تقرير استلام التو 2015 الشكل الجديد

**مصطفى عمر** · 26-09-2014 08:08 PM

مين تاجر قطع الغيار ابن المحظوظه اللى هيجيب قطع غيار و اكسسوارات و مرايات التو الجديده الراجل دا هيبيع شويه مرايات زى الفل بس هو ربنا يفتح على صاحب الرزق و يبعت يستوردهم هيفتح منفذ بيع على باب التوكيل ههههههههههههههههههههههههه ههههه اللى خارج هياخد جوز مرايات و اربع دلايات و ولاعه و لو ربنا كرم بقى يجيب الازاز الكهرابا و البور و تبقى كملت و يلعن ابو التوكيل الحرامى فالارض العربيه دى فول ابشن تمنها بالمصرى فبلدها لممستهلك ما يعادل 32 الف يعنى الفئه الفاضيه اللى المستورد جايبها تقريبا 26 او 27 الف شوفوا بقى بيسرقوا اد ايه فحدود ال 33 الف جنيه كمتوسط للسرقخ فكل عربيه جمارك على شحن على استعباط على حجز على مش عارف ايه العربيه كل ما تصغر كل ما السبوبه بتاعتها تكبر ههههههههههههههههههههههههه .... ربنا ينتقم منكم يا بعدا

**m.mostafa_22** · 27-09-2014 02:15 PM

المشاركة الأصلية كتبت بواسطة ibrahimahmed

الحمد لله تم شراء كاسيت وسنتر وانذار برة التوكيل وتم التركيب فى التوكيل .... الحمد لله جمعت بين الحسنيين

والجميل بقى فى الموضوع انى اشتريت مع الحاجات دى سماعتين بيونير ب 200 جم ... رحت التوكيل الناس قالولى العربية فيها اصلا سماعات مش هانحتاج سماعات ... طبعا مش عاوز اقولكو الواحد انشكح قد ايه ... لان الراجل اللى فى معرض مودرن اللى فى الدقى هو اللى قاللى معلومة ان العربية مجهزة لتركيب السماعات بس مافيهاش سماعات ... يلا الحمد لله اهو كفاية مصاريف المقدم والقسط والكلام ده

انا روحت النهاردة الساعة 9 الصبح و معايا الكاسيت و السنتر و الانذار وقالولى مينفعش نركبلك حاجه من بره التوكيل ( ممنوع) قولتلهم ازاى --- دا واحد صاحبى جالكم الاسبوع اللى فات وجاب الاكسسوارات دى من بره وركبهم عندكم بـ 200 جنيه واسمه ابراهيم احمد --- قالى الكلام ده محصلش --- وروحت تانى

**ibrahimahmed** · 27-09-2014 06:07 PM

المشاركة الأصلية كتبت بواسطة m.mostafa_22

انا روحت النهاردة الساعة 9 الصبح و معايا الكاسيت و السنتر و الانذار وقالولى مينفعش نركبلك حاجه من بره التوكيل ( ممنوع) قولتلهم ازاى --- دا واحد صاحبى جالكم الاسبوع اللى فات وجاب الاكسسوارات دى من بره وركبهم عندكم بـ 200 جنيه واسمه ابراهيم احمد --- قالى الكلام ده محصلش --- وروحت تانى

كده برضو تسيحلى ... عامة هما صح برضو لان العربية مش باسمى
وهو الموضوع كله محتاج يكون ليك معرفة هناك ... غير كده مش هاينفع زى ماقالولك

**مصطفى عمر** · 28-09-2014 05:42 PM

تقلنا على الاستاذ احمد كتير الصراحه ...بالنسبه لجانط العربيه مقاسه كام و الكاوتش اللى راكب عليه بردوا بيبقى مقاسه كام دا سؤال ...
سؤال كمان . لو الواحد يركب جنط هل الجنط هيبقى عريض بس ولا اكبر و اعرض شويه لانى شايف ان مساحه الفجوه بتاعه العجل كبيره و العجله جواها صغيره ولو هنكبر هنشترى مقاس كام اكبر و اعرض ولا اعرض بس

**bassemali** · 28-09-2014 09:21 PM

متايع ........

**ibrahimahmed** · 28-09-2014 11:26 PM

المشاركة الأصلية كتبت بواسطة مصطفى عمر

تقلنا على الاستاذ احمد كتير الصراحه ...بالنسبه لجانط العربيه مقاسه كام و الكاوتش اللى راكب عليه بردوا بيبقى مقاسه كام دا سؤال ...
سؤال كمان . لو الواحد يركب جنط هل الجنط هيبقى عريض بس ولا اكبر و اعرض شويه لانى شايف ان مساحه الفجوه بتاعه العجل كبيره و العجله جواها صغيره ولو هنكبر هنشترى مقاس كام اكبر و اعرض ولا اعرض بس

يا باشا ولا يهمك
العربية بتنزل بجنط 13 بوصة عرض 145 مللى وهو هو بيبقى نفس مقاس الكاوتش
انا رايى لو هاتزود زود فى عرض الجنط .. يعنى مثلا ممكن تجيب جنط اسبور عرض 175 مللى
انما القطر حاول ماتزودوش وخليه 13 بوصة زى ما هو عشان لو انت محمل العربية ولا حاجة مع القطر الكبير ممكن الكاوتش يحك وانت ماشى

**مصطفى عمر** · 28-09-2014 11:51 PM

175 ملى دا يبقى مقاس 14 ولا اكتر يعنى لما اجى اغير اقول لبتاع الجنوط عاوز مقاس كام اعتقد انك تقصد 14
طيب لو جبت 175 مللى او 14 ان كان كلامى صح اغير الكاوتش ولا اسيبه ولا اجيب مقاس معين تفاصيل الكاوتش هتبقى ايه .....
و شكرا جزيلا لذوقك

**ibrahimahmed** · 29-09-2014 10:55 AM

المشاركة الأصلية كتبت بواسطة مصطفى عمر

175 ملى دا يبقى مقاس 14 ولا اكتر يعنى لما اجى اغير اقول لبتاع الجنوط عاوز مقاس كام اعتقد انك تقصد 14
طيب لو جبت 175 مللى او 14 ان كان كلامى صح اغير الكاوتش ولا اسيبه ولا اجيب مقاس معين تفاصيل الكاوتش هتبقى ايه .....
و شكرا جزيلا لذوقك

بص يا باشا ... عندنا مقاسين مختلفين ... اولا قطر العجلة : وده بيتقاس بالبوصة .. 12 بوصة او 13 بوصة او 14 بوصة او 15 بوصة وهكذا
المقاس التانى هو عرض العجلة : وده بيتقاس بالمللى .. يعنى 145 مللى او 175 مللى او 195مللى وهكذا
فعادى انك تجيب جنط 13 بوصة وعرضه يبقى 175 مللى
انا مانصحكش انك تكبر قطر العجلة وتجيب 14 ... لا خليك فى ال13 بوصة هايبقى كويس اوى للعربية ... اللى ممكن تكبرة هو عرض الكاوتش وده المسئول عن ثبات العربية
يعنى العربية بتنزل بعجل عرضه 145 مللى ... ممكن تكبر انت وتجيب 175 مللى ... هايبقى كويس لثبات العربية
وطبعا تغيير العرض ده هايتبعه تغيير الجنط والكاوتش نفسه ... بس الجنط القديم بيتباع مستعمل عادى ولو كان لسه جديد سعره بيبقى كويس ... والكاوتش كمان بيتباع مستعمل وبرضو لو جديد هايفرق معاك فى السعر

**مصطفى عمر** · 29-09-2014 12:27 PM

تسلم ياباشا

**rasha adly** · 04-10-2014 09:47 AM

المشاركة الأصلية كتبت بواسطة ibrahimahmed

الف مبروك وبرنا يديكى خيرها ويباركلك فيها
الكاسيت امره سهل لانه فيشة انما اللى ممكن يعمل مشكلة لو اتركب برة هو السنتر والانذار لانه بيحتاج لعب فى الضفيرة
ممكن تركبيهم برة بس كده ممكن لو حصل لا قدر الله مشكلة فى الكهرباء بعد كده التوكيل هايقولك كهربة العربية برة الضمان
وعامة تصفحى الموضوع من اوله صفحة صفحة كده هتلاقى فيه ان شاء الله رد لمعظم الاسئلة اللى شاغلاكى بما انك مقبلة على الاستلام

الله يبارك فيك
انا استلمتها خلاص اللون الازرق
وقررت معملش حاجه بره التوكيل