلة خالص فى البرد ده
- يعنى انا يعتبر ماسوقتش فى المطر ده غير مرة واحدة ... وماكنتش بجرى لاعتبارات الامان ... فمكانش فيه مشكلة
- اقصى سرعة 145 كم/س ... ومطولتش عليها .. كانت للتجربة بس ... السرعة القصوى اللى مشيت عليها كتير كانت 120 كم/س ... والعربية كانت ثابتة عليها ... الدركسيون بس اللى فيه رجه خفيفة
- الاستهلاك دلوقتى بعد 8000 كيلو ... قل شوية ... اول ما اشتريت العربية كان 17 كيلو لكل لتر ... دلوقتى بقى حوالى 16 كيلو لكل لتر ... يعنى ماقلش كتير الحمد لله